ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵊⴷⴰ ⵉⵙⵏⵜⴰ ⵏ ⵜⵙⵖⵉⵢⵜ ⵏ ⵓⴱⵔⵉⴷ ⵏ ⵡⴰⵣⵣⴰⵍ ⴼⴰⵙ-ⵓⵊⴷⴰ ⴷ ⵍⴱⵏⵉ ⵏ ⵢⴰⵏ ⵓⴳⵊⴷⵉ ⵏ ⵓⵙⵏⴼⵍ

19 ⵢⵓⵏⵢⵓ 2013 Version Imprimable

ⵓⵊⴷⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵙⵙ ⵏ ⵓⴽⵕⴰⵙ ⴳ ⵡⵊⴷⴰ, ⵉⵙⵏⵜⴰ ⵏ ⵜⵙⵖⵉⵢⵜ ⵏ ⵓⴱⵔⵉⴷ ⵏ ⵡⴰⵣⵣⴰⵍ ⴼⴰⵙ-ⵓⵊⴷⴰ ⴷ ⵍⴱⵏⵉ ⵏ ⵢⴰⵏ ⵓⴳⵊⴷⵉ ⵏ ⵓⵙⵏⴼⵍ, ⵍⵍⵉ ⴳⴰⵏⵉⵏ ⵜⵉⴽⵍⵉ ⵜⵉⵙⵙ ⵙⵏⴰⵜ ⵏ ⵓⵙⵏⵜⵉ ⴰⵎⵇⵕⴰⵏ « ⵡⵊⴷⴰ ⵓⵔⴱⴰ ⴱⵓⵍ».

ⵉⵙⵏⵜⴰ ⴰⴷ ⴽⵛⵎⵏ ⴳ ⵓⵙⴰⵜⵉ ⵏ ⵜⵎⵖⵓⵏⵜ ⵉⵍⵍⴰⵏ ⴳⵔ ⵓⵡⵏⴰⴽ ⴷ ⵓⵙⵉⵔⴰ ⴰⵏⴰⵎⵓⵔ ⵏ ⵉⴱⵔⵉⴷⵏ ⵏ ⵡⴰⵣⵣⴰⵍ (ⵓⵏⵙⴼ) ⴳ ⵡⴰⴽⵓⴷ ⵏ 2010-2015 ⵖ ⵜⵙⴳⴰ ⵏ ⵓⵊⴷⴰ.

ⴰⵙⵏⵜⵉ ⵏ ⵜⵙⵖⵉⵢⵜ ⵏ ⵓⴱⵔⵉⴷ ⵏ ⵓⴱⵔⵉⴷ ⵏ ⵡⴰⵣⵣⴰⵍ ⴼⴰⵙ-ⵓⵊⴷⴰ, ⵔⴰⴷ ⵉⵙⵎⴰⵢⵏⵓ 100 ⵏ ⴽⵉⵍⵓⵎⵉⵟⵕ ⵏ ⵓⴱⵔⵉⴷ (30 ⴳ ⵜⵎⵉⴹⵉ ⵏ ⵓⴱⵔⵉⴷ ⴼⴰⵙ-ⵓⵊⴷⴰ) ⴷ ⵓⵙⴳⵉⴷⴷⵉ ⵏ ⵓⵥⴰⵕⵓⵕ ⵏ ⵓⴱⵔⵉⴷ ⴼⴰⵙ-ⵜⴰⵣⴰ(120 ⵏ ⴽⵉⵍⵓⵎⵉⵟⵕ).

ⵉⵔⴰ ⴰⴷ ⵉⵙⴷⵓⴷ ⵓⵍⴰ ⵜⵓⵙⴽⵉⵡⵜ ⵜⴰⵏⴰⴷⴷⴰⵡⵜ ⵉⵙⵎⴰⵢⵏⵓ ⵍⴰⴳⴰⵕ ⵏ ⵓⵊⴷⴰ.

