Published on MAPNews (https://www.mapnews.ma/am)

Accueil > ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵖⵔⵎⵜ ⵏ ⵓⵙⵎⴰⵢⵏⵓ ⵏ ⵙⵓⵙ ⵎⴰⵙⵙⵜ, ⵎⴰ ⵢⴰⴷ ⵉⵎⵍⴰⵏ ⵓⵙⵔⵙ ⴰⵏⵎⵏⴰⴹ ⵏ ⵓⵖⴰⵡⴰⵙ ⵏ ⵓⵖⴰⵡⵍ ⴰⵎⴳⵓⵔⴰⵏ
  1. Accueil
  2. Activités royales

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵖⵔⵎⵜ ⵏ ⵓⵙⵎⴰⵢⵏⵓ ⵏ ⵙⵓⵙ ⵎⴰⵙⵙⵜ, ⵎⴰ ⵢⴰⴷ ⵉⵎⵍⴰⵏ ⵓⵙⵔⵙ ⴰⵏⵎⵏⴰⴹ ⵏ ⵓⵖⴰⵡⴰⵙ ⵏ ⵓⵖⴰⵡⵍ ⴰⵎⴳⵓⵔⴰⵏ

06 ⴱⵕⴰⵢⵕ 2020 Version Imprimable
ⴰⴳⴰⴷⵉⵔ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵓⴳⴰⴷⵉⵔ, ⴰⵕⵥⵥⵓⵎ ⵏ ⵜⵖⵔⵎⵜ ⵜⴰⵙⵎⴰⵢⵏⵓⵜ ⵙⵓⵙ ⵎⴰⵙⵙⵜ, ⵎⴰ ⵢⴰⴷ ⵉⵎⵍⴰⵏ ⵏ ⵓⵙⵔⵙ ⴰⵏⵎⵏⴰⴹ ⵏ ⵓⵖⴰⵡⵍ ⴰⵎⴳⵓⵔⴰⵏ, ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵙ ⵏ 28 ⵉⵏⵏⴰⵢⵔ 2018.

ⵜⵥⴹⴰⵕ ⵜⵖⵔⵎⵜ ⵏ ⵓⵙⵎⴰⵢⵏⵓ ⵙⵓⵙ ⵎⴰⵙⵙⵜ, ⵍⵍⵉ ⵢⵍⵍⴰⵏ ⴳ ⵓⴳⵏⵙⵓ ⵏ ⵓⵏⵙⴰ ⵏ ⵜⵙⴷⵉⵡⵜ ⵏ ⴱⵏⵓ ⵥⵓⵀⵕ, ⴰⴷ ⵜⴼⴽ ⵉ ⵜⵙⴳⴰ ⵢⴰⵜ ⵜⵓⵚⴽⵉⵡⵉⵜ ⵜⴰⵏⴰⴷⴷⴰⵡⵜ ⵜⴰⵜⵉⵇⵏⵉⵜ ⵏ ⵓⵙⵏⵓⴱⴳ ⴷ ⵓⵙⵔⵇⴱ ⵏ ⵉⵎⴰⵏ ⵏ ⵜⵙⵏⵜⴰⵢⵜ ⵏ ⵜⵎⵙⵙⵏⵜⵉⵏ ⴷ ⵓⵙⵙⵓⴼⵖ ⵏ ⵜⵎⵙⵙⵏⵉⵏ ⵜⵉⵎⵥⵢⴰⵏⵉⵏ ⵜⵉⵙⵎⴰⵢⵏⵓⵏⵉⵏ.

