Published on MAPNews (https://www.mapnews.ma/am)

Accueil > ⵜⴰⵎⵏⴰⴹⵜ ⵏ ⵙⵓⵙ ⵎⴰⵙⵙⵜ : ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵓⴷⵃⵉ ⴰⴷⴷⵓⵙ ⵉ ⵜⵖⴰⵡⴰⵙⵉⵏ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ, ⵎⴰ ⵢⴰⴷ ⵉⴼⴽⴰⵏ ⵜⴰⵎⵣⵡⴰⵔⵓⵜ ⵉ ⵜⵄⵄⵓⵔⵎⴰ
  1. Accueil
  2. Activités royales

ⵜⴰⵎⵏⴰⴹⵜ ⵏ ⵙⵓⵙ ⵎⴰⵙⵙⵜ : ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵓⴷⵃⵉ ⴰⴷⴷⵓⵙ ⵉ ⵜⵖⴰⵡⴰⵙⵉⵏ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ, ⵎⴰ ⵢⴰⴷ ⵉⴼⴽⴰⵏ ⵜⴰⵎⵣⵡⴰⵔⵓⵜ ⵉ ⵜⵄⵄⵓⵔⵎⴰ

12 ⴱⵕⴰⵢⵕ 2020 Version Imprimable
ⵉⵏⵣⴳⴰⵏ ⴰⵢⵜ ⵎⵍⵍⵓⵍ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵜⴳⵔⴰⵡⵜ ⵏ ⴰⵢⵜ ⵎⵍⵍⵓⵍ (ⵜⴰⵎⵏⴱⴰⴹⵜ ⵏ ⵉⵏⵣⴳⴳⵯⴰⵏ ⴰⵢⵜ ⵎⵍⵍⵓⵍ), ⴰⵕⵥⵥⵓⵎ ⵏ ⵜⴷⴽⴽⵯⴰⵏⵜ ⵏ ⵜⵄⵄⵓⵔⵎⴰ "ⵜⴰⵔⴳⴰⵏⵜ" ⵏ ⵓⵙⵙⴼⵍⴷ ⴷ ⵓⵙⵡⴰⵍⴰ. ⴼ ⵖⵉⴽⴰⵏⵏ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵓⴷⵃⵉ ⴰⴷⴷⵓⵙ ⵉ ⵜⵖⴰⵡⴰⵙⵉⵏ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ ⴳ ⵜⴽⵍⵉⵜ ⵏⵏⵙ ⵜⵉⵙⵙ ⴽⵕⴰⴹ.

ⵉⵎⵍⴰ ⵡⵙⵏⵜⵉ ⵢⴰⴷ, ⵍⵍⵉ ⵢⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵓⵙⴳⵓⵎ "ⴰⴼⵓⵍⴽⵉ ⵏ ⵓⴽⵛⵛⵓⵎ ⴷ ⵉⵙⵉⴷⴼ ⴰⴷⵎⵙⴰⵏ ⵉ ⵜⵄⵄⵓⵔⵎⴰ", ⵎⴰ ⵢⴰⴷ ⵉⴳⴰⵏ ⵓⵖⴰⵡⴰⵙ ⵡⵉⵙⵙ ⴽⵕⴰⴹ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ, ⴰⴷⴷⵓⵔ ⵓⵙⵍⵉⴳ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵔⴰ ⴰⴷ ⵥⴹⵉⵕⵏ ⵉⵄⵔⵔⵉⵎⵏ ⴰⴷ ⵍⴽⵎⵏ ⵉ ⵢⵏⴰⵔⵓⵣⵏ ⵏⵏⵙⵏ, ⴷ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⴰⵢⵏⵜ ⵉⴼⴽ ⵉⵎⴰⵙⵙⵏ ⵉⵎⵢⴰⵏⴰⵡⵏ ⴰⴼ ⴰⴷ ⵙⵙⵓⴼⵖⵏ ⵉⵎⴰⵏ ⵏ ⵜⵙⵏⵜⴰⵢⵜ ⴷ ⵜⵎⵙⵙⵏⵜⵉⵜ ⵍⵍⵉ ⴷⴰⵔⵜⵏ ⵉⵍⵍⴰⵏ, ⴷ ⴰⵢⵜⵏ ⵜⴰⵡⵉ ⵉⵙⵉⴷⴼ ⴰⵙⵓⵙⵢⵓ-ⴰⴷⵎⵙⴰⵏ ⵢⵓⴼⵏ.

