ⵜⴰⵔⵏⵓⵜ ⵏ ⵉⵎⵃⵉⵣⵡⴰⵔⵏ ⵏ ⵜⴱⵔⴰⵣⴰ ⵜⴰⵏⴰⵎⵓⵔⵜ ⵜⴰⵣⵣⵓⵍⴰⵏⵜ ⵏ ⵜⴽⵓⵔⵜ ⵏ ⵓⴹⴰⵕ ⴳ ⵜⴰⵎⵎ ⵏ ⵢⵓⵍⵢⵓⵣ ⴷ ⵍⴱⴷⵓ ⴳ ⵉⵙⴰⵏⵓⵏ ⴳ ⵉⵎⴰⵍⵍⴰⵙ ⴰⴷ (ⵎⴰⵙⵙ ⵍⴼⵉⵔⴷⴰⵡⵙ)

23 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵉⵙⴳⵓⵔⴰ ⵡⵎⴰⵡⵙⴰⵙ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ, ⵎⴰⵙⵙ ⵄⵜⵎⴰⵏ ⵍⴼⵉⵔⴷⴰⵡⵙ, ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵜⵔⵏⵓⵜ ⵏ ⵉⵎⵃⵉⵣⵡⴰⵔⵏ ⵏ ⵜⴱⵔⵣⴰ ⵜⴰⵏⴰⵎⵓⵔⵜ ⵜⴰⵣⵣⵓⵍⴰⵏⵜ ⵏ ⵜⴽⵓⵔⵜ ⵏ ⵓⴹⴰⵕ ⴳ ⵜⴰⵎⵎ ⵏ ⵢⵓⵍⵢⵓⵣ ⴷ ⵍⴱⴷⵓ ⴳ ⵉⵙⴰⵏⵓⵏ ⴳ ⵉⵎⴰⵍⵍⴰⵙ ⴰⴷ.

ⵜⵓⵛⴽⴰⴷ ⵜⵙⴳⵓⵔⵉ ⵢⴰⴷ ⴰⵎⵎⴰⵙ ⵏ ⵢⴰⵏ ⵓⴼⵙⴰⵔ ⵍⵍⵉ ⵢⵙⵎⵏⵉⴷ ⵎⴰⵙⵙ ⵍⴼⵉⵔⴷⴰⵡⵙ ⴷⴰⵜ ⵏ ⵓⴳⵔⴰⵡ ⵏ ⵉⴳⵔⵏ ⵉⵏⴰⵎⵓⵏⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵉⵥⵍⵉⵏ ⵙ ⵓⵎⴹⴰⴽⴰⵕ ⵅⴼ ⴰⴷⴷⴰⴷ ⵏ ⵉⴳⵔ ⵏ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ ⴷⴷⵓ ⵏ ⵓⴱⴰⵢⵢⵓⵕ ⵏ "ⴽⵓⵕⵓⵏⴰ" ⴷ ⵉⵙⵡⴰⴷⴷⵓⵏ ⵏ ⵓⵃⵟⵟⵓ ⵏ ⵜⵎⴰⵡⴰⵙⵜ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏⵏⵙ ⴳ ⵓⵣⵎⵣ ⵏ ⵓⵇⵇⵉⵎ ⴰⴷⵓⵙⴰⵏ ⴷ ⵜⵉⵍⴽⴰⵎⵉⵏ ⵏⵏⵙ ⴳ ⵓⵙⴱⵉⴷⴷ ⵏ ⵜⵓⵏⵏⵓⵏⵉⵏ ⵉⵎⴳⵔⴰⵡⵏ ⴷ ⵉⵎⵃⵉⵣⵡⵔⵏ ⵏ ⵜⵓⵏⵏⵓⵏⵜ, ⵓⵍⴰ ⵡⵙⴳⴳⵯⴰⵙ ⵏ ⵜⵅⵢⵉⵎ ⴳ ⵓⵏⴱⴷⵓ ⵏ 2020.

ⵉⵙⵓⵍ ⵉⵏⵏⴰ ⵡⵎⴰⵡⵙⴰⵙ, ⴳ ⵓⵙⴰⵜⵉ ⴷⵖ, ⵎⴰⵙ ⵜⵖⵜⴰⵙⵜ ⴰⴷ ⵉⵜⵜⵢⵓⵎⴰⵥⵏ ⵙ ⵓⵣⴷⵓⵢ ⴷ ⵜⵙⴷⵉⵡⵜ ⵜⴰⴳⵍⴷⴰⵏⵜ ⵏ ⵜⴽⵓⵔⵜ ⵏ ⵓⴹⴰⵕ ⴷ ⵜⵎⴰⵡⴰⵙⵜ ⵏ ⵓⴳⵏⵙⵓ ⴷ ⵜⴷⵓⵙⵉ, ⵢⵓⵛⴽⴰⴷ ⴷⴼⴼⵉⵔ ⵏ ⵜⵖⵓⵔⵉ ⵏ ⵓⵙⴷⴰⵡ ⵏ ⵓⵎⵙⴰⵙⴰ ⵏ ⵓⴱⵕⵓⵟⵓⴽⵓⵍ ⵏ ⵜⴷⵓⵙⵉ ⵉⵜⵜⵢⵓⵔⴰⵏ ⵙ ⵓⴼⴰⵔⴳ ⵏ ⵉⵎⴰⴽⵏ ⵏ ⵉⵙⵡⵓⴷⴷⵓⵏ ⵏ ⵓⵃⵟⵟⵓ ⴷ ⵉⵎⴰⴽⵏ ⵍⵍⵉ ⵖⵜⵙⵏⵜ ⵜⵏⴱⴰⴹⵉⵏ.

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B5%94%E2%B5%8F%E2%B5%93%E2%B5%9C-%E2%B5%8F-%E2%B5%89%E2%B5%8E%E2%B5%83%E2%B5%89%E2%B5%A3%E2%B5%A1%E2%B4%B0%E2%B5%94%E2%B5%8F-%E2%B5%8F-%E2%B5%9C%E2%B4%B1%E2%B5%94%E2%B4%B0%E2%B5%A3%E2%B4%B0-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%9C%E2%B4%B0%E2%B5%A3%E2%B5%A3%E2%B5%93%E2%B5%8D%E2%B4%B0%E2%B5%8F%E2%B5%9C-%E2%B5%8F-%E2%B5%9C%E2%B4%BD%E2%B5%93%E2%B5%94%E2%B5%9C-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B4%B3-%E2%B5%9C%E2%B4%B0%E2%B5%8E%E2%B5%8E-%E2%B5%8F-%E2%B5%A2%E2%B5%93%E2%B5%8D%E2%B5%A2%E2%B5%93%E2%B5%A3-%E2%B4%B7