Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵉ ⵜⵉⵏⴰⵡⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵜⵎⴰⴷⴷⴰⵙⵜ ⵜⴰⵎⴰⴹⴰⵍⵜ ⵏ ⵜⵉⵍⵉⵜ ⵜⴰⵡⵏⴳⵉⵎⵜ ⴳ ⵎⵕⵕⴰⴽⵯⵛ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵉ ⵜⵉⵏⴰⵡⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵜⵎⴰⴷⴷⴰⵙⵜ ⵜⴰⵎⴰⴹⴰⵍⵜ ⵏ ⵜⵉⵍⵉⵜ ⵜⴰⵡⵏⴳⵉⵎⵜ ⴳ ⵎⵕⵕⴰⴽⵯⵛ

18 ⵢⵓⵏⵢⵓ 2013 Version Imprimable
ⵎⵕⵕⴰⴽⵯⵛ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ, ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵢⴰⵜ ⵜⵓⵣⵉⵏⵜ ⵉ ⵢⵉⵎⴷⵔⴰⵡⵏ ⵏ ⵜⵉⵏⴰⵡⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵓⵙⵙⵓⴼⵖ ⵏ ⵜⵎⵢⴰⵇⵇⴰⵏⵜ ⵍⵍⵉ ⵔⴰⴷ ⵢⵉⵙⵙⵔⵅⵓ ⵉ ⵡⵉⵍⵍⵉ ⵎⵓ ⵉⴷⵔⵓⵙ ⵉⵥⵕⵉ ⴷ ⵡⵉⵍⵍⵉ ⵓⵔ ⵓⴼⵉⵏⵉⵏ ⴰⴷ ⵖⵔⵉⵏ ⵉⴹⵕⵉⵚⵏ ⵜⵜⵓⵙⵉⴳⴳⵣⵏⵉⵏ ⴰⴷⴰⴼ ⵏ ⵉⴳⵉⵏⵏ ⵍⵍⵉ ⴷ ⴼⴼⵓⵖⵏⵉⵏ. ⵜⵉⵏⴰⵡⵜ ⴰⴷ ⵜⵕⵥⵎ ⴳ ⵜⵉⴼⴰⵡⵜ ⵏ ⵓⵙⵓⵏⴰⵙ ⴰⵎⵎⴰⵙ ⵏ ⵜⴳⴰⴷⵉⵔⵜ ⵏ ⵉⴳⵔⴰⵡⵏ ⴳ ⵎⵕⵕⴰⴽⵯⵛ.

ⵜⵓⵣⵉⵏⵜ ⴰⴷ ⵉⵖⵕⴰ ⵜⵜ  ⵓⵎⴰⵡⵙⴰⵙ ⵏ ⵓⵎⵢⴰⵡⴰⴹ, ⴰⵎⵙⵙⵉⵡⵍ ⵙ ⵢⵉⵙⵎ ⵏ ⵜⵏⴱⴰⴹⵜ, ⵎⴰⵙⵙ ⵎⵚⵟⴰⴼⴰ ⵍⵅⵍⴼⵉ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜ ⵉⵙⵓⵎⵎⵔ ⴱⴰⵀⵔⴰ ⵓⵙⵜⴰⵢ ⵏ ⵓⵙⵏⵎⴰⵍⴰ ⵏ ⵓⵏⵎⵓⵇⵇⴰⵕ ⴰⴷ ⵜⵉⴽⵍⵉⵜ ⵉⵣⵡⴰⵔⵏ ⴳ ⵢⴰⵜ ⵜⵎⵓⵔⵜ ⵏ ⵉⴼⴼⵓⵙ, ⴳ ⵜⵎⴷⵉⵏⵜ ⵏ ⵎⵕⵕⴰⴽⵯⵛ ⵍⵍⵉ ⵖ ⵢⴰⴷ ⵣⵔⵉⵏ ⵜⵜ ⵜⵎⴰⴷⴷⴰⵙⵉⵏ ⴳⴰⵏⵉⵏ ⵜⵉⵎⵙⴷⴷⴰⵔ.

