ⴰⵎⵙⴰⵙⴰ ⵏ ⵚⵚⵅⵉⵕⴰⵜ ⵉⵙⵓⵍ ⵉⴳⴰ ⵜⴰⵙⴰⵖⵓⵍⵜ ⵜⴰⴷⵍⵙⴰⵏⵜ ⵏ ⴽⵔⴰ ⵢⴳⴰⵜⵜ ⵓⴼⵙⵙⴰⵢ ⴰⵙⵔⵜⴰⵏ ⵏ ⵜⵙⵙⵓⵙⵜ ⵜⴰⵍⵉⴱⵉⵜ ⴷⴼⴼⵉⵔ ⵍⵍⵉⵖ ⵓⵔ ⵎⵓⵔⵙⵏⵜ ⴰⴽⴽⵯ ⵜⵙⵏⵜⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵏ ⴷⴼⴼⵉⵔ ⵏ ⵓⵎⵙⴰⵙⴰ ⵢⴰⴷ (ⴰⵎⵓⵣⴰⵢ)

18 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵉⵏⵏⴰ ⵡⵏⵎⵀⴰⵍ ⵏ ⵓⵎⵎⴰⵙ ⴰⵎⵖⵔⴰⴱⵉ ⵏ ⵜⵖⵓⵔⵉⵡⵉⵏ ⵜⵉⵙⵜⵔⴰⵜⵉⵊⵉⵏ, ⵎⴰⵙⵙ ⵎⵓⵃⵎⵎⴷ ⴱⵏ ⵃⵎⵎⵓ, ⵎⴰⵙ ⵓⵎⵙⴰⵙⴰ ⵏ ⵚⵚⵅⵉⵕⴰⵜ, ⵍⵍⵉ ⵅⴼ ⵙⴳⵎⴹⵏ ⵜⴼⵓⵍⵉⵢⵏ ⵜⵉⵍⵉⴱⵉⵢⵏ ⴳ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 2015, ⵉⵙⵓⵍ ⵉⴳⴰ ⵜⴰⵙⴰⵖⵓⵍⵜ ⵜⴰⴷⵍⵙⴰⵏⵜ ⵏ ⴽⵔⴰ ⵢⴳⴰⵜⵜ ⵓⴼⵙⵙⴰⵢ ⴰⵙⵔⵜⴰⵏ ⵏ ⵜⵙⵙⵓⵙⵜ ⵜⴰⵍⵉⴱⵉⵜ, ⴷⴼⴼⵉⵔ ⵍⵍⵉⵖ ⵓⵔ ⵎⵓⵔⵙⵏⵜ ⴰⴽⴽⵯ ⵜⵙⵏⵜⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵏ ⵉⵜⵜⵓⴽⴰⵔⵏ ⴷⴼⴼⵉⵔ ⵏ ⵓⵎⵙⴰⵙⴰ ⵢⴰⴷ, ⴰⴷ ⴰⵡⵉⵏⵜ ⵓⴼⵙⵙⴰⵢ ⵏ ⵜⵙⵙⴰⵙⵜ ⵉⵍⵍⴰⵏ ⴳ ⵜⵎⴰⵣⵉⵔⵜ ⴰⴷ ⵙⴳ ⵎⵏⵏⴰⵡ ⵏ ⵉⵙⴳⴳⵯⴰⵙⵏ, ⴷ ⵍⵍⵉⵖ ⵓⵔ ⵔⴰⴷⵔⵏ ⵍⵍⴰⵏ ⴽⵔⴰ ⵢⴳⴰⵜⵜ ⵍⵎⵉⵚⴹⴰⵇⵢⵢⴰ.

