ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⴰⵙⵎⵓⵏⵉ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵎⵔⵙⴰⵍⵜ ⵏ ⵓⵔⴰⵢ ⵅⴼ ⵓⵢⴷⴰ ⴰⴷⵍⵙⴰⵏ ⴳ ⵜⵖⵔⵎⵜ ⵏ ⵕⵕⴱⴰⵟ

14 ⴱⵕⴰⵢⵕ 2020 Version Imprimable

ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵏ ⵓⵔⴰⵢ ⵅⴼ ⵓⵢⴷⴰ ⴰⴷⵍⵙⴰⵏ ⴳ ⵜⵖⵔⵎⵜ ⵏ ⵕⵕⴱⴰⵟ, ⴰⵙⵙ ⵏ ⵓⵙⵉⵎⵡⴰⵙ, ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵎⵔⵙⴰⵍⵜ ⴰⴷ, ⵍⵍⵉ ⵢⵥⵍⵉⵏ ⵉ ⵡⵙⵓⵜⴳ ⵏ ⵜⴽⵍⵉ ⵏ ⵓⵔⴰⵢ ⵅⴼ ⵓⵢⴷⴰ ⴰⴷⵍⵙⴰⵏ ⵏ ⵕⵕⴱⴰⵟ ⴷ ⵓⵥⵍⴰⵢ ⵏ ⵓⵖⴰⵡⴰⵙ ⵏ ⵜⵙⵏⵜⴰⵢⵉⵏ ⵍⵍⵉ ⵔⴰⴷ ⵜⵜⵓⵙⴽⴰⵔⵏⵜ ⴳ ⵓⵙⴳⴳⵯⴰⵙ ⴰⴷ.

ⵜⵙⵙⵏ ⵜⵖⵔⵎⵜ ⵏ ⵕⵕⴱⴰⵟ, ⵅⴼ ⵜⴷⵉⵏⴰⵎⵉⵜ ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵓⴼⴼⵖ ⵏ ⵎⵏⵏⴰⵡ ⵏ ⵉⵙⵏⵜⵉⵏ ⵉⵏⴳⵔⴰⵡⵏ, ⴰⵎⵎ ⵓⵖⴰⵡⴰⵙ "ⵕⵕⴱⴰⵟ, ⵜⵉⵖⵔⵎⵜ ⵏ ⵜⴼⴰⵡⵜ, ⵜⴰⵎⴰⵣⵓⵏⵜ ⵜⴰⴷⵍⵙⴰⵜ ⵏ ⵍⵎⵖⵔⵉⴱ", ⵓⵍⴰ ⵉⵖⴰⵡⴰⵙⵏ ⵉⵥⵍⵉⵏ ⵅⴼ ⵓⵙⵓⵖⵍⵓ ⵏ ⵜⵉⵣⵉ ⵏ ⵜⵎⵣⴷⵓⵖⵜ ⵉⵥⴹⴰⵕⵏ ⴰⴷ ⵜⵅⵍⵓ, ⴷ ⵓⵎⵙⴰⵙⴰ ⵏ ⵜⴰⵎⴰ ⵏ ⵓⵙⵉⴼ ⵏ ⴱⵓⵔⴳⵔⴰⴳ, ⵓⵍⴰ ⵉⵖⴰⵡⴰⵙⵏ ⵉⵥⵍⵉⵏ ⵙ ⵓⵙⵓⵜⴳ ⵏ ⵜⵖⵔⵎⵉⵡⵉⵏ ⵜⵉⵇⴱⵓⵔⵉⵏ ⵏ ⵕⵕⴱⴰⵟ ⴷ ⵙⵍⴰ.

ⴳ ⵓⵣⵎⵎⵣⵓ ⵏ ⵉⵙⵏⵜⵉⵏ ⵏ ⵉⵎⴰⵍ, ⵉⵎⵙⴰⵙⴰ ⵡⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵎⵔⵙⴰⵍⵜ ⵏ ⵓⵔⴰⵢ ⵅⴼ ⵓⵢⴷⴰ ⴰⴷⵍⵙⴰⵏ ⵏ ⵜⵖⵔⵎⵜ ⵏ ⵕⵕⴱⴰⵟ, ⴰⴷ ⵉⵙⴽⵔ ⵓⵙⵜⵓⴳ ⴰⵎⵙⴳⴳⵯⴰⵙ ⵓⵙⵍⵉⴳ ⵏ ⵓⵔⴰⵢ ⵏ ⵓⵢⴷⴰ ⵏ ⵜⵖⵔⵎⵜ, ⴷ ⴰⴷ ⵉⵙⵏⵎⵍ ⵉⵎⵃⵉⵣⵡⴰⵔⵏ ⴽⵔⴰ ⵢⴳⴰⵜⵜ ⵜⵙⵓⵜⵍⵜ ⴷ ⵜⵙⴰⵔⵓⵜⵉⵏ ⵏ ⵓⴼⴰⵔⴽ ⵏ ⵓⵢⴷⴰ, ⵓⵍⴰ ⵡⵣⵣⵉⴳⵔ ⵏ ⵓⵙⵏⵜⵉ ⵏ ⵜⵎⴰⵟⵟⵓⵏⵜ ⴳ ⵜⵖⵔⵎⵜ ⵏ ⵕⵕⴱⴰⵟ.

ⵜⴰⵎⵔⵙⴰⵍⵜ ⵏ ⵓⵔⴰⵢ ⵏ ⵓⵢⴷⴰ ⴰⴷⵍⵙⴰⵏ ⵏ ⵜⵖⵔⵎⵜ ⵏ ⵕⵕⴱⴰⵟ ⴰⵔ ⵜⵡⵓⵔⵉ ⵎⵔⴰ ⴰⴷ ⵜⵏⴼⵔⵓ ⴷ ⵜⵙⵙⵍⴽⵎ ⵉⵜⵉⴳⵏ ⵉⵎⵣⵔⵓⵢⵏ ⴷ ⵏ ⵜⵓⵚⴽⴰ ⴷ ⵏ ⵜⵥⵓⵕⵉ ⴷ ⵏ ⵡⴰⴽⴰⵍ ⵏ ⵜⵎⵜⵜⴰ ⴷ ⵓⵔ ⵉⵎⵜⵜⵉⵏ ⵉⵥⵍⵉⵏ ⵙ ⵓⵢⴷⴰ ⴰⴷⵍⵙⴰⵏ ⵖ ⵕⵕⴱⴰⵟ.

Dernière modification : 14 ⴱⵕⴰⵢⵕ 2020

Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%9C%E2%B4%B0%E2%B5%99%E2%B5%8E%E2%B5%93%E2%B5%8F%E2%B5%89-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8E%E2%B5%99%E2%B5%99%E2%B5%93%E2%B4%B3%E2%B5%93%E2%B5%94%E2%B5%9C