ⵙ ⵓⵣⵎⵣⵣⵓ ⴰⴷ, ⵉⵙⵎⵖⵓⵕ ⴱⴰⴱ ⵏ ⵡⴰⴷⴷⵓⵔ ⴰⵏⵙⵙⵉⵅⴼ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵜⴰⵎⴰⴹⴰⵍⵜ ⵏ ⵜⵉⵍⵉⵜ ⵜⴰⵡⵏⴳⵉⵎⵜ, ⵎⴰⵙⵙ ⴼⵕⴰⵏⵙⵉⵙ ⴳⴰⵔⵢ, ⵅⴼ ⵜⵡⵓⵔⵉ ⵜⴰⵎⵇⵕⴰⵏⵜ ⴷ ⵜⵙⵏⵜⴰⵢⵉⵏ ⵏⵏⵙ ⵖⵓⴷⴰⵏⵉⵏ ⵏ ⵓⵙⴷⵓⴷ ⵏ ⵜⵉⴳⴰⵡⵜ ⵜⴰⴳⵔⴰⵖⵍⴰⵏⵜ ⴳ ⵜⵙⴳⴰ ⵏ ⵜⵉⵍⵉⵜ ⵜⴰⵡⵏⴳⵉⵎⴰⵏⵜ. ⵉⵙⵏⵉⵎⵎⵔ ⴱⴰⴱ ⵏ ⵡⴰⴷⴷⵓⵔ ⴽⵓⵍⵍⵓ ⵡⵉⵍⵍⵉ ⵢⵉⵡⵙⵏⵉⵏ ⵉ ⵎⵉⴷⴷⵏ ⵍⵍⵉ  ⵎⵓ ⵉⴷⵔⵓⵙ ⵉⵥⵕⵉ ⴳ ⵓⵎⴰⴹⴰⵍ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵉⵙ ⵉⵍⵍⴰ ⵓⴳⴳⴰⵔ ⵏ 300 ⵏ ⵓⵎⵍⵢⵓⵏ ⵏ ⵎⵉⴷⴷⵏ ⴳ ⵉⵖⵣⵡⵔ ⵍⵍⵉ ⴷⴰⵔ ⵉⴷⵔⵓⵙ  ⵉⵥⵕⵉ.  ⵉⵙⵏⵎⴽⵜⴰⵏ ⵏ ⵜⵏⵎⴰⵍⴰⵢⵜ ⵜⴰⴳⵔⴰⵖⵍⴰⵏⵜ ⵏ ⵜⴷⵓⵙⵉ ⴰⵔ ⵙⴰⵡⴰⵍⵏ ⵅⴼ 45 ⵏ ⵓⵎⵍⵢⵓⵏ ⵏ ⵓⴱⵓⴽⴰⴹ. ⵓⵟⵟⵓⵏ ⴰⴷ ⵔⴰⴷ ⵢⵉⵎⵖⵓⵔ ⵙⵏⴰⵜ  ⵏ ⵜⵡⴰⵍⴰ  ⴰⵙⴳⴳⵯⴰⵙ ⵏ 2020.

ⵉⵔⵏⵓ ⵉⵏⵏⴰ ⵎⴰⵙ ⵉⵙⴷⴷⵉⴷ ⵍⵎⵖⵔⵉⴱ ⴰⵙⵓⵖⵏ ⵏⵏⵙ ⴳ ⴰⴽⴽⵯ ⵜⵉⵙⵏⵜⴰⵢⵉⵏ ⴰⴼⴰⴷ ⴰⴷ ⵉⵍⴽⴰⵎ ⵏ ⵉⵡⵜⵜⴰⵙⵏ ⵏ  ⵓⵙⵏⵜⵉ ⵏ  ⵜⵎⵢⴰⵇⵇⴰⵏⵜ ⴰⴷ.

ⴰⵔ ⵉⵜⵜⵉⵏⵉ ⵍⵎⵖⵔⵉⴱ ⵎⴰⵙ ⴰⵔ ⵉⵙⵙⵓⵖⵏ ⴳ ⵜⵉⵡⵓⵔⵉⵡⵉⵏ ⵏ ⵜⵏⵎⴰⵍⴰⵢⵜ ⴰⴷ ⴳ ⵓⵙⴰⵜⵉ ⵏ ⵓⵙⵏⵓⴱⴱⵛ ⵅⴼ ⵓⵎⵙⴰⵙⴰ ⵏ ⵉⵙⵍⴳⵏⵏ ⵉⵏⴰⵎⵓⵔⵏ ⴰⴼⴰⴷ ⵢⴰⵜ  ⵜⵎⵢⴰⵇⵇⴰⵏⵜⵏ ⵍⵍⵉ ⵉⵙⵏⵎⵍ ⵉⵙⵍⵉⴷⵏ ⵍⵍⵉ ⵥⵍⵉⵍⵉⵏ ⵙ ⵉⵙⵎⵔⵙⵏ ⵏ ⵉⴳⵉⵏ ⵉⵎⵃⴹⴰⵏ  ⴰⴼⴰⴷ ⴰⴷ ⵙⵙⴱⵖⵔⵏ ⵉⴱⵓⴽⴰⴹⵏ.

