ⵉⵖⵜⵙ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴰⴷ ⵉⵔⵏⵓ ⵜⴰⵡⵓⵔⵉ ⵏⵏⵙ ⵙ ⵉⵙⵓⵜⵍⵏ ⴷ ⵜⵙⵏⵙⵉⵏ ⵜⵉⵙⵏⵡⴰⵏⵉⵏ ⵙⴳ ⵉⵎⴰⵍⴰⵙⵙ ⴰⴷ ⵢⵓⵛⴽⴰⵏ

30 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵉⵖⵜⵙ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴰⴷ ⵉⵔⵏⵓ ⵜⴰⵡⵓⵔⵉ ⵙ ⵉⵙⵓⵜⵍⵏ ⴷ ⵜⵙⵏⵙⵉⵏ ⵜⵉⵙⵏⵡⴰⵏⵉⵏ ⵙⴳ ⵉⵎⴰⵍⴰⵙⵙ ⵢⵓⵛⴽⴰⵏ ⴰⴼⴰⴷ ⴰⴷ ⵉⵍⵉⵏ ⴰⴽⴽⵯ ⵏ ⵉⴳⵔⵏ ⵉⵏⴱⴰⴹⵉⵏ ⵏ ⵉⵙⵇⵙⵉ ⴷ ⵓⵃⵟⵟⵓ ⴰⴱⵕⵍⴰⵎⴰⵏⵉ.

ⵉⵏⵏⴰ ⵡⵙⵇⵇⵉⵎ ⴳ ⵢⴰⵏ ⵓⵙⵉⵡⴹ ⵍⵍⵉ ⵢⴼⴼⵖⵏ ⴷⴼⴼⵉⵔ ⵏ ⵜⵙⵎⵓⵏⵉ ⵜⴰⵎⴰⵍⴰⵙⵜ ⵍⵍⵉ ⵢⵎⴰⵏⵏ ⵉⴹ ⵍⵍⵉ ⵏ ⴰⵙⵙ ⵏ ⵓⵢⵏⴰⵙ, ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵜⵎⵔⵙⴰⵍⵜ ⵜⴰⵣⵔⴼⴰⵏⵜ, ⵄⴱⴷ ⵍⵃⴽⵉⵎ ⴱⵏ ⵛⵎⵎⴰⵛ, ⵙ ⵜⴰⵜⵉⵇⵏⵉⵜ ⵏ ⵓⵎⴰⴽ ⵏ ⵓⵎⵢⴰⵡⴰⴹ ⵙ ⵡⴰⴳⴳⵓⴳ, ⵎⴰⵙ ⵜⵖⵜⴰⵙⵜ ⵜⵓⵛⴽⴰⴷ ⴳ ⵓⵙⴰⵜⵉ ⵏ ⵉⵎⴰⴽⵏ ⵏ ⵓⴽⴽⵙ ⵉⵎⵉⴽ ⵙ ⵉⵎⵉⴽ ⵏ ⵜⵎⴷⵢⴰⵙⵜ ⵜⴰⴷⵓⵙⴰⵏⵜ, ⴷ ⵙ ⵜⵔⴰⵔⵜ ⵅⴼ ⵉⵙⵇⵙⵉⵏ ⵜⵏⵎⵓⵔⵉⵏ ⴷ ⵉⵏⵎⵓⵔⵏ ⵅⴼ ⵜⵍⴽⴰⵎⵉⵏ ⵏ ⵓⴱⴰⵢⵢⵓⵕ "ⴽⵓⵕⵓⵏⴰ" ⵅⴼ ⵜⴷⵎⵙⴰ ⵜⴰⵏⴰⵎⵓⵔⵜ ⴷ ⵅⴼ ⵉⴷⴷⴰⴷⵏ ⵉⵏⴰⵎⵓⵔⵏ ⵏ ⵎⵛⵜⴰ ⵏ ⵉⵙⵎⵍⵏ ⵏ ⵓⵏⴰⵎⵓⵏ, ⴷ ⵜⵍⴽⴰⵎⵉⵏ ⵏ ⵜⵙⵇⵙⵉⵏ ⵉⴷⴷⵓⵔⵏ ⵖⵓⵕ ⵉⵏⴰⵎⵓⵔⵏ ⴷ ⵜⵉⵏⴰⵎⵓⵔⵉⵏ.

