ⵜⴰⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵕⴰ .. ⵢⴰⵏ ⵓⴱⵔⵓⵟⵓⴽⵓⵍ ⵏ ⵜⴷⵓⵙⵉ ⵉⵣⵍⵉⵏ ⵙ ⵓⵙⵏⵎⴰⵍ ⵏ ⵉⵔⵉⵎⵏ ⵏ ⵍⴱⴰⴽⴰⵍⵓⵕⵢⴰ ⴳ ⵜⴼⴰⵡⵜ ⵏ ⵓⴱⴰⵢⵢⵓⵕ (ⴽⵓⴼⵉⴷ 19)

29 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵜⵓⵎⵜⴰ ⵜⴽⴰⴷⵉⵎⵉⵜ ⵜⵏⵎⵏⴰⴹⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵇⵏⵉⵟⵕⴰ ⵢⴰⵏ ⵓⴱⵔⵓⵟⵓⴽⵓⵍ ⵏ ⵜⴷⵓⵙⵉ ⵍⵍⵉ ⵜⵙⵓⵊⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴰⴷ ⴰⵏⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏ ⵉⵣⵍⵉⵏ ⵙ ⵓⵙⵏⵎⴰⵍⴰ ⵏ ⵉⵔⵉⵎⵏ ⵏ "ⵍⴱⴰⴽⴰⵍⵓⵕⵢⴰ" ⴳ ⵜⴼⴰⵡⵜ ⵏ ⵓⴱⴰⵢⵢⵓⵕ (ⴽⵓⴼⵉⴷ-19) ⵉⵜⵜⵓⵖⵜⴰⵙⵏ ⴰⴷ ⵜⵉⵍⵉ ⴳ ⵓⵙⵡⵉⵔ ⴰⵏⴰⵎⵓⵔ ⴰⴳ 3 ⴰⵔ 9 ⵢⵓⵍⵢⵓⵣ ⴰⴷ ⵢⵓⵛⴽⴰⵏ.

ⵉⵍⵍⴰ ⴳ ⵓⴱⵔⵓⵟⵓⴽⵓⵍ ⵉⵎⵏⵣⵢⵏ ⵉⵎⵜⴰⵢⵏ ⵏ ⵓⵔⴰⵢ ⵙⴳ ⵓⴼⵉⵔⵓⵙ ⴳ ⵓⵣⵎⵣ ⵏ ⵉⵔⵉⵎⵏ ⵎⴰⵢⴰⴷ ⵉⴳⴰⵏ ⴰⵛⵛⵓⵍⵏ ⵏ ⴰⴽⴽⵯ ⵉⴽⵛⵓⵎⵏ ⴳ ⵓⵣⵎⵣ ⵏ ⵉⵔⵉⵎⵏ ⵉⵍⵍⴰ ⴳⵉⵙⵏ ⵎⴰⴷ ⵉⵣⵍⵉⵏ ⵙ ⵓⵍⵉⴳⵏ ⵏ ⵡⴰⴳⴳⵓⴳ ⵏ ⵓⵏⵙⴰ ⴷ ⵓⴼⴰⵔⴳ ⵏ ⴰⵏⴰⵙⴰ ⵓⵔ ⵉⵍⵉ ⴷⴷⵓ ⵏ ⵎⵉⵜⵔ ⴰⵣⴳⵓⵏ ⴳⵔ ⴰⴽⴽⵯ ⵉⴼⴳⴰⵏ ⵙⵡⴰ ⵉⴳⴰ ⵍⵃⴰⵍ ⵏ ⵉⵏⵍⵎⴰⴷⵏ ⴷ ⵉⵙⵍⵎⴰⴷⵏ ⴷ ⵉⵙⵜⴰⵢⵏ ⵉⵎⵙⵜⴳⴳⴰⵔⵏ ⴷ ⵎⵛⵜⴰ ⵏ ⵉⵎⵡⵡⵓⵔⵉⵏ ⴳ ⵜⵎⵔⵙⴰⵍⵉⵏ ⵏ ⵓⵙⵍⵎⴰⴷ ⴷ ⵎⵉⴷⴷⵏ ⵢⴷⴷⴰⵏ.

ⵓⵍⵉⴳ ⴰⴷ ⵉⵅⵙⵙⴰ ⴰⴷ ⵜⵜⵓⴼⴰⵔⴳ ⴳ ⴰⴽⴽⵯ ⵏ ⵉⵎⴷⵢⴰⵡⵏ ⴳ ⵓⴳⵏⵙⵓ ⵏ ⵜⵣⵇⵇⴰ ⵏ ⵜⵓⵏⵏⵓⵏⵜ ⵉⵖⵎⵓⵙ ⴷ ⵜⵙⴷⴰⵡⵉⵏ ⴷ ⵜⵣⵇⵇⴰ ⵉⵎⵇⵓⵕⵏ ⴳ ⵓⵙⵎⵔⵙ ⵏⵏⵙ ⵓⵍⴰ ⴳ ⵓⵣⵎⵣ ⵏ ⵓⵙⴳⵓⵏⴼⵓ ⴷ ⵜⵏⴰⴼⵓⵜⵉⵏ ⵏ ⵜⴷⵓⵙⵉ ⴷ ⵉⴱⵔⵉⴷⵏ ⴷ ⵉⵙⵙⴰⵔⵏ ⵉⵎⵙⵜⴳⴳⴰⵔⵏ ⴷ ⵓⵍⴰ ⵜⵏⴰⴼⵓⵜⵉⵏ ⵢⴰⴹⵏⵉⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8E%E2%B5%8F%E2%B4%B0%E2%B4%B9%E2%B5%9C-%E2%B5%8F-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%99%E2%B5%8D%E2%B4%B0-%E2%B5%8D%E2%B5%87%E2%B5%8F%E2%B5%89%E2%B5%9F%E2%B5%95%E2%B4%B0-%E2%B5%A2%E2%B4%B0%E2%B5%8F-%E2%B5%93%E2%B4%B1%E2%B5%94%E2%B5%93%E2%B5%9F%E2%B5%93%E2%B4%BD%E2%B5%93%E2%B5%8D-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89-%E2%B5%89%E2%B5%A3%E2%B5%8D%E2%B5%89%E2%B5%8F-%E2%B5%99-%E2%B5%93%E2%B5%99%E2%B5%8F%E2%B5%8E%E2%B4%B0%E2%B5%8D-%E2%B5%8F-%E2%B5%89%E2%B5%94%E2%B5%89%E2%B5%8E%E2%B5%8F-%E2%B5%8F