ⵉⵙⴷⴷⵉⴷ ⵎⴰⵙⵙ ⴱⵏ ⵃⵎⵎⵓ ⴳ ⵢⴰⵏ ⵓⵎⵙⵏⴰⵍⴰ ⴷ ⵜⵙⵏⵓⵔⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ "ⵍⴰⵎⴰⴱ", ⵎⴰⵙ "ⵎⵇⵇⴰⵕ ⵍⵍⵉⵖ ⵉⵣⵔⵉ ⵡⴰⴽⵓⴷ ⴷ ⵉⵜⵜⵓⵙⵏⴼⵍ ⵓⵙⴰⵜⵉ, ⵉⵙⵓⵍ ⵉⵟⵟⴰⴼ ⵓⵎⵙⴰⵙⴰ ⵏ ⵚⵚⵅⵉⵕⴰⵜ "ⵍⵎⵚⴹⴰⵇⵢⵢⴰ ⴷ ⵜⴰⵙⵉⵍⴰ ⵜⴰⴷⴷⵓⵙⵜ ⵏ ⴽⵔⴰ ⵢⴳⴰⵜⵜ ⵓⵎⵙⴰⵙⴰ ⴰⵙⵔⵜⴰⵏ ⴰⵎⴰⵢⵏⵓ".

ⵉⵙⵓⵍ ⵉⵏⵏⴰ ⵎⴰⵙ ⵓⵎⵙⴰⵙⴰ ⴰⵙⵔⵜⴰⵏ ⴳⵔ ⵜⵔⴰⴱⴱⵓⵜⵉⵏ ⵜⵉⵍⵉⴱⵉⵢⵏ ⵉⵜⵜⵓⵙⴳⵎⴰⴹⵏ ⴳ ⵚⵚⵅⵉⵕⴰⵜ ⵉⴳⴰ ⵢⴰⵏ ⵓⵎⵓⵔⵙ ⴰⴷⵉⴱⵍⵓⵎⴰⵙⵉ ⵉⴷⴷⵓⵔⵏ ⵉ ⵜⵙⵙⴰⵙⵜ ⵜⴰⵍⵉⴱⵉⵜ, ⵍⵍⵉⵖ ⵉⵙⵙⵍⴽⵎ ⵉ ⵜⵖⵓⵔⵉ ⵏ ⵓⵎⵙⴰⵙⴰ ⵏ ⵓⵙⵙⵓⴼⵖ ⵏ ⵎⵏⵏⴰⵡⵜ ⵜⵎⵔⵙⴰⵍⵉⵏ ⵜⵉⵙⵔⵜⴰⵏⵉⵏ ⵖⵓⵔⵙⵏⵜ ⵜⵓⵙⵙⵏⴰ ⵏ ⵡⴰⵎⵓⵏ ⴰⵎⴰⴹⵍⴰⵏ, ⴳ ⵜⵎⵣⵡⴰⵔⵓⵜ ⵏⵏⵙ "ⵜⴰⵏⴱⴰⴹⵜ ⵏ ⵓⵎⵙⴰⵙⴰ ⴰⵏⴰⵎⵓⵔ".

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%B0%E2%B5%8E%E2%B5%99%E2%B4%B0%E2%B5%99%E2%B4%B0-%E2%B5%8F-%E2%B5%9A%E2%B5%9A%E2%B5%85%E2%B5%89%E2%B5%95%E2%B4%B0%E2%B5%9C-%E2%B5%89%E2%B5%99%E2%B5%93%E2%B5%8D-%E2%B5%89%E2%B4%B3%E2%B4%B0-%E2%B5%9C%E2%B4%B0%E2%B5%99%E2%B4%B0%E2%B5%96%E2%B5%93%E2%B5%8D%E2%B5%9C-%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0%E2%B5%8F%E2%B5%9C-%E2%B5%8F-%E2%B4%BD%E2%B5%94%E2%B4%B0-%E2%B5%A2%E2%B4%B3%E2%B4%B0%E2%B5%9C%E2%B5%9C-%E2%B5%93%E2%B4%BC%E2%B5%99%E2%B5%99%E2%B4%B0%E2%B5%A2-%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F-%E2%B5%8F-%E2%B5%9C%E2%B5%99%E2%B5%99%E2%B5%93%E2%B5%99%E2%B5%9C