ⵜⵙⴷⵓⵙ ⵜⵎⴰⵡⴰⵙⵜ ⵏ ⵜⴷⵓⵙⵉ ⴰⵏⴳⵔⴰⵡ ⵉⵍⵍⴰⵏ ⵏ ⵓⴹⴼⵕ ⵏ ⵉⵎⵅⴰⵍⴰⴹⵏ ⴳ ⵓⵎⵎⴰⵙ ⵏ ⵢⴰⵜ ⵜⵙⵏⵙⵉ ⵏ ⵜⵜⵉⵍⵉⴼⵓⵏ "ⵡⵉⵇⴰⵢⴰⵜⵓⵏⴰ" ⵉⵜⵜⵢⴰⵙⵙⴰⵏ ⵉⵎⴷⵢⴰⵡⵏ ⵏ ⵓⴼⵉⵔⵓⵙ "ⴽⵓⵕⵓⵏⴰ"

01 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵜⵕⵥⵎ ⵜⵎⴰⵡⴰⵙⵜ ⵏ ⵜⴷⵓⵙⵉ, ⴰⵙⵙ ⵏ ⵓⵢⵏⴰⵙ, ⵢⴰⵜ ⵜⵙⵏⵙⵉ ⵏ ⵜⵜⵉⵍⵉⴼⵓⵏ "ⵡⵉⵇⴰⵢⴰⵜⵓⵏⴰ" ⵉⵜⵜⵢⴰⵙⵙⴰⵏ ⵉⵎⴷⵢⴰⵡⵏ ⵏ ⵓⴼⵉⵔⵓⵙ "ⴽⵓⵕⵓⵏⴰ" ⴰⵎⴰⵢⵏⵓ "ⴽⵓⴼⵉⴷ-19" ⴳ ⵍⵎⵖⵔⵉⴱ ⴷⴷⵓ ⵏ ⵙⵎⵎⵢⵜ ⵏⵏⵙ "ⵡⵉⵇⴰⵢⴰⵜⵓⵏⴰ".

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵎⴰⵙ ⵜⴽⵛⵎ ⵜⵙⵏⵙⵉ ⵢⴰⴷ ⴳ ⵓⵎⵎⴰⵙ ⵏ ⵓⵎⵣⵉⵣⵍ ⴰⵏⴰⵎⵓⵔ ⵢⵓⵙⵙⵄⴰⵏ ⵏ ⵓⵙⴼⵔⴽ ⴷⴷⵓ ⵏ ⵓⴱⵓⵔⵣ "ⵙ ⵍⵡⵉⵇⴰⵢⴰ ⵏⵏⵖ : ⴰⴷ ⵏⵔⴰⵔ ⵉⵅⴼ ⵏⵏⵖⵎ", ⵎⵔⴰ ⴰⴷ ⵜⵜⵓⵙⵔⵇⴱⵏ ⵉⵏⴰⵎⵓⵔⵏ ⴰⴷ ⵔⵏⵓⵏ ⵉⵎⴰⴽⵏ ⵏ ⵓⵃⵟⵟⵓ ⵉⵔⴰⵏ ⴰⴷ ⵙⴱⵉⴷⴷⵏ ⴰⵣⵣⵉⴳⵣ ⵏ ⵓⴼⵉⵔⵓⵙ "ⴽⵓⵕⵓⵏⴰ" ⴰⵎⴰⵢⵏⵓ, ⵣⵓⵏⴷ ⴰⵙⵙⵔⴷ ⵏ ⵉⴼⴰⵙⵙⵏ ⴳ ⵡⴰⵎⴰⵏ ⴷ ⵚⵚⴰⴱⵓⵏ, ⴷ ⵓⵙⵎⵔⵙ ⵏ ⵜⵎⵜⵜⴰ ⴰⴽⵓⵃⵓⵍⵉ, ⴷ ⵓⵍⵙ ⵏ ⵜⵓⵙⵏⴰ, ⵓⵍⴰ ⴰⴼⵔⴽ ⵏ ⵡⴰⴳⴳⵓⴳ ⴰⵏⴼⴳⴰⵏ, ⵓⵍⴰ ⴰⵎⵔⵙ ⵏ ⵜⵙⵏⵙⵉ "ⵡⵉⵇⴰⵢⴰⵜⵓⵏⴰ".

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵜⵙⵏⵙⵉ ⵢⴰⴷ ⵔⴰⴷ ⵜⵉⵍⵉ ⴳ ⵓⵎⵎⴰⵙ ⵏ ⵜⵃⵓⵏⴰ ⵏ “ⴰⴱ ⵙⵜⵓⵕ" ⴷ "ⴳⵓⴳⵍ ⴱⵍⴰⵢ" ⵏ ⵜⵙⵏⵙⵉ ⵏ ⵜⵜⵉⵍⵉⴼⵓⵏ, ⵓⵍⴰ ⴳ ⵓⵙⵉⵜ ⵉⵍⵉⴽⵟⵕⵓⵏⵉ "www.wiqaytna.ma" ⵙⴳ ⵍⴱⴷⵓ ⵏ ⵢⵓⵏⵢⵓ 2020.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%99%E2%B4%B7%E2%B5%93%E2%B5%99-%E2%B5%9C%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89-%E2%B4%B0%E2%B5%8F%E2%B4%B3%E2%B5%94%E2%B4%B0%E2%B5%A1-%E2%B5%89%E2%B5%8D%E2%B5%8D%E2%B4%B0%E2%B5%8F-%E2%B5%8F-%E2%B5%93%E2%B4%B9%E2%B4%BC%E2%B5%95-%E2%B5%8F-%E2%B5%89%E2%B5%8E%E2%B5%85%E2%B4%B0%E2%B5%8D%E2%B4%B0%E2%B4%B9%E2%B5%8F-%E2%B4%B3-%E2%B5%93%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B5%99%E2%B5%8F%E2%B5%99%E2%B5%89-%E2%B5%8F