ⴰⵙⵖⵣⵣⵉⴼ ⵏ ⵓⵣⵎⵣ ⵏ ⵓⵙⵎⵏⴰⴷ ⵏ ⵜⴰⵏⴰⴹⵜ ⵉⴳⴳⴰⵔⵏ ⵏ ⵓⴳⵔⴰⵡ ⵉⵣⵍⵉⵏ ⵙ ⵡⴰⵏⴰⵡ ⵏ ⵓⵏⴳⵎⵓ ⵙ ⵚⴹⵉⵚ ⵏ ⵉⵢⵢⵉⵔⵏ ⵢⴰⴹⵏⵉⵏ (ⴰⵙⵉⵡⴹ)

04 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵎⵙⴰⵙⴰ ⵏⵏⵙ ⵢⴰⵜⵜⵓⵢⵏ ⵏ ⵓⵙⵖⵣⵣⵉⴼ ⵏ ⵓⵣⵎⵣ ⵍⵍⵉ ⵢⵜⵢⴰⴽⴽⴰⵏ ⵉ ⵡⴳⵔⴰⵡ ⵉⵣⵍⵉⵏ ⵙ ⵡⴰⵏⴰⵡ ⵏ ⵓⵏⴳⵎⵓ ⵙ ⵚⴹⵉⵚ ⵏ ⵉⵢⵢⵉⵔⵏ ⵢⴰⴹⵏⵉⵏ.

ⵉⵏⵏⴰ ⵡⴳⵔⴰⵡ, ⴳ ⵢⴰⵏ ⵓⵙⵉⵡⴹ ⴰⵙⵙ ⵏ ⵓⴽⵡⴰⵙ, ⵎⴰⵙ ⵔⴰⴷ ⵢⴰⵙⵉ ⵜⵏⴰⴹⵜ ⵜⵎⴳⴳⴰⵔⵓⵜ ⵏⵏⵙ ⵅⴼ ⵜⵡⵓⵔⵉⵡⵉⵏ ⵏⵏⵙ ⵙ ⵜⵏⴰⵢⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⴳ ⵓⵣⵎⵣ ⵍⵍⵉ ⵓⵔ ⵔⴰⴷ ⵉⵣⵔⵉ ⵍⴱⴷⵓ ⵏ ⵡⴰⵢⵢⵓⵔ ⵏ ⵉⵏⵏⴰⵢⵔ 2021.

ⵉⵙⵓⵍ ⵉⵏⵏⴰ ⵡⴳⵔⴰⵡ ⵎⴰⵙ ⴰⵣⵎⵣ ⵉⵣⴰⵢⴷⵏ ⴰⴷ ⵍⵍⵉ ⵢⴰⵜ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⵙⴰⵙⴰ ⵏⵏⵙ ⵉⵔⴰ ⴰⴷ ⵉⵥⴹⴰⵕ ⵓⴳⵔⴰⵡ ⴰⴷ ⵉⵙⵙⴱⵓ ⵜⵡⵓⵔⵉⵡⵉⵏ ⵏⵏⵙ ⵅⴼ ⵜⵍⴽⴰⵎⵉⵏ ⵏ ⵓⴱⴰⵢⵢⵓⵕ "ⴽⵓⴼⵉⴷ-19" ⵓⵍⴰ ⵜⵎⵙⵔⴷⵉⵏ ⴳ ⵓⵣⵎⵣ ⵉⵇⵇⵕⴱⵏ ⵓⵍⴰ ⵡⴰⵏⵏ ⵢⴰⴳⴳⵓⴳ ⴳ ⵓⵙⴰⵜⵉ ⴷⵖ, ⵙⵡⴰ ⴳ ⵉⴳⵔ ⴰⵏⴰⵎⵓⵔ ⵏⵖⴷ ⴰⵎⴰⴹⵍⴰⵏ.

ⵔⴰⴷ ⵉⴼⴽ ⵓⵙⵖⵣⵣⵉⴼ ⴰⴷ ⵉ ⵡⴳⵔⴰⵡ, ⵍⵍⵉ ⵜⵕⵥⴰ ⵜⴰⵏⴰⵢⵜ ⵜⴰⵎⴷⵔⴰⵡⵜ ⵏⵏⵙ ⴷⴼⴼⵉⵔ ⵏ ⵡⴰⴷⴷⴰⴷ ⵏ ⵓⵖⴰⵡⵏ ⴰⴷⵓⵙⴰⵏ, ⴰⴷ ⵉⵔⴰⵔ ⵜⴰⵎⵢⴰⴷⴰⵙⵜ ⵏⵏⵙ ⵉⴱⵉⴷⴷⵏ ⵅⴼ ⵜⵓⵚⴽⴰ ⵉⵛⵛⴰⵔⵏ ⵏ ⵡⴰⵏⴰⵡ ⵏ ⵓⵏⴳⵎⵓ.

ⵉⵇⵇⵏ ⵓⵙⵉⵡⴹ ⵎⴰⵙ ⵓⴳⵔⴰⵡ ⵉⵥⵍⵉⵏ ⵙ ⵡⴰⵏⴰⵡ ⵏ ⵓⴳⵎⵓ ⵔⴰⴷ ⵉⵙⵙⵓⵙⵄⵓ ⵉⵛⵛⵉⵡⴰⵕⵏ ⵏⵏⵙ ⴷ ⵓⵙⵙⴼⵍⴷ ⵏ ⵉⵏⵎⵓⵔⵉⵏ ⴷ ⵜⴳⴳⴰⵍⵉⵏ ⵉⴷⴷⵔⵏ ⵏ ⵜⵎⴰⵣⵉⵔⵜ ⵎⵔⴰ ⴰⴷ ⵉⵙⵙⵏ ⵜⵙⵎⵓⵔⵉⵏ ⵏⵏⵙⵏ ⴳ ⵓⵣⵎⵣⵣⵓ ⵏ "ⴽⵓⴼⵉⴷ-19".

Dernière modification : 04 ⵢⵓⵏⵢⵓ 2020

Source URL: https://www.mapnews.ma/am/activites-royales/%E2%B4%B0%E2%B5%99%E2%B5%96%E2%B5%A3%E2%B5%A3%E2%B5%89%E2%B4%BC-%E2%B5%8F-%E2%B5%93%E2%B5%A3%E2%B5%8E%E2%B5%A3-%E2%B5%8F-%E2%B5%93%E2%B5%99%E2%B5%8E%E2%B5%8F%E2%B4%B0%E2%B4%B7-%E2%B5%8F-%E2%B5%9C%E2%B4%B0%E2%B5%8F%E2%B4%B0%E2%B4%B9%E2%B5%9C-%E2%B5%89%E2%B4%B3%E2%B4%B3%E2%B4%B0%E2%B5%94%E2%B5%8F-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%89%E2%B5%A3%E2%B5%8D%E2%B5%89%E2%B5%8F-%E2%B5%99-%E2%B5%A1%E2%B4%B0%E2%B5%8F%E2%B4%B0%E2%B5%A1-%E2%B5%8F-%E2%B5%93%E2%B5%8F%E2%B4%B3%E2%B5%8E%E2%B5%93-%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%8F