ⵉⴳⵔ ⵏ ⵜⴷⵓⵙⵉ : ⵙⴳⵎⴹⵏ ⵍⵎⵖⵔⵉⴱ ⴷ ⵜⵎⵓⵏⵜ ⵜⵓⵕⵓⴱⴱⵉⵜ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵣⵕⴼ ⵏ ⵡⴰⵜⵉⴳ ⵏ 1,1 ⵓⵎⵍⵢⴰⵕ ⵏ ⴷⴷⵔⵀⵎ

21 ⵎⴰⵢⵢⵓ 2020 Version Imprimable

ⵕⵕⴱⴰⵟ - ⵉⵜⵜⵓⵙⴳⵎⴰⴹ ⵅⴼ ⵢⴰⵜ ⵜⵎⵢⴰⵇⵇⴰⵏⵜ ⵏ ⵡⴰⵜⵉⴳ ⵏ 1,1 ⵓⵎⵍⵢⴰⵕ ⵏ ⴷⴷⵔⵀⵎ (100 ⵓⵎⵍⵢⵓⵏ ⵓⵕⵓ) ⴳⵔ ⵜⵎⵓⵏⵜ ⵜⵓⵕⵓⴱⴱⵉⵜ ⴷ ⵍⵎⵖⵔⵉⴱ, ⴰⵙⵙ ⵏ ⵓⵙⵉⵏⴰⵙ, ⵅⴼ ⵓⵏⵏⴰⵍ ⵏ ⵓⵥⵕⴼ ⵏ ⵉⴳⵔ ⵏ ⵜⴷⵓⵙⵉ ⴳ ⵓⵙⴰⵜⵉ ⵏ ⵜⵙⵙⴰⵙⵜ "ⴽⵓⴼⵉⴷ-19".

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵓⴼⴰⵡⴰⴹⵉⵜ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⴳ ⵍⵎⵖⵔⵉⴱ ⵎⴰⵙ ⵜⵎⵢⴰⵇⵇⴰⵏⵜ ⴰⴷ ⵍⵍⵉ ⵙⴳⵎⴹⵏ ⵖⴼⵙ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵙⴳⴷ ⵏ ⵜⵎⵙⵙⵓⴳⵓⵔⵜ, ⵎⵓⵃⵎⵎⴷ ⴱⵏ ⵛⵄⴱⵓⵏ, ⴷ ⵓⵎⴰⵡⵙⴰⵙ ⵏ ⵜⴷⵓⵙⵉ, ⵅⴰⵍⵉⴷ ⴰⵢⵜ ⵟⵟⴰⵍⴱ, ⴷ ⵜⵎⵙⵇⴰⴷⵜ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⴳ ⵍⵎⵖⵔⵉⴱ, ⴽⵍⵓⴷⵢⴰ ⵡⵢⴷⵉ, ⵜⵏⵏⵍ ⵓⵥⵕⴼ ⵏ ⵉⵎⵓⵙⵙⵓⵏ ⵏ ⵜⴷⵓⵙⵉ, ⵓⵍⴰ ⵡⵖⴰⵡⴰⵙ ⵏ ⵓⵙⴳⴷ ⵉⵖⵓⴷⴰⵏ ⵍⵍⵉ ⵜⵙⵙⵉⵅⴼ ⵜⵎⴰⵡⴰⵙⵜ ⵏ ⵜⴷⵓⵙⵉ ⴳ ⵓⵣⵎⵣⵣⵓ ⵉⵇⵕⵕⴱⵏ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵔⴰⴷ ⵜⵎⵓⵏ ⵜⵎⵢⴰⵇⵇⴰⵏⵜ ⴰⴷ ⴷ ⵉⴼⵙⵙⴰⵢⵏ ⵏ ⵉⵎⴰⵍ ⴳ ⵜⵙⵙⴰⵙⵜ ⵏ "ⴽⵓⴼⵉⴷ-19", ⵙ ⵜⴷⵔⴰⵡⵜ ⴳ ⵓⵙⴷⵓⵙ ⵏ ⵓⵎⵓⵙⵙⵓ ⵏ ⵉⴳⵔ ⵏ ⵜⴷⵓⵙⵉ ⵎⴳⴰⵍ ⵏ ⵜⵙⵙⴰⵙⵉⵏ ⵏ ⵜⴷⵓⵙⵉ ⵍⵍⵉ ⵜⵏ ⵉⴼⴼⵖ ⵛⵛⴽ ⵉⵙ ⵔⴰⴷ ⵊⵕⵓⵏ ⵉⵎⴰⵍ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%89%E2%B4%B3%E2%B5%94-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89-%E2%B5%99%E2%B4%B3%E2%B5%8E%E2%B4%B9%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%9C%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B5%93%E2%B5%95%E2%B5%93%E2%B4%B1%E2%B4%B1%E2%B5%89%E2%B5%9C-%E2%B5%A2%E2%B4%B0%E2%B5%9C-%E2%B5%9C%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%A3%E2%B5%95%E2%B4%BC-%E2%B5%8F-%E2%B5%A1%E2%B4%B0%E2%B5%9C%E2%B5%89%E2%B4%B3-%E2%B5%8F-11