Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵜⵓⵚⴽⴰ ⵏ ⵚⵚⴱⵉⵟⴰⵕ ⵏ ⵉⵎⴰⵏ ⴳ ⵓⴳⴰⴷⵉⵔ, ⵎⴰ ⵢⴰⴷ ⵉⴳⴰⵏ ⵜⵓⵚⴽⴰ ⵜⴰⵎⴰⵢⵏⵓⵜ ⵉⴽⵛⵎⵏ ⴳ ⵓⵙⴷⵓⵙ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵏ ⵓⵙⴳⵏⴰⴼ ⴳ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⵜ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵜⵓⵚⴽⴰ ⵏ ⵚⵚⴱⵉⵟⴰⵕ ⵏ ⵉⵎⴰⵏ ⴳ ⵓⴳⴰⴷⵉⵔ, ⵎⴰ ⵢⴰⴷ ⵉⴳⴰⵏ ⵜⵓⵚⴽⴰ ⵜⴰⵎⴰⵢⵏⵓⵜ ⵉⴽⵛⵎⵏ ⴳ ⵓⵙⴷⵓⵙ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵏ ⵓⵙⴳⵏⴰⴼ ⴳ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⵜ

07 ⴱⵕⴰⵢⵕ 2020 Version Imprimable
ⴰⴳⴰⴷⵉⵔ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵓⴳⴰⴷⵉⵔ, ⴰⵕⵥⵥⵓⵎ ⵏ ⵜⵓⵚⴽⴰ ⵏ ⵚⵚⴱⵉⵟⴰⵕ ⵏ ⵉⵎⴰⴹⵓⵏⵏ ⵏ ⵉⵎⴰⵏ ⴳ ⵜⵖⵔⵎⵜ ⴰⴷ, ⵎⴰ ⵢⴰⴷ ⵉⴳⴰⵏ ⵢⴰⵏ ⵓⵙⵏⵜⵉ ⵍⵍⵉ ⵢⴽⵛⵎⵏ ⴳ ⵓⵣⵣⵉⴳⵔ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵖⵔⵎⴰⵏⵜ ⵏ ⵜⵖⵔⵎⵜ ⵏ ⵓⴳⴰⴷⵉⵔ (2020-2024) ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⵙⵙ ⵏ ⵓⵙⵉⵏⴰⵙ ⵉⵣⵔⵉⵏ.

ⵉⵎⵍⴰ ⵡⵙⵏⵜⵉ ⵢⴰⴷ, ⵍⵍⵉ ⵢⵙⵎⴰⵏ ⵉⵙⵙⴰⵔⵓⵏ ⵉⵍⴽⵎⵏ 55 ⵓⵎⵍⵢⵓⵏ ⵏ ⴷⴷⵔⵀⵎ, ⴰⴷⴷⵓⵔ ⵓⵙⵍⵉⴳ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵢⴳⵔ ⵏ ⵜⴷⵓⵙⵉ, ⵙⵍⴰⵡⴰⵏ ⴰⴽⴽⵯ ⵜⵏⴽⵔⴰ ⵙ ⵜⵓⵚⴽⵉⵡⵉⵜ ⵜⴰⵏⴰⴷⴷⴰⵡⵓⵜ ⵏ ⵉⵙⴳⵏⴰⴼⵏ, ⴷ ⵓⵙⴷⵓⵙ ⵏ ⵜⵢⴰⴼⵓⵜⵉⵏ ⵏ ⵜⴷⵓⵙⵉ ⵜⵉⵎⵣⵡⵓⵔⴰⵏⵜ, ⴷ ⴰⴽⵎⵎⵓⵔ ⵏⵏⵙⵏⵜ ⵙ ⵉⵏⴰⵎⵓⵔⵏ.

ⴰⵙⵏⵜⵉ ⵢⴰⴷ ⵍⵍⵉ ⵢⵔⴰⵏ ⴰⴷ ⵉⵙⴷⵓⵙ ⵓⵙⴼⵙⴰⵔ ⵏ ⵜⴷⵓⵙⵉ ⵏ ⵉⵎⴰⵏ, ⴷ ⵓⵙⵎⵓⵜⵜⴳ ⵓⴷⵓⵙⴰⵏ ⴷ ⴰⵎⵎ ⵓⴷⵓⵙⴰⵏ, ⴷ ⵓⵙⴼⵓⵍⴽⵓ ⵏ ⵓⵙⵎⴳⴰⵍ ⵏ ⵉⵎⴰⴹⵓⵏⵏ ⵍⵍⵉ ⵓⵜⵏⵜ ⵜⵎⵓⴽⵔⵉⵙⵉⵏ ⵏ ⵓⵏⵍⵍⵉ, ⵉⵎⴰⴳⴳⴰⵔ ⴷⵜⵙⵜⵔⴰⵜⵉⵊⵉⵜ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴳ ⵉⴳⵔ ⴰⴷ, ⵍⵍⵉ ⵢⵔⴰⵏ ⴰⴷ ⵜⵙⵙⵓⵖⴼ ⵉⵙⴳⵏⴰⴼⵏ ⵉⵏⵎⵏⴰⴹⵏ ⵉⵥⵍⵉⵏ ⵙ ⵜⴷⵓⵙⵉ ⵏ ⵉⵎⴰⵏ ⴳ ⵓⴳⴰⴷⵉⵔ (ⴰⵙⵏⵜⵉ ⵢⴰⴷ), ⵓⵍⴰ ⴳ ⵍⵇⵏⵉⵟⵕⴰ ⴷ ⵇⵍⵄⵜ ⵙⵙⵕⴰⵖⵏⴰ .

