ⵉⵕⵥⵎ ⵓⴳⵔⴰⵡ ⵉⵥⵍⵉⵏ ⵙ ⵡⴰⵏⴰⵡ ⴰⵏⴳⵎⵓ ⵜⴰⵡⵡⵓⵔⵜ ⵜⴰⵎⴷⵔⴰⵡⵜ ⵏⵏⵙ "Csmd.ma"

13 ⵉⴱⵔⵉⵔ 2020 Version Imprimable

ⵕⵕⴱⴰⵟ - ⵉⵕⵥⵎ ⵓⴳⵔⴰⵡ ⵉⵥⵍⵉⵏ ⵙ ⵡⴰⵏⴰⵡ ⵏ ⵓⵏⴳⵎⵓ ⵜⴰⵡⵡⵓⵔⵜ ⵜⴰⵎⴰⵟⵟⵓⵏⵜ ⵜⴰⵎⴷⵔⴰⵡⵜ ⵏⵏⵙ "Csmd.ma" ⵙ ⵜⵓⵜⵍⴰⵢⵉⵏ ⵜⵄⵕⴰⴱⵜ ⴷ ⵜⴼⵕⴰⵏⵚⵉⵚⵜ ⵉ ⴰⴽⴽⵯ ⵉⵏⴰⵎⵓⵔⵏ ⴷ ⵜⵉⵏⴰⵎⵓⵔⵉⵏ ⴳ ⵓⴳⵏⵙⵓ ⵏ ⵍⵎⵖⵔⵉⴱ ⵓⵍⴰ ⴳ ⴱⵕⵕⴰ ⵏⵏⵙ.

ⵉⵏⵏⴰ ⵡⴳⵔⴰⵡ, ⴳ ⵢⴰⵏ ⵓⵙⵉⵡⴹ ⵏⵏⵙ, ⵎⴰⵙ ⵜⴰⵡⵡⵓⵔⵜ ⵜⴰⵎⴰⵟⵟⵓⵏⵜ ⴰⴷ ⵜⵕⵥⵎ ⴳ ⵓⵣⵣⵉⴳⵔ ⵏ ⵉⵙⵏⵡⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⵍⵉ ⵢⵖⵕⴰⵏ ⴰⴷ "ⴷⵔⵓⵏⵜ ⴰⴽⴽⵯ ⵜⵙⵓⴳⵔⵉⵏ ⵏ ⵉⵏⴰⵎⵓⵔⵏ ⴷ ⴰⴽⴽⵯ ⵜⴳⴳⴰⵍⵉⵏ ⵉⴷⴷⵔⵏ ⵏ ⵜⵎⵜⵜⴰ", ⴳ ⵉⵎⵙⴷⵉ ⵏ ⵜⵉⵔⵔⴰ ⵏ ⵡⴰⵏⴰⵡ ⵏ ⵓⵏⴳⵎⵓ, ⵍⵍⵉ ⵢⵔⴰⵏ ⴰⴷ ⵉⵙⵎⵓⵏ ⵜⵉⵙⵓⵎⴰⵔⵉⵏ ⴷ ⵜⴷⵔⴰⵡⵜ ⵏ ⴽⵔⴰ ⵢⴳⴰⵜⵜ ⵢⴰⵏ ⴰⴼⴰⴷ ⵢⵉⵍⵉ ⵢⴰⵏ ⵓⵏⴰⵡ ⵏ ⵓⵏⴳⵎⵓ ⴰⵎⴷⵔⴰⵡ ⴷ ⵓⵎⵖⵍⴰⵍ.

ⴷ ⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵔⴰⴷ ⵉⵥⵕ ⵓⴳⵔⴰⵡ ⴰⴽⴽⵯ ⵜⵎⴷⵔⴰⵡⵉⵏ ⴰⴼⴰⴷ ⵉⵙⵎⵓⵏ ⵜⵎⵙⵓⵔⵉⵏ ⵏⵏⵙⵏⵜ ⵖⵉⵍ ⵍⵍⵉ ⵢⵥⴹⴰⵕⵏ ⴰⴷ ⵉⵔⴰⵔ ⵅⴼ ⵜⵜⵓⵜⵔⴰ ⵏ ⴽⵔⴰ ⵢⴳⴰⵜⵜ ⵢⴰⵏ, ⵉⵙⴷⴷⵉⴷ ⵎⴰⵙ ⵜⵙⵓⵎⴰⵔⵉⵏ ⴰⴷ ⵔⴰⴷ ⴰⵊⵊⵉⵏⵜ ⵉⴳⵎⴰⵎⵏ ⵏ ⵓⴳⵔⴰⵡ ⴰⴷ ⵙⵙⵏⵏ ⵎⴰⴷ ⵜⵙⴰⴳⴳⵯⴰⵎⵏ ⵉⵏⴰⵎⵓⵔⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B5%95%E2%B5%A5%E2%B5%8E-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%A1%E2%B4%B0%E2%B5%8F%E2%B4%B0%E2%B5%A1-%E2%B4%B0%E2%B5%8F%E2%B4%B3%E2%B5%8E%E2%B5%93-%E2%B5%9C%E2%B4%B0%E2%B5%A1%E2%B5%A1%E2%B5%93%E2%B5%94%E2%B5%9C-%E2%B5%9C%E2%B4%B0%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B5%8F%E2%B5%8F%E2%B5%99-csmdma