ⵔⴰⴷ ⵜⵥⴹⴰⵕ ⵜⵄⵄⵓⵔⵎⴰ ⵏ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⵜ ⴰⴷ ⵜⵙⴱⵖⵔ ⵙ ⵢⴰⵜ ⵜⴱⵔⵉⴷⵜ ⵢⵓⴼⵏ ⵙⴳ ⵓⵖⴰⵡⴰⵙ ⵉⵙⵉⴷⴼⵏ ⵏ ⵓⵏⵏⴰⵍ ⴷ ⵓⵣⵕⵉⴼ ⵏ ⵜⵎⵙⵙⵏⵜⵉⵏ, ⵍⵍⵉ ⵢⵜⵜⵓⵙⴽⴰⵔⵏ ⵖⵉⴽ ⵍⵍⵉ ⵔⴰⵏ ⵉⵙⴰⵡⵍⵏ ⵉⴳⵍⴷⴰⵏ ⵢⴰⵜⵜⵓⵢⵏ, ⵍⵍⵉ ⴳⵉⵜ ⵉⵍⵍⴰⵏ ⵎⵏⵏⴰⵡ ⵏ ⵉⵙⵓⴷⴷⵓⵏ ⵏ ⵓⵙⵙⴽⵛⵎ ⵏ ⵜⵎⵓⴽⵔⵉⵙⵉⵏ ⴷⴰⵜ ⵏ ⵓⴷⴰⴼ ⵏ ⵜⵄⵄⵓⵔⵎⴰ ⵍⵍⵉ ⵢⵓⵙⵉⵏ ⵉⵙⵏⵜⵉⵏ ⴷ ⵜⵎⵙⵙⵏⵜⵉⵏ ⵉⵎⵥⵥⵉⵏ ⴷ ⵉⵎⵥⵥⵉⵏ ⴱⴰⵀⵔⴰ, ⵅⴼ ⵓⵣⵔⵉⴼ. 

ⵜⵟⵟⴰⴼ ⵜⴰⵙⵉⵍⴰ ⵏ ⵜⵄⵄⵓⵔⵎⴰ "ⵜⴰⵔⴳⴰⵏⵜ" ⵏ ⵓⵙⵙⴼⵍⴷ ⵓⵙⵡⴰⵍⴰ, ⵍⵍⵉ ⵢⵙⵎⴰⵏ ⵓⵙⵓⴼⴼⵖ ⵏⵏⵙ 7 ⴰⵎⵍⵢⵓⵏ ⵏ ⴷⴷⵔⵀⵎ, ⵜⵉⵔⵉⵡⵜ ⵏ ⵓⵙⵏⵓⴱⴱⴳ ⴷ ⵏ ⵜⵎⵙⵙⵏⵜⵉⵏⵉⵏ ⴷ ⵏ ⵜⵡⵓⵔⵉ ⴷ ⵏ ⵓⵙⵙⴼⵍⴷ, ⴷ ⵜⵙⴰⵡⵉⵏ, ⴷ ⵜⴰⴷⴰⵍⴰ ⵏ ⵜⵉⵏⴰⵡⵜ, ⴷ ⵜⵙⴷⵍⵉⵙⵜ ⵎⵓ ⵜⵓⴳⵜ ⵏ ⵡⴰⵎⵎⴰⴽⵏ ⵏ ⵓⵙⵏⵖⵎⵙ, ⴷ ⵜⴰⴷⴰⵍⴰ ⵏ ⵜⵓⵏⵏⵓⵏⵜ. 

