ⵎⴰⵙⵙ ⴰⵎⵣⴰⵣⵉ : ⵔⴰⴷ ⴷⵡⵍⵏ ⵉⵏⵍⵎⴰⴷⵏ ⵙ ⵜⵉⵏⵎⴰⵍ ⴳ ⵛⵓⵜⴰⵏⴱⵉⵔ ⴰⴷ ⵢⵓⵛⴽⴰⵏ ⴷ ⵔⴰⴷ ⵜⵜⵓⵙⵏⵎⵍⴰⵏ ⵉⵔⵉⵎⵏ ⵏ "ⵍⴱⴰⴽⴰⵍⵓⵕⵢⴰ" ⴽⴰ

12 ⵎⴰⵢⵢⵓ 2020 Version Imprimable

ⵕⵕⴱⴰⵟ - ⵉⵙⴳⵓⵔⴰ ⵡⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴰⵙⵙ ⵏ ⵓⵙⵉⵏⴰⵙ, ⵎⴰⵙ ⵜⵖⵜⵙ ⵜⵏⴱⴰⴹⵜ ⴰⴷ ⵓⵔ ⴷⵡⵍⵏ ⵉⵏⵍⵎⴰⴷⵏ ⵉ ⵜⵎⵔⵙⵍⵉⵏ ⵏ ⵓⵙⵍⵎⴷ ⴰⵔ ⵛⵓⵏⴰⵏⴱⵉⵔ ⴰⴷ ⵢⵓⵛⴽⴰⵏ.

ⵉⴼⵔⴰ ⵢⵏⵏⴰ ⵎⴰⵙⵙ ⴰⵎⵣⴰⵣⵉ ⴰⵎⵎⴰⵙ ⵏ ⵓⵔⴰⵔ ⵅⴼ ⵢⴰⵏ ⵓⵙⵇⵙⵉ ⵏ ⵓⵙⴳⵓⵎ ⵅⴼ "ⵜⴰⵎⴰⵖⵓⵏⵜ ⵏ ⵉⵔⵉⵎ ⵏ ⵓⵙⵍⵎⴷ ⵙ ⵓⴳⴳⵓⴳ ⴷ ⵉⵎⵏⵉⴷⵏ ⵏ ⵜⵔⵏⵓⵜ ⵏ ⵓⵙⴳⴳⵯⴰⵙ ⴰⵏⵎⵍⴰⵏ", ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵎⴰⵙ ⵔⴰⴷ ⵜⵜⵓⵙⵏⵎⵍⴰⵏ ⵉⵔⵉⵎⵏ ⵏ "ⵍⴱⴰⴽⴰⵍⵓⵕⵢⴰ" ⴽⴰ, ⵙ ⵓⵙⴽⵔ ⵏ ⵉⵔⵉⵎ ⴰⵏⴰⵎⵓⵔ ⵏ ⵓⵙⴳⴳⵯⴰⵙ ⵡⵉⵙⵙ ⵙⵉⵏ ⵏ "ⵍⴱⴰⴽⴰⵍⵓⵕⵢⴰ" ⴳ ⵡⴰⵢⵢⵓⵔ ⵏ ⵢⵓⵍⵢⵓⵣ, ⴷ ⵉⵔⵉⵎ ⴰⵏⵎⵏⴰⴹ ⵏ ⵓⵙⴳⴳⵯⴰⵙ ⴰⵎⵣⵡⴰⵔⵓ ⵏ "ⵍⴱⴰⴽⴰⵍⵓⵕⵢⴰ" ⴳ ⵡⴰⵢⵢⵓⵔ ⵏ ⵛⵓⵜⴰⵏⴱⵉⵔ.

ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵅⴼ ⵜⵏⴼⵔⵓⵜ ⵏ ⵉⵣⵎⵣⵏ ⵏ ⴽⵔⴰ ⵢⴳⴰⵜⵜ ⵢⴰⵏ ⴳⵔ ⵉⵏⵍⵎⴰⴷⵏ ⴷ ⵜⵏⵍⵎⴰⴷⵉⵏ, ⵔⴰⴷ ⵃⴱⵓⵏ ⵉⵙⴳⵓⵎⵏ ⵏ ⵉⵔⵎⵉⵏ ⵅⴼ ⵜⵎⵙⵔⴷⵉⵏ ⵍⵍⵉ ⵢⵜⵜⵓⵙⴽⴰⵔⵏ ⵙ ⵜⵍⵉⵍⵉⵜ ⵏ ⵉⵏⵍⵎⴰⴷⵏ ⴳ ⵜⵉⵏⵎⴰⵍ ⴰⵔ ⵓⵎⵣⵔⵓⵢ ⵏ ⵓⴱⵉⴷⴷ ⵏ ⵜⵏⵎⵍⴰⵏⵜ, ⵎⴰ ⵢⴰⴷ ⵉⴳⴰⵏ ⴰⵔ ⴰⵙⵙ ⵏ 14 ⵎⴰⵕⵚ 2020.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%8E%E2%B5%A3%E2%B4%B0%E2%B5%A3%E2%B5%89-%E2%B5%94%E2%B4%B0%E2%B4%B7-%E2%B4%B7%E2%B5%A1%E2%B5%8D%E2%B5%8F-%E2%B5%89%E2%B5%8F%E2%B5%8D%E2%B5%8E%E2%B4%B0%E2%B4%B7%E2%B5%8F-%E2%B5%99-%E2%B5%9C%E2%B5%89%E2%B5%8F%E2%B5%8E%E2%B4%B0%E2%B5%8D-%E2%B4%B3-%E2%B5%9B%E2%B5%93%E2%B5%9C%E2%B4%B0%E2%B5%8F%E2%B4%B1%E2%B5%89%E2%B5%94-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-%E2%B4%B7-%E2%B5%94%E2%B4%B0%E2%B4%B7-%E2%B5%9C%E2%B5%9C%E2%B5%93%E2%B5%99%E2%B5%8F%E2%B5%8E%E2%B5%8D%E2%B4%B0%E2%B5%8F-%E2%B5%89%E2%B5%94%E2%B5%89%E2%B5%8E%E2%B5%8F-%E2%B5%8F