ⵔⴰⴷ ⵉⴷⵔⵓ ⵚⵚⴱⵉⵟⴰⵕ ⴰⴷ ⵏ ⵜⵙⵓⵜ ⵜⵉⵙⵙ ⴽⵕⴰⴹ ⴳ ⵜⵏⴽⵔⴰ ⵙ ⵜⵓⵚⴽⵉⵡⵉⵜ ⵜⴰⵏⴰⴷⴷⴰⵡⵜ ⴳ ⵓⵙⵡⵉⵔ ⵏ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⵜ ⴷ ⵓⵙⴷⵓⵙ ⵏ ⵜⵢⴰⴼⵓⵜⵉⵏ ⵏ ⵜⴷⵓⵙⵉ ⵜⵉⴷⵍⵙⴰⵏⵉⵏ ⴷ ⵓⴽⵎⵓⵔ ⵏ ⵉⵏⵎⵓⵔⵉⵏ, ⵍⵍⵉ ⵔⴰⴷ ⵓⵔ ⵙⵓⵍ ⵃⵜⴰⵊⵊⴰⵏ ⴰⴷ ⵎⵎⴰⵜⵜⵉⵏ ⵙ ⵜⵖⵔⵎⵉⵡⵉⵏ ⵢⴰⴹⵏⵉⵏ ⵎⵔⴰ ⴰⴷ ⵙⴽⵔⵏ ⵜⵎⵀⵍⵉⵡⵉⵏ ⵉⵛⵇⵇⴰⵏ ⵏⵖⴷ ⴰⴷ ⵙⵙⵏⵊⵉⵏ ⵉⵎⴰⴹⵓⵏⵏ ⵓⵔ ⵉⵔⵅⴰⵏ.

ⵔⴰⴷ ⵉⵥⴹⵕ ⵓⵙⵓⴼⴼⵖ ⵏ ⵚⵚⴱⵉⵟⴰⵕ ⵏ ⵉⵎⴰⵏ ⵏ ⵓⴳⴰⴷⵉⵔ, ⵍⵍⵉ ⵢⵎⵙⴰⵙⴰⵏ ⴷ ⵉⵡⵜⵜⴰⵙⵏ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⴷⵖⵔⴰⵏⵜ ⵏ ⵜⵖⵔⵎⵜ (2020-2024), ⵎⴰ ⵢⴰⴷ ⵉⴼⴽⴰⵏ ⵢⴰⵏ ⴰⵏⵙⴰ ⴰⴷⴷⵓⵔ ⵉ ⵜⵙⵜⵔⴰⵜⵉⵊⵉⵜ ⵏ ⵜⵏⴽⵔⴰ ⵙ ⵓⴼⵙⴰⵔ ⵏ ⵜⴷⵓⵙⵉ, ⵜⴰⵎⴰ ⵏ ⵜⵖⵉⵡⴰⵏⵜ ⵏ ⵜⴷⵓⵙⵉ ⴷ ⵜⵙⴰⵙⴼⵔⵜ ⴷ ⵓⵎⵎⴰⵙ ⵏ ⵓⵙⴳⵏⴰⴼ ⴰⵎⵙⴷⴰⵡ ⴰⴷ ⵢⵓⵛⴽⴰⵏ, ⴰⴷ ⵉⵙⵔⵙ ⵢⴰⵏ ⵓⴳⵊⴷⵉ ⵏ ⵜⴷⵓⵙⵉ ⴰⵅⴰⵜⴰⵔ ⴰⵎⵎⴰⵙ ⵏ ⵜⵎⵏⴰⴹⵜ.

Dernière modification : 07 ⴱⵕⴰⵢⵕ 2020
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%9C%E2%B5%93%E2%B5%9A%E2%B4%BD%E2%B4%B0-%E2%B5%8F-%E2%B5%9A%E2%B5%9A%E2%B4%B1%E2%B5%89%E2%B5%9F%E2%B4%B0%E2%B5%95-%E2%B5%8F-%E2%B5%89%E2%B5%8E%E2%B4%B0%E2%B5%8F-%E2%B4%B3-%E2%B5%93%E2%B4%B3%E2%B4%B0%E2%B4%B7%E2%B5%89%E2%B5%94-%E2%B5%8E%E2%B4%B0