ⵜⴰⴱⵔⵣⴰ ⵜⴰⵍⵎⴰⵏⵉⵜ ⵏ ⵜⴽⵓⵔⵜ ⵏ ⵓⴹⴰⵕ : ⵉⴳⴰ ⵡⵎⵓⵔⴰⵔ ⵓⵎⴰⴹⴰⵍ ⴰⵎⵖⵔⴰⴱⵉ ⴰⵛⵕⴰⴼ ⵃⴰⴽⵉⵎⵉ ⵏ ⵓⵙⴳⵔⴰⵡ "ⴱⵔⵓⵙⵢⴰ ⴷⵓⵔⵜⵎⵓⵏⴷ" ⴰⵎⵓⵔⴰⵔ ⴰⴽⴽⵯ ⵉⴼⵙⵙⵓⵙⵏ ⴳ ⵓⵎⵣⵔⵓⵢ ⵏ ⵜⴱⵔⵣⴰ

29 ⵎⴰⵢⵢⵓ 2020 Version Imprimable

ⴱⵉⵔⵍⵉⵏ - ⵉⴽⵛⵎ ⵓⵎⴰⴹⴰⵍ ⴰⵎⵖⵔⴰⴱⵉ ⴰⵄⵄⵔⵉⵎ ⴰⵛⵕⴰⴼ ⵃⴰⴽⵉⵎⵉ, ⵍⵍⵉ ⵜⴼⴽⴰ ⵜⵔⴰⴱⴱⵓⵜ ⵏ ⵕⵢⴰⵍ ⵎⴰⴷⵔⵉⴷ ⵉ ⴱⵔⵓⵙⵢⴰ ⴷⵓⵔⵜⵎⵓⵏⴷ, ⵙ ⵓⵎⵣⵔⵓⵢ ⵏ ⵜⴱⵔⵣⴰ ⵜⴰⵍⵎⴰⵏⵉⵜ ⵏ ⵜⴽⵓⵔⵜ ⵏ ⵓⴹⴰⵕ "ⴱⵓⵏⴷⵙⵍⵉⴳⴰ" ⵙ ⵜⴳⴳⵓⵔⵉⵏ ⴰⴽⴽⵯ ⵢⵓⵙⵄⴰⵏ.

ⵉⵎⵍⴰ ⵡⵙⵉⵜ ⴰⵎⴰⴷⴷⵓⴷ ⵏ ⵜⴱⵔⵣⴰ ⵜⴰⵍⵎⴰⵏⵉⵜ ⵎⴰⵙ ⵉⴳⴰ ⵃⴰⴽⵉⵎⵉ ⴰⵎⵓⵔⴰⵔ ⴰⴽⴽⵯ ⵉⴼⵙⵙⵓⵙⵏ ⴳ ⵓⵎⵣⵔⵓⵢ ⵏ "ⴱⵓⵏⴷⵙⵍⵉⴳⴰ" ⵙⴳ ⵍⴱⴷⵓ ⵏ ⵜⵙⵎⵓⵏⵉ ⵏ ⵜⴽⴽⵉⵏ ⴳ ⵓⵙⴳⴳⵯⴰⵙ ⵏ 2011-2012, ⵉⵏⵏⴰ ⵙⵓⵍ ⵎⴰⵙ ⵓⵖⴰⵡⵍ ⵏ ⵃⴰⴽⵉⵎⵉ ⵉⵍⴽⵎ 36.20 ⴰⴽⵉⵍⵓⵎⵉⵜⵔ ⴳ ⵜⵙⵔⴰⴳⵜ, ⴳ ⵜⵎⵢⴰⴳⴳⴰⵔⵜ ⵍⵍⵉ ⵢⵙⵎⴰⵏⵏ "ⴷⵓⵔⵜⵎⵓⵏⴷ" ⴷ "ⵍⴰⵢⴱⵣⵉⴳ" (3-3), ⵎⴰ ⵢⴰⴷ ⵜ ⵉⴼⴽⴰⵏ ⴷ ⵓⵣⵡⵍ ⵏ ⵓⵎⵓⵔⴰⵔ ⴰⴽⴽⵯ ⵉⴼⵙⵓⵙⵏ ⴳ ⵓⵎⵣⵔⵓⵢ ⵏ "ⴱⵓⵏⴷⵙⵍⵉⴳⴰ".

ⵉⴼⵔⴰ ⵢⵏⵏⴰ ⵡⵙⵉⵜ ⴰⵏⵏ ⵏⵉⵜ ⵎⴰⵙ ⵓⵎⵓⵔⴰⵔ ⴰⵎⵖⵔⴰⴱⵉ ⵉⵙⵙⵖⵍⵉ ⵓⵖⴰⵡⵍ ⵏⵏⵙ ⴰⵔ 36.49 ⴰⴽⵓⵍⵓⵎⵉⵜⵕ ⴳ ⵜⵙⵔⴰⴳⵜ, ⴰⵎⵎⴰⵙ ⵏ ⵓⵎⴰⴳⵔ ⵉⵙⵎⴰⵏⵏ "ⴷⵓⵔⵜⵎⵓⵏⴷ" ⴷ "ⵢⵓⵏⵢⵓⵏ ⴱⵉⵔⵍⵉⵏ" ⴳ ⵓⵙⴳⴳⵯⴰⵙ ⴰⴷ, ⵉⵙⴽⴰⵟⵟⴰ ⴼ ⵖⵉⴽⴰⵏⵏ ⵓⵎⵓⵔⴰⵔ ⴰⴷ ⵉⵟⵟⴰⴼⵏ 21 ⵓⵙⴳⴳⵯⴰⵙ ⴰⵎⴰⴹⵏ ⵏ ⵓⵖⴰⵡⵍ ⵏⵏⵙ ⵉⵣⵔⵉⵏ.

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B4%B1%E2%B5%94%E2%B5%A3%E2%B4%B0-%E2%B5%9C%E2%B4%B0%E2%B5%8D%E2%B5%8E%E2%B4%B0%E2%B5%8F%E2%B5%89%E2%B5%9C-%E2%B5%8F-%E2%B5%9C%E2%B4%BD%E2%B5%93%E2%B5%94%E2%B5%9C-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B5%89%E2%B4%B3%E2%B4%B0-%E2%B5%A1%E2%B5%8E%E2%B5%93%E2%B5%94%E2%B4%B0%E2%B5%94-%E2%B5%93%E2%B5%8E%E2%B4%B0%E2%B4%B9%E2%B4%B0%E2%B5%8D-%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89-%E2%B4%B0%E2%B5%9B%E2%B5%95%E2%B4%B0%E2%B4%BC-%E2%B5%83%E2%B4%B0%E2%B4%BD%E2%B5%89%E2%B5%8E%E2%B5%89-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1