Published on MAPNews (https://www.mapnews.ma/am)

Accueil > ⵜⵙⵏⵓⴱⴳ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵎⴰⵙⵙ ⵎⴰⵕⴽ ⵏⴰⵚⵉⴼ, ⴰⵏⵙⵙⵉⵅⴼ ⵏ ⵜⵎⵔⵙⴰⵍⵜ ⵏ ⵕⵓⵏⵓ-ⵍⵎⵖⵔⵉⴱ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵏⵓⴱⴳ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵎⴰⵙⵙ ⵎⴰⵕⴽ ⵏⴰⵚⵉⴼ, ⴰⵏⵙⵙⵉⵅⴼ ⵏ ⵜⵎⵔⵙⴰⵍⵜ ⵏ ⵕⵓⵏⵓ-ⵍⵎⵖⵔⵉⴱ

20 ⴱⵕⴰⵢⵕ 2020 Version Imprimable
ⵕⵕⴱⴰⵟ - ⵜⵙⵏⵓⴱⴳ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ, ⵜⴰⵏⵙⵙⵉⵅⴼⵜ ⵏ ⵓⵎⵎⵓⵍⵉ ⴰⵎⵖⵔⴰⴱⵉ ⵏ ⵓⵔⴰⵢ ⵏ ⵜⵎⵣⵉ, ⴰⵙⵙ ⵏ ⵓⵙⵉⵏⴰⵙ ⵉⵣⵔⵉⵏ ⴳ ⵓⵎⵎⴰⵙ ⵍⴰⵍⵍⴰ ⵎⵔⵢⵎ ⵏ ⵉⵎⵣⵢⴰⵏⵏ ⵉⵙⵙⵓⴽⵉⵏ ⵜⵡⵊⴰ ⴳ ⵕⵕⴱⴰⵟ, ⵎⴰⵙⵙ ⵎⴰⵔⵕⴽ ⵏⴰⵚⵉⴼ, ⴰⵏⵙⵙⵉⵅⴼ ⵏ ⵜⵎⵔⵙⴰⵍⵜ ⵏ ⵕⵓⵏⵓ-ⵍⵎⵖⵔⵉⴱ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵔⴰⴱⴱⵓⵜ ⵏ ⵕⵓⵏⵓ-ⵍⵎⵖⵔⵉⴱ, ⴷ ⵉⵎⴰⵡⴰⵙⵏ ⵏⵏⵙ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵎⵎⵓⵍⵉ ⴰⵎⵖⵔⴰⴱⵉ ⵏ ⵓⵔⴰⵢ ⵏ ⵜⵎⵣⵉ ⵎⴰⵙ ⵜⵙⵙⵎⵖⵔ ⴱⴰⵀⵔⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⵡⵓⵔⵉ ⵜⴰⵏⴰⵎⵓⵏⵜ ⴷ ⵜⴰⵏⴼⴳⴰⵏⵜ ⵏ ⵜⵎⵔⵙⴰⵍⵜ ⵏ "ⵕⵓⵏⵓ", ⵓⵍⴰ ⵜⴷⵔⴰⵡⵜ ⵏⵏⵙ ⵉⵙⵓⵜⴳⵏ ⴳ ⵓⵙⴼⵓⵍⴽⵉ ⵏ ⵜⵎⵙⵓⵜⵍⴰ ⵏ ⵉⵜⵜⵓⵙⵎⴳⴰⵍⵏ ⵙ ⵜⵎⵣⵉ, ⵙⵍⴰⵡⴰⵏ ⴰⴽⴽⵯ ⵡⵉⵏⵏ ⵉⵍⵍⴰⵏ ⴳ ⵓⴷⴷⴰⴷ ⵏ ⵓⵥⵍⴰⴹ ⴷ ⵓⵎⵄⴹⴹⵕ .

ⵉⴼⵔⴰ ⵢⵏⵏⴰ ⵡⵙⵉⵡⴹ ⵎⴰⵙ ⵜⵙⵙⴽⵜⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⵍⴰⵍⵜ ⵍⵍⵉ ⵢⵙⴽⵔ ⵓⵎⵎⵓⵍⵉ ⴳ ⵜⵏⴽⵔⴰ ⵙ ⵜⵡⵓⵔⵉⵡⵉⵏ ⵏ ⵓⵔⴰⵢ ⴷ ⵓⵙⴰⵜⵉ ⵏ ⵉⵎⵣⴷⴰⵖⵏ ⵏ ⵉⵎⵎⴰⵙⵏ ⵏ ⵓⵙⵏⵓⴱⴳ ⵉⴹⴼⴰⵕⵏ ⵉ ⵡⵎⵎⵓⵍⵉ ⵉⵍⵍⴰⵏ ⴳ ⴽⵔⴰ ⵢⴳⴰⵜⵜ ⵜⵎⵏⴰⴹⵜ ⵏ ⵍⵎⵖⵔⵉⴱ.