ⵅⴼ ⵎⴰⴷ ⵉⴳⴳⵔⵏ ⵉ ⵡⵏⵙⴰ ⴰⴷⵍⵙⴰⵏ "ⵏⵓⵊⵓⵎ ⵙⵓⵙ", ⵉⴳⴰ ⵍⵃⴰⵍ ⴰⵎⵎⴰⵙ ⵡⵉⵙⵙ ⴽⵕⴰⴹ ⵍⵍⵉ ⵜⵕⵥⵎ ⵜⵎⵔⵙⴰⵍⵜ "ⵄⴰⵍⵉ ⵣⴰⵡⴰ", ⴷⴼⴼⵉⵔ ⵏ ⵉⵎⵎⴰⵙⵏ ⵏ ⴹⴹⴰⵕⵍⴱⵉⴹⴰ "ⵏⵓⵊⵓⵎ ⵙⵉⴷⵉ ⵎⵓⵎⵏ" ⴷ , ⵟⴰⵏⵊⴰ "ⵏⵓⵊⵓⵎ ⵍⴱⵓⵖⴰⵣ".

ⵉⴳⴰ ⵡⵎⵎⴰⵙ "ⵏⵓⵊⵓⵎ ⵙⵓⵙ" ⴰⵏⵙⴰ ⵏ ⵓⵙⵍⵎⴷ ⴷ ⵏ ⵜⵏⴰⵣⵓⴼⵜ ⴷ ⵏ ⵉⵙⵏⴼⵏ ⴷ ⵏ ⵜⵡⵏⵏⵉⵜ, ⵍⵍⵉ ⵢⵙⵏⵓⴱⴳⵏ ⴷⵖⵉ 240 ⵓⵍⵜⵖ (53% ⵏⵏⵙⵏ ⴳⴰⵏⵜ ⵜⵔⴱⴰⵜⵉⵏ), ⴰⵡⵜⴰⵢ ⵏⵏⵙⵏ ⵉⵍⴽⵎ ⴳⵔ 6 ⵉⵙⴳⴳⵯⴰⵙⵏ ⴷ 28 ⵓⵙⴳⴳⵯⴰⵙ. ⴰⵔ ⵉⵜⵢⴰⴽⴽⴰ ⵜⵖⵓⵔⵉⵡⵉⵏ ⴳ ⵓⵎⵣⴳⵓⵏ ⴷ ⵜⵥⵓⵕⵉ ⴷ ⵜⵖⵎⵉ ⴷ ⵓⵚⴽⵇⴰⴹ ⴷ ⵜⵣⴰⵡⴰⵏⵜ ⴷ ⵜⵓⵜⵍⴰⵢⵉⵏ ⵜⵉⴱⵕⵕⴰⵏⵉⵏ, ⵍⵍⵉ ⵙⵙⵉⵅⴼⵏ 13 ⵓⵙⵍⵎⴰⴷ.

Dernière modification : 12 ⴱⵕⴰⵢⵕ 2020
Source URL: https://www.mapnews.ma/am/activites-royales/%E2%B5%9C%E2%B4%B0%E2%B5%8E%E2%B5%8F%E2%B4%B0%E2%B4%B9%E2%B5%9C-%E2%B5%8F-%E2%B5%99%E2%B5%93%E2%B5%99-%E2%B5%8E%E2%B4%B0%E2%B5%99%E2%B5%99%E2%B5%9C-%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%93%E2%B4%B7%E2%B5%83%E2%B5%89-%E2%B4%B0%E2%B4%B7%E2%B4%B7%E2%B5%93%E2%B5%99-%E2%B5%89-%E2%B5%9C%E2%B5%96%E2%B4%B0%E2%B5%A1%E2%B4%B0%E2%B5%99%E2%B5%89%E2%B5%8F-%E2%B5%8F-%E2%B5%9C%E2%B5%99%E2%B5%8F%E2%B5%9C%E2%B4%B0%E2%B5%A2%E2%B5%9C