ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵓⵙⵏⵜⵉ ⵏ ⵓⵙⵉⵣⴷⴳ ⵏ ⵡⴰⵎⴰⵏ ⵏ ⵙⵙⵄⵉⴷⵢⵢⴰ ⴷ ⵓⵙⵔⵙ ⵏ ⵓⵎⵍⵓⵍⵍⵓⵢ ⵏⵏⵙ

24 ⵢⵓⵏⵢⵓ 2013 Version Imprimable

ⵍⵄⵜⴰⵎⵏⴰ (ⴱⵔⴽⴰⵏ) - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⵢⵏⴰⵙ ⴳ ⵍⵄⵜⴰⵎⵏⴰ (ⵜⴰⵙⴳⴰ ⵏ ⴱⵔⴽⴰⵏ), ⴰⵙⵏⵜⵉ ⵏ ⵓⵙⵉⵣⴷⴳ ⵏ ⵡⴰⵎⴰⵏ ⵏ ⵙⵙⵄⵉⴷⵢⵢⴰ ⴷ ⵓⵙⵔⵙ ⵏ ⵓⵎⵍⵓⵍⵍⵓⵢ ⵏⵏⵙ. ⵙ ⵖⵎⴽⴰ ⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⵜⵉⴳ ⵉⴳⴳⵓⵜⵏ ⵉ ⵜⴳⵎⵉ ⵜⴰⵙⵓⵍⴰⵏⵜ.

ⴰⵙⵏⵜⵉ ⵢⴰⴷ ⵔⴰⴷ ⵢⴰⵡⵙ ⵓⵏⵀⵍ ⵏ ⵜⴷⵓⵙⵉ ⵏ ⵉⵎⵣⴷⴰⵖ ⴷ ⵓⵔⴰⵢ ⵏ ⵓⵡⵏⵉⴹ. ⵔⴰ ⴷ ⵢⴰⵡⵙ ⵓⵍⴰ ⴳ ⵜⴳⵎⵉ ⵏ ⵜⴷⴰⵎⵙⴰ ⴷ ⵓⵏⴰⵎⵓⵏ ⵏ ⵜⵎⴷⵉⵏⵜ, ⴰⵛⴽⵓ ⵉⵙⵖⵓⵙ ⴰⵎⴰⵏ ⵏ ⵓⵛⵓⵛⴼ ⴷ ⵡⵉⵏ ⵜⵉⵙⵙⵉ.

ⴰⵙⵏⵜⵉ ⴰⴷ ⵍⵍⵉ ⵎⵓ ⵉⵜⵜⵓⴼⴽⴰ ⵢⴰⵏ ⵡⴰⵜⵉⴳ ⵉⵍⴽⵎⵏ 410 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵔⴰⴷ ⴳⵉⵙ ⵉⵜⵜⵓⵚⴽⴰ ⵢⴰⵏ ⵓⵙⵔⵙ ⵏ ⵓⵙⵉⵣⴷⴳ (ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ) ⵍⵍⵉ ⵖ ⵔⴰⴷ ⵖⵉⵏ ⵉⵎⵣⴷⴰⵖⵏ ⵏ ⵙⵙⵄⵉⴷⵢⵢⴰ ⵉⴱⵖⵓⵔⵏ ⵓⵏⴰ ⴰⵙⴰⵔⵙ ⵏⵏⵙ ⴰⵎⵍⵍⵓⵍⵓⵢ.

ⵔⴰⴷ ⵉⵜⵜⵓⵚⴽ ⴳ ⵓⵙⵔⵙ ⴰⴷ 96 ⵏ ⵓⴽⵉⵏⵓⵎⵉⵜⵕ ⵏ ⵉⵙⴰⵔⴰ ⵍⵍⵉ ⵔⴰ ⴷ ⵉⵙⵎⵓⵏ ⴰⵎⴰⵏ ⵜⵜⵓⵙⵎⵔⵙⵏⵉⵏ ⴷ 7 ⵏ ⵓⴽⵉⵍⵓⵎⵉⵜⵕ ⵏ ⵓⵙⴰⵔⵓ ⵍⵍⵉ ⵔⴰⴷ ⵉⵙⵎⵓⵏ ⴰⵎⴰⵏ ⵏ ⵓⵏⵥⴰⵕ.

ⴰⵙⵏⵜⵉ ⴰⴷ ⵉⴳⴰ ⵜⴰⵢⴰⴼⵓⵜ ⵏ ⵢⴰⵜ ⵜⵎⴷⵔⴰⵡⵜ ⴳⵔ ⵡⴰⵙⵉⵔⴰ ⴰⵏⴰⵎⵓⵔ ⵏ ⵜⵉⴼⴰⵡⵜ ⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵉⵣⴷⴳ ⵏ ⵡⴰⵎⴰⵏ ⴷ ⵜⴰⴳⵔⴰⵡⵜ ⵜⴰⵖⵔⵎⴰⵏⵜ ⵏ ⵙⵙⵄⵉⴷⵉⵢⵢⴰ ⴷ ⵜⴰⵎⵙⵙⵓⵔⵜ ⵏ ⵜⴳⵎⵉ ⵏ ⵓⵙⴰⵔⵙ ⴰⵎⴰⵍⵍⴰⵍⵓⵢ ⵏ ⵙⵙⵄⵉⴷⵉⵢⵢⴰ.

Dernière modification : 24 ⵢⵓⵏⵢⵓ 2013

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%93%E2%B5%99%E2%B5%89%E2%B5%A3%E2%B4%B7%E2%B4%B3-%E2%B5%8F-%E2%B5%A1%E2%B4%B0%E2%B5%8E%E2%B4%B0%E2%B5%8F-%E2%B5%8F-%E2%B5%99%E2%B5%99%E2%B5%84%E2%B5%89%E2%B4%B7%E2%B5%A2%E2%B5%A2%E2%B4%B0-%E2%B4%B7-%E2%B5%93%E2%B5%99%E2%B5%94%E2%B5%99-%E2%B5%8F-%E2%B5%93%E2%B5%8E%E2%B5%8D%E2%B5%93%E2%B5%8D%E2%B5%8D%E2%B5%93%E2%B5%A2#comment-0