ⴰⵔ ⵉⵜⵜⵃⵢⵢⴰⵍ ⵓⵣⴰⴳⵯⵣ ⴰⴳⴰⴷⵉⵔ-ⵍⵎⴰⵙⵉⵔⴰ ⴰⴷ ⵉⵔⵏⵓ ⵉⵏⵎⴰⴷⴷⵓⵏ ⵏ ⵡⴰⴹⵓ ⴷ ⴰⴷ ⴷⴰⵖ ⵉⵙⵏⵓⴱⴳ ⵉⵏⵎⴰⴷⴷⵓⵏ

19 ⵢⵓⵏⵢⵓ 2020 Version Imprimable

ⴰⴳⴰⴷⵉⵔ - ⴰⵔ ⵉⵜⵜⵃⵢⵢⴰⵍ ⵓⵣⴰⴳⵯⵣ ⵏ ⵓⴳⴰⴷⵉⵔ-ⵍⵎⴰⵙⵉⵔⴰ, ⴷⴼⴼⵉⵔ ⵏ ⵓⵙⴱⵉⴷ ⵏ ⵉⵏⵎⴰⴷⴷⵓⵏ ⵏ ⵡⴰⴹⵓ ⵉⵏⴰⵎⵓⵔⵏ ⴷ ⵉⵎⴰⴹⵍⴰⵏⵉⵏ ⵙⴳ ⵜⵏⴱⴰⴹⵉⵏ ⵜⵎⵖⵔⴰⴱⵉⵢⵏ ⴷⴼⴼⵉⵔ ⵏ ⵓⴼⵉⵔⵓⵙ "ⴽⵓⵕⵓⵏⴰ", ⴰⴷ ⵉⵔⵏⵓ ⵉⵏⵎⴰⴷⴷⵓⵏ ⵏ ⵡⴰⴹⵓ ⴷ ⴰⴷ ⴷⴰⵖ ⵉⵙⵏⵓⴱⴳ ⵉⵏⵎⴰⴷⴷⵓⵏ.

ⴽⵛⵎⵏ ⵉⵙⵡⵓⴷⴷⵓⵏ ⴰⴷ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⵔⵏⵓⵜ ⵏ ⵉⵎⵓⵙⵙⵓⵏ ⵏ ⵉⵣⴰⴳⵯⵣⵏ ⵏ ⵜⴳⵍⴷⵉⵜ, ⵍⵍⵉⵖ ⵉⵙⵔⵙ ⵓⵙⵉⵔⴰ ⴰⵏⴰⵎⵓⵔ ⵏ ⵉⵣⴰⴳⵯⵣⵏ ⵢⴰⵏ ⵓⵖⴰⵡⴰⵙ ⵏ ⵜⵡⵓⵔⵉ ⵉⵜⵜⵃⵢⵢⴰⵍⵏ ⵉ ⵜⵔⵏⵓⵜ ⵏ ⵉⵏⵎⴰⴷⴷⵓⵏ ⵏ ⵡⴰⴹⵓ, ⵎⴰ ⵔⴰⴷ ⵢⴰⵡⵉ ⵢⴰⵏ ⵓⵙⵏⵓⴱⴳ ⴰⵏⴼⵓⵔ ⵉ ⵢⵏⵎⴰⴷⴷⵓⵏ ⴷ ⵉⴼⴽ ⵢⴰⵏ ⵓⵔⴰⵢ ⵏ ⵉⵎⵓⵔⵏ ⵏ ⵉⵣⴰⴳⵯⵣⵏ.

ⵉⵔⴰ ⵡⵖⴰⵡⴰⵙ ⴰⴷ, ⵍⵍⵉ ⵢⴱⴱⵉⴷⵏ ⵅⴼ ⵓⵙⵡⵓⴷⴷⵓ ⵏ ⵉⵎⵏⵣⴰⵢⵏ ⴳ ⵜⴼⵙⵏⴰ ⵜⴰⵎⵣⵡⴰⵔⵓⵜ, ⴷ ⵓⵔⴰⵢ ⵏ ⵉⵏⵎⴰⴷⴷⵏ ⴷ ⵉⵎⵡⵡⵓⵔⵉⵏ ⴷ ⴰⴽⴽⵯ ⵉⵎⵙⵎⵓⵔⵏ ⵏ ⵉⵣⴰⴳⵯⵣⵏ, ⴷ ⵉⵔⴰⵔ ⵜⵖⵍⵉⴼⵜ ⴷⴰⵔ ⴽⵔⴰ ⵢⴳⴰⵜⵜ ⵏⴼⵓⵜ ⴷ ⴰⴷ ⵜⵎⵓⵏ ⵜⵔⵏⵓⵜ ⵏ ⵉⵎⵓⵙⵓⵏ ⵏ ⵓⵙⵙⴰⵢ ⵏ ⵡⴰⴹⵓ ⴳ ⵉⵙⵓⵜⵍⵏ ⵉⴼⵓⵍⴽⵉⵏ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B4%B0%E2%B5%94-%E2%B5%89%E2%B5%9C%E2%B5%9C%E2%B5%83%E2%B5%A2%E2%B5%A2%E2%B4%B0%E2%B5%8D-%E2%B5%93%E2%B5%A3%E2%B4%B0%E2%B4%B3%E2%B5%AF%E2%B5%A3-%E2%B4%B0%E2%B4%B3%E2%B4%B0%E2%B4%B7%E2%B5%89%E2%B5%94-%E2%B5%8D%E2%B5%8E%E2%B4%B0%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B7-%E2%B5%89%E2%B5%94%E2%B5%8F%E2%B5%93-%E2%B5%89%E2%B5%8F%E2%B5%8E%E2%B4%B0%E2%B4%B7%E2%B4%B7%E2%B5%93%E2%B5%8F-%E2%B5%8F-%E2%B5%A1%E2%B4%B0%E2%B4%B9%E2%B5%93-%E2%B4%B7-%E2%B4%B0%E2%B4%B7-%E2%B4%B7%E2%B4%B0%E2%B5%96-%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%89%E2%B5%8F%E2%B5%8E%E2%B4%B0%E2%B4%B7%E2%B4%B7%E2%B5%93%E2%B5%8F