ⵉⵔⵉⵎⵏ ⵏ "ⵍⴱⴰⴽⴰⵍⵓⵕⵢⴰ" ⵏ ⵜⵡⴰⵍⴰ ⵏ 2020 ⵔⴰⴷ ⵜⵜⵓⵙⵏⵎⴰⵍⵏ ⴳ ⵙⵉⵏ ⵉⴳⵊⴷⴰⵢⵏ, ⵓⵙⵙⴰⵏ ⵏ 03 ⴷ 04 ⵢⵓⵍⵢⵓⵣ ⴰⴷ ⵢⵓⵛⴽⴰⵏ, ⴷ ⵙⴳ 06 ⴰⵔ 08 ⵏ ⵡⴰⵢⵢⵓⵔ ⴰⵏⵏ ⵏⵉⵜ (ⵎⴰⵙⵙ ⴰⵎⵣⴰⵣⵉ)

18 ⵎⴰⵢⵢⵓ 2020 Version Imprimable

ⵕⵕⴱⴰⵟ - ⵉⵙⴳⵓⵔⴰ ⵡⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵣⵣⴰⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ, ⵎⴰⵙ ⵜⵡⴰⵍⴰ ⵜⴰⵙⵏⵡⴰⵜ ⵏ ⵉⵔⵉⵎ ⴰⵏⴰⵎⵓⵔ ⵉⵎⴰⵏⵏ ⵏ ⵓⵎⵎⴰⵥ ⵏ ⵜⵙⴽⵍⴰ ⵏ "ⵍⴱⴰⴽⴰⵕⵓⵍⵢⴰ" ⴳ ⵜⵡⴰⵍⴰ ⵏ 2020 ⵔⴰⴷ ⵜⵜⵓⵙⴽⴰⵔ ⵙ ⵜⵉⵍⵉⵜ ⴳⵔ ⵙⵉⴳ ⵉⴳⵊⴷⴰⵢⵏ, ⵎⴰ ⵢⴰⴷ ⵉⴳⴰⵏ ⵓⴳⵊⴷⵉ ⵏ ⵜⵙⴽⵍⴰ ⴷ ⵉⵎⴰⵙⵙⵏ ⵉⵏⴼⴳⴰⵏ, ⴷ ⵓⵙⵍⵎⴷ ⴰⵇⴱⵓⵕ (ⵡⵙⵙⴰⵏ ⵏ 03 ⴷ 04 ⵢⵓⵍⵢⵓⵣ), ⴷ ⵓⴳⵊⴷⵉ ⴰⵎⴰⵙⵙⴰⵏ ⴷ ⴰⵜⵉⵇⵏⵉ ⵓⵍⴰ ⵍⴱⴰⴽⴰⵍⵓⵕⵢⴰ ⵜⴰⵣⵣⵓⵍⴰⵏⵜ (ⵙⴳ 06 ⴰⵔ 08 ⵢⵓⵍⵢⵓⵣ).

ⵉⴼⵔⴰ ⵢⵏⵏⴰ ⵎⴰⵙⵙ ⴰⵎⵣⴰⵣⵉ, ⴳ ⵜⵉⵔⵎⵜ ⵏ ⵉⵙⵇⵙⵉⵏ ⵉⵎⴰⵡⴰⵏⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵉⵙⴳⵓⵎⵏ ⵏ ⵉⵔⵉⵎⵏ ⴰⴷ ⵔⴰⴷ ⴳⴳⵔⵏ ⵉ ⵜⵎⵙⵙⵉⵔⴷⵉⵏ ⵉⵜⵜⵓⵙⴽⴰⵔⵏ ⵙ ⵜⵉⵍⵉⵜ ⴷⴰⵜ ⵏ ⵓⵙⴱⵉⴷⴷ ⵏ ⵜⵖⵔⵉ, ⵎⵔⴰ ⴰⴷ ⵜⵉⵍⵉ ⵜⵏⴼⵔⵓⵜ ⵏ ⵓⵙⵙⵉⴽⵙⵍ ⵏ ⵉⵣⵎⵣⵎⵏ.

ⵉⵙⵓⵍ ⵉⵏⵏⴰ ⵎⴰⵙ ⴳ ⵓⵙⴰⵜⵉ ⴷⵖ, ⵔⴰⴷ ⵉⴼⴼⵖ ⵢⴰⵏ ⵓⵙⴰⵜⵉ ⴰⵙⴰⵖⵓⵍ ⵉⵎⵍⴰⵏ ⵜⵎⵙⵙⵉⵔⴷⵉⵏ ⵍⵍⵉⵖ ⵔⴰⴷ ⵣⵣⵔⵉⵏ ⵉⵎⵓⵕⵛⵃⵃⵏ ⵉⵔⵉⵎⵏ ⵏⵏⵙⵏ, ⵓⵍⴰ ⵔⴰⴷ ⵙⴳⵓⵔⴰⵏ ⵜⵏⴰⴼⵓⵜⵉⵏ ⵏ ⵉⵔⵉⵎⵏ ⵏ ⵜⵡⴰⵍⴰ ⵢⴰⴷ ⴰⵙⵙ ⵏ 15 ⵢⵓⵍⵢⵓⵣ ⴰⴷ ⵢⵓⵛⴽⴰⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%94%E2%B5%89%E2%B5%8E%E2%B5%8F-%E2%B5%8F-%E2%B5%8D%E2%B4%B1%E2%B4%B0%E2%B4%BD%E2%B4%B0%E2%B5%8D%E2%B5%93%E2%B5%95%E2%B5%A2%E2%B4%B0-%E2%B5%8F-%E2%B5%9C%E2%B5%A1%E2%B4%B0%E2%B5%8D%E2%B4%B0-%E2%B5%8F-2020-%E2%B5%94%E2%B4%B0%E2%B4%B7-%E2%B5%9C%E2%B5%9C%E2%B5%93%E2%B5%99%E2%B5%8F%E2%B5%8E%E2%B4%B0%E2%B5%8D%E2%B5%8F-%E2%B4%B3-%E2%B5%99%E2%B5%89%E2%B5%8F-%E2%B5%89%E2%B4%B3%E2%B5%8A%E2%B4%B7%E2%B4%B0%E2%B5%A2%E2%B5%8F-%E2%B5%93%E2%B5%99%E2%B5%99%E2%B4%B0%E2%B5%8F-%E2%B5%8F-03-%E2%B4%B7-04