Published on MAPNews (https://www.mapnews.ma/am)

Accueil > ⴰⵙⵉⵡⴹ ⵉⵛⵛⴰⵔⵏ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⴰⴹⴰ ⵜⴰⵎⴰⵜⴰⵢⵜ ⵏ ⵜⵎⵙⵙⵏⵜⵉⵏ ⵏ ⵍⵎⵖⵔⵉⴱ
  1. Accueil
  2. Activités royales

ⴰⵙⵉⵡⴹ ⵉⵛⵛⴰⵔⵏ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⴰⴹⴰ ⵜⴰⵎⴰⵜⴰⵢⵜ ⵏ ⵜⵎⵙⵙⵏⵜⵉⵏ ⵏ ⵍⵎⵖⵔⵉⴱ

03 ⵢⵓⵏⵢⵓ 2020 Version Imprimable
ⵕⵕⴱⴰⵟ - ⵀⴰ ⵢⴰⵏ ⵓⵙⵉⵡⴹ ⵉⵛⵛⴰⵔⵏ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⴰⴹⴰ ⵜⴰⵎⴰⵜⴰⵢⵜ ⵏ ⵜⵎⵙⵙⵏⵜⵉⵏ ⵏ ⵍⵎⵖⵔⵉⴱ :

"ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⴹⴰ ⵜⴰⵎⴰⵜⴰⵢⵜ ⵏ ⵜⵎⵙⵙⵏⵜⵉⵏ ⵏ ⵍⵎⵖⵔⵉⴱ ⴰⴷ ⵜⴽⵙⵔ ⵢⴰⵜ ⵜⵎⵀⵍⵜ ⵏ ⵜⴳⵣⵣⴰⵢⵜ ⵉⴳⴳⵓⵜⵏ ⴳ ⵓⵙⴰⵜⵉ ⵏ ⵜⴷⵔⵓⵜ ⵏⵏⵙ ⴳ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⵏ "ⴽⵓⴼⵉⴷ-19".

ⵜⴰⵎⵀⵍⴰ ⵢⴰⴷ ⵔⴰⴷ ⵜⴰⵊⵊ ⵉⵏⵙⵙⵉⵅⴼⵏ ⵏ ⵜⵎⵙⵙⵏⵜⵉⵏ ⴰⴷ ⵃⴹⵓⵏ ⵉⵎⵡⵓⵔⵉⵏ ⵏⵏⵙⵏ ⴷ ⴰⴷ ⵙⴳⴳⵯⵣⵏ ⴰⵎⵣ ⵏ ⵓⵣⵣⵉⴳⵣ ⵏ ⵓⴼⵉⵔⵓⵙ ⴷ ⵓⵙⵔⴰⵙ ⵏ ⵜⵎⵀⵍⵉⵡⵉⵏ ⵏ ⵜⴳⵣⵣⴰⵢⵜ ⵉⴳⴳⵓⵜⵏ ⵉ ⵢⵎⵡⵓⵔⵉⵏ ⵏⵏⵙⵏ, ⵣⵓⵏⴷ ⵜⵎⵀⵍⴰ ⵏ ⵜⴳⵣⵣⴰⵢⵜ ⵜⴰⵎⵇⵕⴰⵏⵜ ⵍⵍⵉ ⵢⵜⵜⵓⵙⴽⴰⵔⵏ ⵙⴳ 16 ⵎⴰⵢⵢⵓ ⴰⵎⵎⴰⵙ ⵏ ⵜⵎⵔⵙⵍⵉⵏ ⵜⵉⴱⴰⵏⴽⵉⵏ ⵙ ⵜⴷⵔⴰⵡⵜ ⴳⵔ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⴳⵔⵔⵓⵎⴰ ⵜⴰⵣⵣⵓⵍⴰⵏⵜ ⵏ ⵉⴱⴰⵏⴽⵏ ⵏ ⵍⵎⵖⵔⵉⴱ, ⵎⴰ ⵢⴰⴷ ⵉⴼⴽⴰⵏ ⵜⵉⵍⴽⴰⵎⵉⵏ ⵉⴼⵓⵍⴽⵉⵏ, ⵍⵍⵉⵖ ⵓⵔ ⵜⵜⵢⵓⴼⴰⵏ ⴰⴱⵍⴰ ⵙⵉⵏ ⵉⵎⴷⵢⴰⵡⵏ ⵍⵍⵉ ⵢⵓⵜ ⵓⴼⵉⵔⵓⵙ ⵙⴳ ⵓⴳⴳⴰⵔ ⵏ 8.100 ⵜⴳⵣⵣⴰⵢⵜ ⵉⵜⵜⵓⵙⴽⴰⵔⵏ ⴰⵔ ⴰⵙⵙ ⴰⴷ.

