ⵎⴰⵙⵙ ⵍⵄⵜⵎⴰⵏⵉ : ⴰⵙⵖⵣⵣⵉⴼ ⵏ ⵓⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴷ ⵓⵇⵇⵉⵎ ⴰⴷⵓⵙⴰⵏ ⵙ ⴽⵕⴰⴹ ⵉⵎⴰⵍⴰⵙⵙⵏ

18 ⵎⴰⵢⵢⵓ 2020 Version Imprimable

ⵕⵕⴱⴰⵟ - ⵉⵙⴳⵓⵔⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ, ⴰⵙⵖⵣⵣⵉⴼ ⵏ ⵓⴷⴷⴰⴷ ⵏ ⵓⵖⴰⵡⵏ ⴰⴷⵓⵙⴰⵏ ⴷ ⵓⵇⵇⵉⵎ ⴰⴷⵓⵙⴰⵏ ⵙ ⴽⵕⴰⴹ ⵉⵎⴰⵍⴰⵙⵙⵏ ⵢⴰⴹⵏⵉⵏ.

ⵉⵏⵏⴰ ⵎⴰⵙⵙ ⵍⵄⵜⵎⴰⵏⵉ, ⴳ ⵢⴰⵜ ⵜⵉⵔⵎⵜ ⵉⵛⵛⴰⵔⵏ ⵏ ⵙⵉⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⵎⴰⵙ "ⵜⵙⵜⵉ ⵜⵎⴰⵣⵉⵔⵜ ⵏⵏⵖ ⴰⴷ ⵜⴼⴽ ⵜⴰⵎⵣⵡⴰⵔⵓⵜ ⵉ ⵡⴼⴰⵔⴽ ⵏ ⵜⴷⵓⵙⵉ ⵏ ⵉⵏⵎⵓⵔⵉⵏ ⴷ ⴰⴷ ⵜⵣⵡⵓⵔ ⴽⵔⴰ ⵢⴳⴰⵜⵜ ⵜⵎⵙⴰⵔⵜ ⵢⴰⴹⵏⵉⵏ.

ⵉⵔⵏⴰ ⵢⵏⵏⴰ ⵎⴰⵙ ⴰⵔ ⵖⵉⵍ ⴰⴷ, ⵉⵙⴽⵔ ⵍⵎⵖⵔⵉⴱ ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ ⵉⴼⵓⵍⴽⵉⵏ ⴰⴼ ⴰⴷ ⵉⵜⵜⵓⴼⵔⴰⴽ ⵅⴼ ⵓⵙⵡⵉⵔ ⴰⴷⵓⵙⴰⵏ, ⵉⵏⵏⴰ ⵙⵓⵍ ⵎⴰⵙ ⴼ ⵖⵉⴽⴰⵏⵏ, ⵉⵜⵜⵓⵖⵜⴰⵙ ⴰⴷ ⵉⵜⵜⵓⵙⵖⵣⵣⵉⴼ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴷ ⵓⵇⵇⵉⵎ ⴰⴷⵓⵙⴰⵏ ⵙ ⴽⵕⴰⴹ ⵏ ⵉⵎⴰⵍⴰⵙⵙⵏ ⵢⴰⴹⵏⵉⵏ.

ⵉⵣⵎⵎⴻⵎ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ "ⴰⴷⴷⴰⴷ ⵏ ⵜⵎⴰⵣⵉⵔⵜ ⵏⵏⵖ ⵉⵔⴳⴳ ⴷ ⵉⵍⵍⴰ ⴷⴷⵓ ⵏ ⵜⵣⵉⴹⵕⴰ, ⵎⴰⵛ ⴰⵔ ⵓⴽⴰⵏ ⵙⵓⵍ ⵉⵣⵣⵉⴳⵉⵣ ⵓⴼⵉⵔⵓⵙ ⵙⵍⴰⵡⴰⵏ ⴰⴽⴽⵯ ⴰⵎⵎⴰⵙ ⵏ ⵜⵡⵊⵊⴰ ⴷ ⵜⵎⴳⵓⵔⵉ, ⵓⵍⵍⴰ ⴰⵔ ⵉⵜⴱⴰⵢⴰⵏ ⴳ ⴽⵔⴰ ⵏ ⵍⴰⵃⵡⴰⵍ ⴰⵙⵙⵔⵅⵉ ⵏ ⵓⵇⵇⵉⵎ ⴰⴷⵓⵙⴰⵏ, ⵎⴰ ⵢⴰⴷ ⵉⵥⴹⴰⵕⵏ ⴰⴷ ⵢⴰⵡⵉ ⵢⴰⵜ ⵜⴰⵎⵓⴽⵔⵉⵙⵜ ⵍⵍⵉ ⵓⵔ ⵏⵥⴹⴰⵕ ⴰⴷ ⵏⴰⵙⵉ".

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%8E%E2%B4%B0%E2%B5%99%E2%B5%99-%E2%B5%8D%E2%B5%84%E2%B5%9C%E2%B5%8E%E2%B4%B0%E2%B5%8F%E2%B5%89-%E2%B4%B0%E2%B5%99%E2%B5%96%E2%B5%A3%E2%B5%A3%E2%B5%89%E2%B4%BC-%E2%B5%8F-%E2%B5%93%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B5%8D-%E2%B4%B0%E2%B4%B7%E2%B5%93%E2%B5%99%E2%B4%B0%E2%B5%8F-%E2%B4%B7-%E2%B5%93%E2%B5%87%E2%B5%87%E2%B5%89%E2%B5%8E-%E2%B4%B0%E2%B4%B7%E2%B5%93%E2%B5%99%E2%B4%B0%E2%B5%8F-%E2%B5%99-%E2%B4%BD%E2%B5%95%E2%B4%B0%E2%B4%B9-%E2%B5%89%E2%B5%8E%E2%B4%B0%E2%B5%8D%E2%B4%B0%E2%B5%99%E2%B5%99%E2%B5%8F