ⵉⵙⵎⴰⵢⵏⴰ ⵎⴰⵙⵙ ⵍⵄⵜⵎⴰⵏⵉ ⵍⴼⴰⵅⵔ ⵏ ⵜⵏⴱⴰⴹⵜ ⵙ ⵉⵙⵡⴰⵍⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⴳⵣⵣⵓⵎ ⴰⴷⵓⵙ ⴳⵔ ⵜⵏⴰⵎⵓⵔⵉⵏ ⴷ ⵉⵏⴰⵎⵓⵔⵏ ⴷⴰⵜ ⵏ ⵓⴱⴰⵢⵢⵓⵕ "ⴽⵓⵕⵓⵏⴰ" ⴷ ⵜⵍⴽⴰⵎⵉⵏ ⵏⵏⵙ (ⴰⵙⵉⵡⴹ)

07 ⵎⴰⵢⵢⵓ 2020 Version Imprimable

ⵕⵕⴱⴰⵟ - ⵉⵙⵎⴰⵢⵏⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵙⵙ ⵏ ⵓⴽⵡⴰⵙ, ⵍⴼⴰⵅⵔ ⵏ ⵜⵏⴱⴰⴹⵜ ⵙ ⵉⵙⵡⴰⵍⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⴳⵣⵣⵓⵎ ⴰⴷⵓⵙ ⴳⵔ ⵜⵏⴰⵎⵓⵔⵉⵏ ⴷ ⵉⵏⴰⵎⵓⵔⵏ ⴷⴰⵜ ⵏ ⵓⴱⴰⵢⵢⵓⵕ "ⴽⵓⵕⵓⵏⴰ" ⴷ ⵜⵍⴽⴰⵎⵉⵏ ⵏⵏⵙ.

ⵉⵏⵏⴰ ⵢⴰⵏ ⵓⵙⵉⵡⴹ ⵍⵍⵉ ⵢⵖⵕⴰ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⴳ ⵢⴰⵜ ⵜⵏⴰⵡⵜ ⵏ ⵜⵏⵖⵎⴰⵙⵜ ⴷⴼⴼⵉⵔ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵎⴰⵙ ⵉⵙⴷⴷⵉⴷ ⵎⴰⵙⵙ ⵍⵄⵜⵎⴰⵏⵉ, ⴳ ⵜⵙⴳⵓⵔⵉ ⵏⵏⵙ ⴳ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⵎⴰⵙ ⴳ ⵡⴰⴽⵓⴷ ⵍⵍⵉⵖ "ⵜⵙⵙⵏ ⵜⵎⴰⵣⵉⵔⵜ ⵏⵏⵖ ⵜⵎⵓⴽⵔⵉⵙⵉⵏ ⵏ ⵜⵓⴷⵜ ⴳ ⵡⴰⴷⴷⴰⴷ ⴰⴷ, ⵜⵍⵍⴰ ⴷⴰⵔⵏⵖ ⵜⵉⵔⴰⵜ ⴰⴷ ⵏⴱⵉⴷⴷ ⴷⴰⵜ ⵏⵏⵙ".

ⵉⵏⵔⴰ ⵢⵏⵏⴰ ⵎⴰⵙⵙ ⵍⵎⵖⵔⵉⴱ ⵉⵙⵙⵏ ⴰⴼⵓⵍⴽⵉ ⵏ ⴽⵔⴰ ⵏ ⵉⵙⴱⴷⵉⴷⵏ, ⵣⵓⵏⴷ ⵍⵍⵉⵖ ⵜⵖⵍⵉ ⵜⵎⴰⵖⵓⵏⵜ ⵏ ⵉⵊⵊⵉⵏ ⴷ ⵜⴳⴳⵯⵣ ⵅⵜⴰⵏⵏ ⵏ ⵜⵎⵜⵜⴰⵏⵜ, ⴷ ⵏ ⵡⴰⴹⵓⴼ ⵏ ⵓⴱⵕⵓⵟⵓⴽⵓⵍ ⵏ ⵓⵙⴰⴼⴰⵔ, ⴷ ⵜⵥⵉⴹⵕⴰ ⵍⵍⵉ ⵢⵎⵍⴰ ⵍⵎⵖⵔⵉⴱ ⴳ ⵓⵙⵓⴼⴼⵖ ⵏ ⵎⴰⴷ ⵜ ⵉⵅⵚⵚⴰⵏ ⴰⵎⵎⴰⵙ ⵏ ⵉⵎⴰⵙⵙⵏ ⵏ ⵜⴷⵓⵙⵉ ⴷ ⵜⵙⵓⵏⴰ".

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B5%99%E2%B5%8E%E2%B4%B0%E2%B5%A2%E2%B5%8F%E2%B4%B0-%E2%B5%8E%E2%B4%B0%E2%B5%99%E2%B5%99-%E2%B5%8D%E2%B5%84%E2%B5%9C%E2%B5%8E%E2%B4%B0%E2%B5%8F%E2%B5%89-%E2%B5%8D%E2%B4%BC%E2%B4%B0%E2%B5%85%E2%B5%94-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%99-%E2%B5%89%E2%B5%99%E2%B5%A1%E2%B4%B0%E2%B5%8D%E2%B5%8F-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B7