ⴳ ⵓⵙⴰⵜⵉ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹⵏ ⵏⵏⵙ ⵢⴰⵜⵜⵓⵢⵏ ⵉ ⵜⵎⴰⵡⴰⵙⵜ ⵏ ⵜⴷⵓⵙⵉ ⴰⴷ ⵜⴼⴽ ⵉ ⵜⴰⴹⴰ ⵜⴰⵎⴰⵜⴰⵢⵜ ⵏ ⵜⵎⵙⵙⵏⵜⵉⵏ ⵏ ⵍⵎⵖⵔⵉⴱ ⵉⵎⴰⵙⵙⵏ ⵏⵏⵙ ⵉⵎⴰⵜⵜⵉⵡⵏ ⴷ ⵉⵏⴼⴳⴰⵏ ⴰⴼ ⴰⴷ ⵜⵕⵥⵎ ⵜⵎⵀⵍⴰ ⵜⴰⵏⴰⵎⵓⵔⵜ ⵏ ⵜⴳⵣⵣⴰⵢⵜ ⵏ ⵓⴼⵉⵔⵓⵙ "ⴽⵓⴼⵉⴷ-19", ⴷⴰⵔ ⵉⵎⵡⵓⵔⵉⵏ ⵏ ⵜⵎⵙⵙⵏⵜⵉⵏ ⵏ ⵉⴳⵔ ⵓⵙⵍⵉⴳ, ⵎⴰ ⵢⴰⴷ ⵉⵙⵙⵏ ⵙ ⵡⴰⴷⴰⵙ ⴷ ⵜⵉⵎⵙⵓⵜⴰⵍ ⵜⵉⴷⵓⵙⴰⵏ ⵉⵣⴷⵉⵏ ⴳ ⵉⴷⵖⵔⴰⵏ ⵏ ⵜⵡⵓⵔⵉ

ⴼ ⵖⵉⴽⴰⵏⵏ, ⵔⴰⴷ ⵜⴷⵔⵓ ⵜⵎⵀⵍⴰ ⵢⴰⴷ ⴳ ⵢⴰⵏ ⵓⴳⵔⴰⵡⵍ ⵉⵏⴼⵔⵓⵏ ⵏ ⵜⵡⵓⵔⵉ, ⵍⵍⵉ ⵢⵥⴹⴰⵕⵏ ⴰⴷ ⵜⵣⵔⵉ ⴳ ⵜⵉⵎⵙⵓⵜⴰⵍ ⵢⵓⴼⵏ".

Dernière modification : 03 ⵢⵓⵏⵢⵓ 2020
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%89%E2%B5%9B%E2%B5%9B%E2%B4%B0%E2%B5%94%E2%B5%8F-%E2%B5%8F-%E2%B5%9C%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89-%E2%B4%B7-%E2%B5%9C%E2%B4%B0%E2%B4%B9%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2%E2%B5%9C-%E2%B5%8F-%E2%B5%9C%E2%B5%8E%E2%B5%99%E2%B5%99%E2%B5%8F%E2%B5%9C%E2%B5%89%E2%B5%8F-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1