ⵜⵙⴰⵡⵍ ⵙⵓⵍ ⵅⴼ ⵜⵓⴳⴳⴰⵣ ⵏ ⵉⵎⵙⴽⴰⵔⵏ ⴷ ⵉⵎⴷⵔⴰⵡⵏ ⵅⴼ ⵉⵎⵙⴱⵖⵓⵔⵏ ⴷ ⵜⴷⵔⴰⵡⵜ ⵏⵏⵙⵏ ⵉⵕⵡⴰⵏ ⴳ ⵓⵣⵣⵉⴳⵔ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵎⵎⵓⵍⵉ ⴷ ⵓⵙⴽⴰⵔ ⵏ ⵉⵙⵏⵜⵉⵏ ⵉⵏⴰⵎⵓⵏⵏ ⵉⵔⴰⵏ ⴰⴷ ⴰⵙⵉⵏ ⵜⵉⵥⵉⴹⵕⴰ ⵏ ⵉⵎⵎⴰⵙⵏ ⵉⵍⵍⴰⵏ ⴷ ⴰⴷ ⵙⵙⴼⴰⵍⴽⵉⵏ ⵜⵖⵔⴰ ⵏ ⵜⵏⴰⴼⵓⵜⵉⵏ ⵉⵜⵜⵓⵙⵎⵏⴰⴷⵏ ⵉ ⵢⵙⵎⵉⵍ ⵉⵙⴱⵖⵔⵏ, ⵖⵉⴽ ⵍⵍⵉ ⵏⵏⴰⵏ ⵉⵙⴰⵡⴰⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴳ ⵜⵙⴳⴰ ⵏⵏⵙ, ⵉⵙⵙⵎⵖⵔ ⵎⴰⵙⵙ ⵏⴰⵚⵉⴼ ⵜⴰⵡⵡⵓⵔⵉ ⵏ ⵓⵎⵎⵓⵍⵉ ⴳ ⵉⴳⵔ ⵏ ⵓⵔⴰⵢ ⵏ ⵜⵎⵣⵉ ⵉⵙⵙⵓⴽⵉⵏ ⵓⵔⴰⵢ ⵏ ⵜⵡⵊⴰ ⴷ ⵓⵙⵎⴳⴰⵍ ⵏⵏⵙⵏ, ⴷ ⵉⵎⵍⴰ ⵜⴰⵏⵎⵎⵉⵔⵜ ⵏⵏⵙ ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⵍⵉⵖ ⵜⵙⵙⴷⵔⴰ ⵡⴳⵔⴰⵡ ⵏ ⵕⵓⵏⵓ-ⵍⵎⵖⵔⵉⴱ ⴳ ⵜⵡⵓⵔⵉ ⵜⴰⵏⴼⴳⴰⵏⵜ ⴰⴷ ⵍⵍⵉ ⵢⴽⵛⵎⵏ ⴳ ⵓⵙⴰⵜⵉ ⵏ ⵜⵙⵔⵜⴰⵏⵜ ⵏⵏⵙ ⵉⵥⵍⵉⵏ ⵙ ⵜⵎⵙⵜⴳⴳⴰⵔⵜ ⵜⴰⵏⴰⵎⵓⵏⵜ ⴷ ⵜⵡⵓⵔⵉ ⵜⴰⵏⴼⴳⴰⵏⵜ, ⵎⴰ ⵢⴰⴷ ⵉⴱⵉⴷⴷⵏ ⵅⴼ ⵙⵉⵏ ⵉⵙⴳⵓⵎⵏ ⵉⴷⵍⵙⴰⵏ, ⵍⵍⵉ ⴳⴰⵏ ⴰⵙⵉⴷⴼ ⴷ ⵜⴰⵏⴽⵔⴰ ⵙ ⵉⴼⵙⵙⴰⵢⵏ ⵏ ⵓⵙⵙⴰⵢ ⵏ ⵜⵙⵏⴱⴷⴰⴷⵜ.

Dernière modification : 20 ⴱⵕⴰⵢⵕ 2020
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%A3%E2%B5%89%E2%B5%8F%E2%B4%B1-%E2%B5%8E%E2%B4%B0%E2%B5%99%E2%B5%99-%E2%B5%8E%E2%B4%B0%E2%B5%95%E2%B4%BD-%E2%B5%8F%E2%B4%B0%E2%B5%9A%E2%B5%89%E2%B4%BC-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%8E%E2%B5%94%E2%B5%99%E2%B4%B0%E2%B5%8D%E2%B5%9C-%E2%B5%8F