ⵉⵎⴹⴰⴽⴰⵕⵏ ⵉⵜⵉⵍⵉⴼⵓⵏⵉⵢⵏ ⴳⵔ ⴱⵓⵕⵓⵟⴰ ⴷ ⴼⴰⵔⵉⵍⵉ: ⴰⵏⵏⴰⵍ ⴰⵥⵕⴼⴰⵏ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⵉⵍⴽⵎⵏ 450 ⵓⵎⵍⵢⵓⵏ ⵓⵕⵓ ⵉ ⵜⴼⵏⵉⵇⵜ ⵜⵎⵥⵍⵉⵜ ⵏ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ "ⴽⵓⴼⵉⴷ-19" ⵉⴼⴼⵖⵏ ⵙ ⵜⵙⵏⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ

27 ⵎⴰⵕⵚ 2020 Version Imprimable

ⵕⵕⴱⴰⵟ - ⵉⵏⵏⴰ ⵢⴰⵏ ⵓⵙⵉⵡⴹ ⵉⵛⵛⴰⵔⵏ ⴳⵔ ⵍⵎⵖⵔⵉⴱ ⴷ ⵜⵎⵓⵏⵜ ⵜⵓⵕⵓⴱⴱⵉⵜ ⵎⴰⵙ ⵜⵎⵓⵏⵜ ⵜⵓⵕⵓⴱⴱⵉⵜ ⵔⴰⴷ ⵜⵏⵏⵍ ⵜⵎⵙⴰⵙⵜⵍⵜ ⵜⵎⵖⵔⴰⴱⵉⵜ ⵙ 150 ⵓⵎⵍⵢⵓⵏ ⵓⵕⵓ ⵍⵍⵉ ⵔⴰⴷ ⴷⴷⵓⵏ ⴷⴰⵔ ⵜⴼⵏⵉⵇⵜ ⵜⵎⵥⵍⵉⵜ ⵏ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ "ⴽⵓⴼⵉⴷ-19" ⵉⴼⴼⵖⵏ ⵙ ⵜⵙⵏⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴱⵍⴰ ⵏ ⵖⵉⴽⴰⵏⵏ, ⵔⴰⴷ ⵜⵙⵙⵍⴽⵎ ⵜⵎⵓⵏⵜ ⵜⵓⵕⵓⴱⴱⵉⵜ 300 ⴰⵎⵍⵢⵓⵏ ⵓⵕⵓ ⵉⵜⵜⵢⴰⴽⴽⴰⵏ ⵉ ⵍⵎⵖⵔⵉⴱ ⵉ ⵡⵏⵏⴰⵍ ⵏ ⵓⵔⴰⵔ ⵉ ⵡⴱⴰⵢⵢⵓⵕ ⴰⴷ, ⴷ ⵔⴰⴷ ⵜⵙⴼⵙⵙⵓⵙ ⵜⵡⵡⵓⵔⵉ ⵍⵍⵉ ⵜⵙⴽⵔ ⴰⴼ ⴰⴷ ⵜⵔⴰⵔ ⵉ ⵢⵙⵙⴰⵔⵏ ⵜⵉⵎⵙⴰⵙⵜⵍⵉⵏ ⵏ ⵜⴳⵍⴷⵉⵜ.

ⴰⵎⵎⴰⵙ ⵏ ⵓⵙⵉⵡⴹ ⵉⵛⵛⴰⵔⵏ ⴰⴷ ⵍⵍⵉ ⵢⴼⴼⵖⵏ ⴷⴼⴼⵉⵔ ⵏ ⵉⵎⴹⴰⴽⴰⵕⵏ ⵉⵜⵉⵍⵉⴼⵓⵏⵉⵢⵏ ⴳⵔ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵓⵎⴰⵍⴰⵍ ⵏ ⵓⵙⵙⵓⵙⵄⵓ ⴷ ⵏ ⵜⵙⵔⵜⵉⵜ ⵜⵓⵕⵓⴱⴱⵉⵜ ⵏ ⵜⴹⴹⵊⴰⵕⵜ, ⵎⴰⵙⵙ ⵓⵍⵉⴼⵔ ⴼⴰⵔⵉⵍⵉ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95%E2%B5%8F-%E2%B5%89%E2%B5%9C%E2%B5%89%E2%B5%8D%E2%B5%89%E2%B4%BC%E2%B5%93%E2%B5%8F%E2%B5%89%E2%B5%A2%E2%B5%8F-%E2%B4%B3%E2%B5%94-%E2%B4%B1%E2%B5%93%E2%B5%95%E2%B5%93%E2%B5%9F%E2%B4%B0-%E2%B4%B7-%E2%B4%BC%E2%B4%B0%E2%B5%94%E2%B5%89%E2%B5%8D%E2%B5%89-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B4%B0%E2%B5%A5%E2%B5%95%E2%B4%BC%E2%B4%B0%E2%B5%8F-%E2%B5%8F-%E2%B5%9C%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B5%93%E2%B5%95%E2%B5%93%E2%B4%B1%E2%B4%B1%E2%B5%89%E2%B5%9C-%E2%B5%89%E2%B5%8D%E2%B4%BD%E2%B5%8E%E2%B5%8F-450