ⴰⵜⵉⴳ ⴰⵖⵣⵓⵔⴰⵏ ⵏ ⵓⵙⵏⵜⵉ ⵢⴰⴷ ⵉⵙⵡⴰ 900 ⵏ ⵓⵎⵍⵢⵓⵏ ⵏ ⵓⴷⵔⵀⵎ. ⵔⴰⴷ ⵉⵙⵢⴰⴼⴰ ⴽⵔⴰ ⵏ 800.000 ⵏ ⵡⵓⵙⵙⴰⵏ ⵏ ⵜⵡⵓⵔⵉ ⴰⵎⵎⴰⵙ ⵏ ⵓⵣⵎⵣ ⵏ ⵜⵡⵓⵔⵉⵡⵉⵏ ⴷ ⵓⴳⴳⴰⵔ ⵏ 70 ⵏ ⵉⵙⵡⵓⵔⵉⵏ ⴳ ⵓⵣⵎⵣ ⵏ ⵓⵙⵢⴰⴼⴰ.

ⴰⴳⵊⴷⵉ ⵏ ⵜⴰⴱⴰⴷⵓⵍ ⴰⴷ ⵉⴽⵛⵎ ⵖ ⵓⵙⵏⵜⵉ ⴰⵖⵔⵎⴰⵏ ⵉⵙⵉⴷⴼⵏ « ⵓⵊⴷⴰ ⵓⵔⴱⴰ ⴱⵓⵍ » (Oujda Urba Pôle). ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵕⵥⵎ ⵢⴰⴷⵍⵍⵉ ⴳ 2010 ⴰⴼⵔⴷⴰⵙ ⴰⵎⵣⵡⴰⵔⵓ ⵏ ⵓⵙⵏⵜⵉ ⴰⴷ.

ⴰⵙⵏⵜⵉ ⴰⴷ ⵉⵔⴰ ⴰⴷ ⵉⵙⵏⵜⵉ ⵍⴰⴳⴰⵕ ⵏ ⵡⵓⵣⵣⴰⵍ ⵜⴰⵎⴰⵢⵏⵓⵜ ⵏ ⵜⵎⴷⵉⵏⵜ ⵏ ⵓⵊⴷⴰ ⵍⵍⵉ ⵔⴰⴷ ⵉⵥⴹⴰⵕⵏ ⴰⴷ ⵜⵙⵙⴽⵛⵎ 1.5 ⵏ ⵓⵎⵍⵢⵓⵏ ⵏ ⵉⵏⵎⵎⴰⴷⴷⵓⵏ ⴳ ⵓⵎⵏⵉⴷ ⵏ 2020.

ⵖⵉⴽⴰⵏ, ⵍⴰⴳⴰⵕ ⴰⴷ ⵔⴰⴷ ⵜⵎⵎⴰ ⵖ30 ⵏ ⵢⵢⵉⵔⵏ ⵙ 70 ⵏ ⵓⵎⵍⵢⵓⵏ ⵏ ⵓⴷⵔⵀⵎ ⵏ ⵉⵙⵙⴰⵔⵓⵢⵏ.

Dernière modification : 19 ⵢⵓⵏⵢⵓ 2013

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%93%E2%B5%8A%E2%B4%B7%E2%B4%B0-%E2%B5%89%E2%B5%99%E2%B5%8F%E2%B5%9C%E2%B4%B0-%E2%B5%8F-%E2%B5%9C%E2%B5%99%E2%B5%96%E2%B5%89%E2%B5%A2%E2%B5%9C-%E2%B5%8F-%E2%B5%93%E2%B4%B1%E2%B5%94%E2%B5%89%E2%B4%B7-%E2%B5%8F-%E2%B5%A1%E2%B4%B0%E2%B5%A3%E2%B5%A3%E2%B4%B0%E2%B5%8D-%E2%B4%BC%E2%B4%B0%E2%B5%99-%E2%B5%93%E2%B5%8A%E2%B4%B7%E2%B4%B0-%E2%B4%B7-%E2%B5%8D%E2%B4%B1%E2%B5%8F%E2%B5%89-%E2%B5%8F#comment-0