ⵙ ⵓⵣⵎⵣⵣⵓ ⴰⴷ, ⵉⵙⵎⵖⵔ ⴱⴰⴱ ⵏ ⵡⴰⴷⴷⵓⵔ, ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵙⵓⵖⵏ ⵏ ⵓⵎⵙⵎⵓⵏ ⵏ ⵜⵎⵙⵎⵓⵏⵉⵏ ⵜⵉⵎⵖⵔⴰⴱⵉⵢⵉⵏ, ⵍⵍⵉ ⵢⵉⴳⴰⵏ ⵅⴼ ⵓⵙⵉⴷⴼ ⴷ ⵓⵙⴳⵎ ⴷ ⵓⵙⵉⵍⵉ. ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⵜⵉⴳⴰⵡⵜ ⵜⴰⵎⵙⴷⴷⵓⵔⵜ ⵍⵍⵉ ⵜⵙⴽⵔ ⵜⴰⵏⵎⴰⵍⴰⵢⵜ ⵜⴰⵄⴰⵍⴰⵡⵉⵜ ⵏ ⵓⵔⴰⵢ ⵏ ⵉⴱⵓⴽⴰⴹⵏ ⴳ ⵉⴳⵔ ⴰⴷ.
 
ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵉⵙ ⵉⵎⵎⵔ ⵍⵎⵖⵔⵉⴱ ⵍⵍⵉⵖ ⵉⴳⴰ ⵢⴰⵏ ⵏ ⵎⵏⵏⴰⵡ ⵏ ⵜⵎⵉⵣⴰⵔ ⴷⵔⵓⵙⵏⵉⵏ ⵍⵍⵉ ⴷⵙⵜⵔⵏⵜ ⵉⵣⵔⴼⴰⵏ ⵏ ⵉⵎⵄⴹⵓⵕⵏ. ⴼ ⵖⵉⴽⴰⵏ, ⵉⵙⵖⵉⵢ ⵓⴷⵓⵙⵜⵓⵔ ⵜⴰⵏⴱⴰⴹⵜⵉⵏ ⵜⵉⴳⴷⵓⴷⴰⵜⵉⵏ ⴰⴼⴰⴷ ⴰⴷ ⵣⵣⴳⵔⵏⵜ ⵜⵉⵙⵔⵜⵉⵜⵉⵏ ⴰⴼⴰⴷ ⴰⴷ ⵙⴽⵛⵛⵎⵏⵜ ⵉⵎⵄⴹⴰⵕ ⵙ ⵉⵎⵓⵙⵙⵓⵜⵏ ⵉⵏⴰⵎⵓⵏⵏ ⵓⵍⴰ ⵉⵖⵔⵉⵎⵏ.

ⵜⴰⴳⵔⴰⵡⵜ ⵜⴰⴳⵔⴰⵖⵍⴰⵏⵜ ⴷ ⵉⵡⴰⵏⴽⵏ ⵉⴳⵎⴰⵎⵏ ⵏ ⵜⵏⵎⴰⵍⴰⵢⵜ ⵜⴰⵎⴰⴹⵍⴰⵏⵜ ⵏ ⵜⵉⵍⵉⵜ ⵜⴰⵡⵏⴳⵉⵎⴰⵏⵜ, ⵟⵟⴰⴼⵏ ⴰⵣⵓⵛⵛⵍ ⴰⵡⵏⴳⵉⵎ ⴰⴼⴰⴷ ⴰⴷ ⴽⴽⵙⵏ  ⴽⵓⵍⵍⵓ ⵜⵉⵏⵎⴰⵔⵜⵉⵏ ⵍⵍⵉ ⵥⴹⴰⵕⵏⵜ ⴰⴷ ⵓⵔ ⴰⵊⵊⵉⵏⵜ ⵉⴱⵓⴽⴰⴹⵏ ⴷ ⵡⵉⵍⵍⵉ ⵓⵔ ⴱⴰⵀⵔ ⴹⵓⴼⵏ ⴰⴷ ⵍⴽⵎⵏ ⵉ ⵜⴷⵍⵙⴰ ⴷ ⵜⵎⴰⵙⵙⴰⵏⵜ ⴷ ⵜⵉⴽⵏⵓⵍⵓⵊⵉⵜⵉⵏ ⵜⵉⵎⴰⵢⵏⵓⵜⵉⵏ ⴷ ⵜⴰⵔⵙⵍⵜ ⵏ ⵓⵏⵖⵎⵉⵙ ⴷ ⵓⵏⵢⴰⵍⴽⴰⵎ.
 

Dernière modification : 18 ⵢⵓⵏⵢⵓ 2013
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B5%93%E2%B5%A3%E2%B5%89%E2%B5%8F%E2%B5%9C-%E2%B5%89-%E2%B5%9C%E2%B5%89%E2%B5%8F%E2%B4%B0%E2%B5%A1%E2%B5%9C-%E2%B5%9C%E2%B4%B0%E2%B4%B7%E2%B5%89%E2%B4%B1%E2%B5%8D%E2%B5%93%E2%B5%8E%E2%B4%B0%E2%B5%99%E2%B5%89%E2%B5%9C-%E2%B5%8F-%E2%B5%9C%E2%B5%8E%E2%B4%B0%E2%B4%B7%E2%B4%B7%E2%B4%B0%E2%B5%99%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D%E2%B5%9C-%E2%B5%8F#comment-0