ⵉⴼⵔⴰ ⵢⵏⵏⴰ ⵡⵙⵉⵡⴹ ⵎⴰⵙ ⵜⵙⵎⵓⵏⵉ ⵍⵍⵉ ⵢⵣⵍⵉⵏ ⵅⴼ ⵉⵙⵏⴼⵍⵏ ⵙⴳ ⵜⵖⴰⵡⵙⵉⵡⵉⵏ ⵖⵓⵔⵙⵏ ⵜⵓⵇⵇⵏⴰ ⵏ ⵓⵖⴰⵡⴰⵙ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵉⴳⴰ ⵢⴰⵏ ⵓⵣⵎⵣ ⵍⵍⵉ ⵢⵙⵙⴽⵜⵉ ⵡⵙⵇⵇⵉⵎ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴰⵎⵙⴰⵙⴰ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵉⴳⵎⴰⵎⵏ ⴷ ⵉⴼⵔⴷⵉⵙⵏ ⵏⵏⵙ ⵏ ⵓⵙⵡⵓⴷⴷⵓ ⵏ ⵉⵙⵓⵜⵍⵏ ⵉⵙⵍⵉⴳⵏ ⵍⵍⵉ ⴷ ⵢⵉⵡⵉ ⵡⴱⴰⵢⵢⵓⵕ "ⴽⵓⵕⵓⵏⴰ" ⵙ ⵓⵎⵎⴰⵙ ⵏ ⵓⵎⵛⴰⵛⴽⴰ ⵏ ⵓⵍⴳⵏ ⵏ ⵜⵡⵓⵔⵉⵡⵉⵏ ⵏⵏⵙ ⴷ ⵉⵎⴰⴽⵏ ⵏ ⵓⵃⵟⵟⵓ ⵓⵣⵣⵉⴳⵔ ⵙⵍⴰⵡⴰⵏ ⴰⴽⴽⵯ ⴳ ⵓⵎⵎⴰⵙ ⵏ ⵜⵡⵓⵔⵉⵡⵉⵏ ⵏ ⵓⵎⴰⴽ ⵏ ⵓⵙⵜⴰⵢ ⴰⵍⵉⴽⵟⵕⵓⵏⵉ ⵙ ⵡⴰⴳⴳⵓⴳ, ⴷ ⵓⵎⵎⴰⵥ ⵏ ⵓⵏⴳⵔⴰⵡ ⵓⵙⵍⵉⴳ ⵏ ⵜⵔⵎⵡⵉⵏ ⵏ ⵜⵙⵇⵙⵉⵏ ⵜⵉⵎⵉⵡⴰⵢⵏ ⵉⴱⵉⴷⴷⵏ ⵅⴼ ⵜⵙⵇⵙⵉ ⵏ ⵜⵎⴰⵡⴰⵙⵉⵏ ⵉⵟⵟⴰⴼⵏ ⵜⵓⵇⵇⵏⴰ ⵜⵓⵙⵔⵉⴷⵜ ⴷ ⵜⵍⴽⴰⵎⵉⵏ ⵏ ⵓⴱⴰⵢⵢⵓⵕ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%96%E2%B5%9C%E2%B5%99-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B5%9B%E2%B5%9B%E2%B5%89%E2%B5%A1%E2%B4%B0%E2%B5%95-%E2%B4%B0%E2%B4%B7-%E2%B5%89%E2%B5%94%E2%B5%8F%E2%B5%93-%E2%B5%9C%E2%B4%B0%E2%B5%A1%E2%B5%93%E2%B5%94%E2%B5%89-%E2%B5%8F%E2%B5%8F%E2%B5%99-%E2%B5%99-%E2%B5%89%E2%B5%99%E2%B5%93%E2%B5%9C%E2%B5%8D%E2%B5%8F-%E2%B4%B7-%E2%B5%9C%E2%B5%99%E2%B5%8F%E2%B5%99%E2%B5%89%E2%B5%8F-%E2%B5%9C%E2%B5%89%E2%B5%99%E2%B5%8F%E2%B5%A1%E2%B4%B0%E2%B5%8F%E2%B5%89%E2%B5%8F-%E2%B5%99%E2%B4%B3-%E2%B5%89%E2%B5%8E%E2%B4%B0%E2%B5%8D%E2%B4%B0%E2%B5%99%E2%B5%99