Published on MAPNews (https://www.mapnews.ma/am)

Accueil > ⵔⴰⴷ ⵉⵙⴼⵓⴳⵍⵓ ⵡⴳⴷⵓⴷ ⴰⵎⵖⵔⵉⴱⵉ ⴰⵙⴽⴽⴰ ⵏ ⴰⵙⵙ ⵏ ⵓⵙⵉⴹⵢⴰⵙ ⴰⵙⵙ ⵏ ⵜⵍⴰⵍⵉⵜ ⵡⵉⵙⵙ 50 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵔⴰⴷ ⵉⵙⴼⵓⴳⵍⵓ ⵡⴳⴷⵓⴷ ⴰⵎⵖⵔⵉⴱⵉ ⴰⵙⴽⴽⴰ ⵏ ⴰⵙⵙ ⵏ ⵓⵙⵉⴹⵢⴰⵙ ⴰⵙⵙ ⵏ ⵜⵍⴰⵍⵉⵜ ⵡⵉⵙⵙ 50 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ

19 ⵢⵓⵏⵢⵓ 2020 Version Imprimable
ⵕⵕⴱⴰⵟ - ⵜⴰⵡⴰⵛⵓⵏⵜ ⵜⴰⴳⵍⴷⴰⵏⵜ ⴷ ⵓⴳⴷⵓⴷ ⴰⵎⵖⵔⵉⴱⵉ ⵔⴰⴷ ⵙⴼⵓⴳⵍⵓⵏ, ⴰⵙⴽⴽⴰ ⵏ ⴰⵙⵙ ⵏ ⵓⵙⵉⴹⵢⴰⵙ 20 ⵢⵓⵏⵢⵓ, ⴰⵙⵙ ⵏ ⵜⵍⴰⵍⵉⵜ ⵡⵉⵙⵙ 50 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵎⴰ ⵢⴰⴷ ⵉⴳⴰⵏ ⵢⴰⵏ ⵓⵣⵎⵣⵣⵓ ⵉⵎⵙⴷⴷⵓⵔⵏ ⵉⵎⵍⴰⵏ ⴰⵙⵖ ⵏ ⵓⴳⴷⵓⴷ ⴷ ⴰⴷⴰⴱⵓ ⴰⵄⴰⵍⴰⵡⵉ.

ⵜⴳⴰ ⵜⵎⵙⴰⵔⵜ ⵉⵅⴰⵜⴰⵔⵏ ⴰⴷ ⵢⴰⵏ ⵓⵣⵎⵣⵣⵓ ⴰⴼⴰⴷ ⴰⴷ ⵉⴼⴽ ⵓⴳⴷⵓⴷ ⴰⵎⵖⵔⵉⴱⵉ ⵜⴰⵀⴰⵏⵉ ⵏⵏⵙ ⴷ ⵉⵙⵉⵜⵎⵏ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴽⵓⵍⵍⵓ ⵜⵡⴰⵛⵓⵏⵜ ⵜⴰⴳⵍⴷⴰⵏⵜ.

ⵉⵍⴰⵍ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ 20 ⵢⵓⵏⵢⵓ 1970 ⴳ ⵕⵕⴱⴰⵟ, ⵢⵓⵎⵥ ⴳ ⵎⴰⵢⵢⵓ 1993 ⵜⵓⵔⴰⴳⵜ ⴳ ⴰⵣⵔⴼ ⴰⴳⴷⵓⴷ (ⵜⴰⵎⵙⵙⵓⴳⵓⵔⵜ ⵜⴰⴳⵏⵙⵓⵜ) ⴷ ⵢⴰⵏ ⴰⴷⵉⴱⵍⵓⵎ ⴳ ⵓⵣⵔⴼ ⵏ ⵓⵙⵎⵣⴰⵣⴰⵍ ⴰⵎⵎⴰⵙ ⵏ ⵜⵖⵉⵡⴰⵏⵜ ⵏ ⵜⵉⵎⴰⵙⵙⴰⵏⵉⵏ ⵉⵣⵔⴼⴰⵏ.

ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ ⵉⴷⴷⵓⵔⵏ ⴳ ⵓⵙⴳⴳⵯⴰⵙ ⴰⴷ ⵉⵣⵔⵉⵏ. ⴰⵙⵙ ⵏ 23 ⵛⵓⵜⴰⵏⴱⵉⵔ 2019, ⵉⵙⵏⵓⴱⴳ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵢⵏⴰⵙ ⴳ ⵜⴳⴰⴷⵉⵔⵜ ⵏ ⵓⵙⵏⵓⴱⴳ ⵖ ⵕⵕⴱⴰⵟ, ⴰⴹⵓⵇ ⴰⵎⵇⵕⴰⵏ ⴷ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵏ ⵍⵓⴽⵙⵓⵎⴱⵓⵔⴳ, ⴱⴰⴱ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⴰⴳⵍⴷⵓⵏ ⴳⵢⵓⵎ, ⴷ ⵜⴰⵎⵖⴰⵕⵜ ⵏⵏⵙ ⵜⴰⴹⵓⵇⵜ ⵜⴰⵅⴰⵜⴰⵔⵜ ⴷ ⵜⴰⵎⴽⵓⵙⵙⵜ ⵏ ⵜⴳⵍⴷⵉⵜ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵙⵜⵉⴼⴰⵏⵉ ⴷⵓⵍⴰⵏⵓⵢ, ⵍⵍⵉ ⵢⵙⴽⵔⵏ ⵢⴰⵏ ⵓⵔⵣⴰⴼ ⵉ ⵍⵎⵖⵔⵉⴱ ⵙ ⵉⵅⴼ ⵏ ⵢⴰⵏ ⵓⴽⴰⴱⴰⵕ ⴰⴷⵎⵙⴰⵏ ⵏ ⵓⵙⵡⵉⵔ ⵢⴰⵜⵜⵓⵢⵏ.

ⴰⵙⵙ ⵏ 14 ⴽⵜⵓⴱⵕ 2019, ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵢⵏⴰⵙ ⴳ ⵊⵊⴷⵉⴷⴰ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵙⵙⵓⵜⵍⵜ ⵜⵉⵙⵙ 12 ⵏ ⵚⵚⴰⵍⵓⵏ ⵏ ⵡⴰⵢⵢⵉⵙ ⵍⵍⵉ ⵢⵜⵜⵓⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴰⵙⵙ ⵏ 22 ⴽⵜⵓⴱⵕ 2019, ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵍⵍⵉ ⵢⵙⵎⴷⵢⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴳ ⵜⴼⵓⴳⵍⴰ ⵏ ⵓⵖⵍⵉ ⵙ ⵓⴷⴰⴱⵓ ⵏ ⵍⵉⵎⴱⵕⴰⵟⵓⵕ ⴰⵢⴰⴱⴰⵏⵉ ⴰⵎⴰⵢⵏⵓ ⴰⵙⵙ ⵏ ⵓⴽⵡⴰⵙ ⴳ ⵜⵎⵣⴷⵓⵖⵜ ⵜⵉⵎⴱⵕⴰⵟⵓⵕⵉⵜ ⴰⴽⴰⵙⴰⴽⴰ ⴳ ⵟⵓⴽⵢⴰ, ⵉⵎⴹⴰⴽⴰⵕⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴰⵢⴰⴱⴰⵏⵉ ⵎⴰⵙⵙ ⵛⵉⵏⵣⵓ ⴰⴱⵉ.

ⵉⵃⴰⴹⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴳ ⵜⵎⵣⴷⵓⵖⵜ ⵜⴰⵎⴱⵕⴰⵟⵓⵕⵉⵜ ⵏ ⴰⴽⴰⵙⴰⴽⴰ ⴳ ⵟⵓⴽⵢⵓ, ⵢⴰⵜ ⵜⴰⴼⵓⴽⵍⴰ ⵏ ⴰⵜⴰⵢ ⵍⵍⵉ ⵢⵙⴽⵔ ⵍⵉⵎⴱⵕⴰⵟⵓⵕ ⵏ ⵍⵢⴰⴱⴰⵏ ⴰⵎⴰⵢⵏⵓ ⵏⴰⵔⵓⵀⵉⵜⵓ ⵅⴼ ⴰⴷⴷⵓⵔ ⵏ ⵉⴳⵍⴷⴰⵏⵏ ⴷ ⵉⴼⵔⴷⵉⵙⵏ ⵏ ⵜⵡⵊⵊⴰⵏ ⵜⵉⴳⵍⴷⴰⵏⵏ ⵍⵍⵉ ⵃⴰⴹⵕⵏ ⴳ ⵜⴼⵓⴳⵍⴰ ⵏ ⵓⵎⴰⵥ ⵏ ⵓⴷⴰⴱⵓ.

ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⴼⵓⴽⵍⴰ ⵏ ⵓⵙⵔⵙ ⵏ ⵉⵎⴱⵕⴰⵟⵓⵔ ⵏ ⵍⵢⴰⴱⴰⵏ ⴰⵎⴰⵢⵏⵓ ⵏⴰⵔⵓⵀⵉⵜⵓ ⵍⵍⵉ ⵢⵙⴽⵔⵏ ⴳ ⵜⴳⴰⴷⵉⵔⵜ ⵜⵉⵎⴱⵕⵟⵓⵕⵉⵜ ⴳ ⵟⵓⴽⵢⵓ.

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵢⵏⴰⵙ 18 ⵏⵓⵡⴰⵏⴱⵉⵔ 2019, ⵜⴰⵎⵏⵢⵓⴳⴰⵔⵜ ⵉⴳⴳⵔⴰⵏ ⵏ ⵓⵎⴰⵣ ⵏ ⵜⴽⵓⵙⵜ ⵏ ⵓⴷⴰⴱⵓ ⵏ ⵜⴽⵓⵔⵜ ⵏ ⵓⴹⴰⵕ ⵏ ( 2018-2019) ⵍⵍⵉ ⵢⵙⵏⵓⴱⴳ ⵓⴷⴷⵉⵙ ⵏ ⵡⴷⴷⵓⵔ ⵏ ⵡⵊⴷⴰ ⴷ ⵜⵙⵎⴰⵏ ⵜⵔⴰⴱⴱⵓⵜⵉⵏ ⵏ ⵍⵃⴰⵙⴰⵏⵢⴰ ⵏ ⵓⴳⴰⴷⵉⵔ ⴷ ⵜⴰⵎⵓⵏⵜ ⴰⴱⵉⴹⴰⵡⵉ.

ⴰⵙⵙ ⵏ 13 ⵉⵏⵏⴰⵢⵔ 2020, ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵎⴰⵚⵇⵉⵟ ⵎⵔⴰ ⴰⴷ ⵉⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵙⵎⵏⵉⴷ ⵏ ⵓⴼⵛⴰⴷ ⵏⵏⵙ ⵅⴼ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵚⵚⵓⵍⵟⴰⵏ ⵇⴰⴱⵓⵙ ⴱⵏ ⵙⴰⵄⵉⴷ.

Dernière modification : 19 ⵢⵓⵏⵢⵓ 2020
Source URL: https://www.mapnews.ma/am/activites-princieres/%E2%B5%94%E2%B4%B0%E2%B4%B7-%E2%B5%89%E2%B5%99%E2%B4%BC%E2%B5%93%E2%B4%B3%E2%B5%8D%E2%B5%93-%E2%B5%A1%E2%B4%B3%E2%B4%B7%E2%B5%93%E2%B4%B7-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B4%B0%E2%B5%99%E2%B4%BD%E2%B4%BD%E2%B4%B0-%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%99%E2%B5%89%E2%B4%B9%E2%B5%A2%E2%B4%B0%E2%B5%99-%E2%B4%B0%E2%B5%99%E2%B5%99-%E2%B5%8F-%E2%B5%9C%E2%B5%8D%E2%B4%B0%E2%B5%8D%E2%B5%89%E2%B5%9C-%E2%B5%A1%E2%B5%89%E2%B5%99%E2%B5%99-50-%E2%B5%8F-%E2%B4%B1%E2%B4%B0%E2%B4%B1-%E2%B5%8F