Published on MAPNews (https://www.mapnews.ma/am)

Accueil > ⵉⵎⵎⵓⵜ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵉⵣⵔⵉⵏ ⵄⴱⴷⵕⵕⵃⵎⴰⵏ ⵍⵢⵓⵙⴼⵉ

ⵉⵎⵎⵓⵜ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵉⵣⵔⵉⵏ ⵄⴱⴷⵕⵕⵃⵎⴰⵏ ⵍⵢⵓⵙⴼⵉ

29 ⵎⴰⵢⵢⵓ 2020 Version Imprimable
ⵕⵕⴱⴰⵟ - ⵉⵎⵎⵓⵜ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵉⵣⵔⵉⵏ, ⵄⴱⴷⵕⵕⵃⵎⴰⵏ ⵍⵢⵓⵙⴼⵉ, ⵉⴹ ⵏ ⵓⴽⵡⴰⵙ ⴰⵔ ⵓⵙⵉⵎⵡⴰⵙ ⴳ ⴹⴹⴰⵕⵍⴱⵉⴹⴰ, ⴳ ⵓⵡⵜⵜⴰⵢ ⵏ 96 ⵓⵙⴳⴳⵯⴰⵙ, ⵎⴰ ⵢⴰⴷ ⵜⵏⵏⴰ ⵜⵡⵊⴰ ⵏⵏⵙ.

ⵉⵍⵓⵍ ⵉⴳⵍⵍⵉⵏ ⴳ ⵟⴰⵏⵊⴰ ⴰⵙⵙ ⵏ 08 ⵎⴰⵕⵚ 1924, ⴷ ⵉⴽⵛⵎ ⴰⵎⵎⴰⵙ ⵏ ⵓⵎⵓⵙⵙⵓ ⴰⵏⴰⵎⵓⵔ ⵍⵍⵉⵖ ⵙⵓⵍ ⵢⴰⴷ ⵍⵍⵉ ⵢⴳⴰ ⴰⵏⵍⵎⴰⴷ ⴳ ⵓⵙⵉⵏⴰⵏ "ⵎⵓⵍⴰⵢ ⵢⵓⵙⴼ" ⴳ ⵕⵕⴱⴰⵟ.

ⴰⵙⵙ ⵏ 04 ⴱⵕⴰⵢⵕ 1998, ⵉⵙⵎⴰⴳⵍ ⵜ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵉⵙⵎⵓⵏ ⵜⵏⴱⴰⴹⵜ ⵏ ⵓⵙⵎⵓⵜⵜⵉ ⵍⵍⵉ ⵢⵙⵎⵏⵉⴷ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵙ ⵏ 14 ⵎⴰⵕⵚ ⴳ ⵓⵙⴳⴳⵯⴰⵙ ⴰⵏⵏ ⵏⵉⵜ.

ⴷⴼⴼⵉⵔ ⵏ ⵜⵎⵜⵜⴰⵏⵜ ⵏ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙⵙ ⵙⵉⵏ, ⵢⵓⵊⵊⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙⵙ ⵍⵢⵓⵙⴼⵉ ⴳ ⵉⵅⴼ ⵏ ⵜⵏⴱⴰⴹⵜ ⴷ ⵉⴼⴽⴰ ⵢⴰⵜ ⵢⴰⵏ ⵓⵙⵎⵖⵔ ⴰⵎⵇⵕⴰⵏ.

ⵉⴷⵡⵍ ⵙ ⵜⵡⵓⵔⵉⵡⵉⵏ ⵏⵏⵙ ⴰⵎⵎ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴳ ⵜⵏⴱⴰⴹⵜ ⵉⵜⵜⵓⵙⵎⴰⵏⵏ ⴰⵙⵙ ⵏ 06 ⵛⵓⵜⴰⵏⴱⵉⵔ 2000 ⴷ ⵉⵇⵇⵉⵎ ⴳⵉⵙ ⴰⵔ 09 ⴽⵟⵓⴱⵕ 2002.

ⴰⵙⵙ ⵏ 2016, ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵟⴰⵏⵊⴰ ⵢⴰⵜ ⵜⴰⵙⵓⴽⵜ ⵙ ⵉⵙⵎ ⵏ ⵉⴳⵍⵍⵉⵏ, ⴳ ⵓⵙⵎⵖⵔ ⵏ ⵜⵢⵔⵉ ⵏ ⵜⵎⵓⵔⵜ ⵏⵏⵙ.

ⵉⴽⵛⵎ ⵓⵎⴰⵡⵙⴰⵙ ⴰⵎⵣⵡⴰⵔⵓ, ⵄⴱⴷⵕⵕⵃⵎⴰⵏ ⵍⵢⵓⵙⴼⵉ, ⴰⵙⵙ ⵏ ⵓⵙⴰⵎⴰⵙ ⴳ ⵜⵙⴷⵓⵙⵉⵜ "ⵛⵛⵉⵅ ⵅⴰⵍⵉⴼⴰ" ⴳ ⴹⴹⴰⵕⵍⴱⵉⴹⴰ. ⵉⴽⵛⵎ ⵙ ⵍⵉⵏⵄⴰⵛ ⴷⴼⴼⵉⵔ ⵏ ⵜⵎⵓⴽⵔⵉⵙⵉⵏ ⵏ ⵜⴷⵓⵙⵉ, ⴷⴰⵜ ⴰⴷ ⵉⵎⵎⵜ ⵉⴳⵍⵍⵉⵏ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8E%E2%B5%8E%E2%B5%93%E2%B5%9C-%E2%B5%93%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%89%E2%B5%A3%E2%B5%94%E2%B5%89%E2%B5%8F-%E2%B5%84%E2%B4%B1%E2%B4%B7%E2%B5%95%E2%B5%95%E2%B5%83%E2%B5%8E%E2%B4%B0%E2%B5%8F-%E2%B5%8D%E2%B5%A2%E2%B5%93%E2%B5%99%E2%B4%BC%E2%B5%89