ⵉⵍⵍⴰ ⴳ ⵓⵙⵏⵜⵉ ⴰⵅⴰⵜⴰⵔ ⴰⴷ, ⵍⵍⵉ ⵢⵙⵎⴰⵏⵏ ⵢⴰⵜ ⵜⴱⵔⴰⵜ ⵏ ⵓⵥⵕⴼ ⵏ 42 ⵓⵎⵍⵢⵓⵏ ⵏ ⴷⴷⵔⵀⵎ, ⴰⵏⵙⴰ ⵏ ⵜⵎⵙⵙⵏⵜⵉⵏ ⴷ ⵜⵎⵙⵙⵏⵜⵉⵏ ⵉⵎⵥⵥⵉⵏ ⵉⵙⵎⴰⵢⵏⴰⵏ ⴷ ⵓⵎⵎⴰⵙ ⵏ ⵓⵔⵣⵣⵓ ⴷ ⵜⵏⴽⵔⴰ ⵙ ⵓⵙⵏⵓⴱⴳ ⵏ ⵓⵙⴰⵔⵎ, ⵉⵙⵎⴰⵏⵏ ⵉⵙⴰⵔⵎⵏ "ⴰⵥⵍⴰⵢ ⵏ ⵉⴳⵣⵣⵓⵎⵏ ⵉⴳⵎⴰⵏⵏ" ⴷ "ⵜⴰⵜⵉⴽⵏⵓⵍⵓⵊⵉⵜ ⵜⴰⴳⵎⴰⵎⵜ ⴷ ⵜⴰⴷⵓⵙⵉ" ⴷ "ⴰⴼⵙⵙⴰⵢ ⵏ ⵎⴰⴷ ⵉⵇⵇⴰⵎⴰⵏ" ⴷ "ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⴳⵎⵉ ⵜⴰⵙⵓⵍⴰⵏⵜ" ⴷ "ⴰⵎⴰⵏ ⴷ ⵜⵉⵥⵉⴹⵕⴰ ⴷ ⵜⴰⵥⴹⴰⵕⵜ ⵉⵜⵜⵓⵙⵎⴰⵢⵏⵓⵏ" ⴷ "ⵜⴰⵎⴳⵓⵔⵉ ⵏ ⵉⵙⴰⵔⵎⵏ".

ⵜⵙⵙⵏ ⵜⵖⵔⵎⵜ ⴰⴷ, ⵍⵍⵉ ⵢⵟⵟⴰⴼⵏ ⵉⵎⴰⵙⵙⵏ ⵏ ⵜⵙⵓⵜ ⵜⴰⵎⵣⵡⴰⵔⵓⵜ, ⴰⵙⵓⴼⴼⵖ ⵏ 20 ⵜⵓⵚⴽⴰ ⵉⵍⵍⴰ ⴷⵉⴳⵙⵏⵜ 14 ⵜⵎⵙⵙⵏⵜⵉⵜ ⵜⴰⵎⵥⵢⴰⵏⵜ, ⴷ ⴽⵕⴰⴹ ⵏ ⵉⴳⵔⴰⵡⵏ ⵏ ⵜⵎⵙⵙⵓⵔⵉⵏ.

ⵜⴰⵎⴰ ⵏ ⵜⵖⵔⵎⵜ ⵏ ⵓⵙⵎⴰⵢⵏⵓ, ⵔⴰⴷ ⵉⵙⵙⵓⴼⵖ ⵙⵓⵍ ⵓⵙⵔⵙ ⵏ ⵓⵖⴰⵡⴰⵙ ⴰⵏⵎⵏⴰⴹ ⵏ ⵓⵖⴰⵡⵍ ⴰⵎⴳⵓⵔⴰⵏ ⵜⵉⵖⵔⵎⵜ ⵜⴰⵜⵉⴽⵏⵓⵍⵓⵊⵉⵜ "ⵜⵉⴽⵏⵓⴱⴰⵕⴽ" ⵙ ⵡⴰⵜⵉⴳ ⵏ 55 ⴰⵎⵍⵢⵓⵏ ⵏ ⴷⴷⵔⵀⵎ, ⵉⴳⴰⵏ ⵉ ⵜⵎⵙⵙⵏⵜⵉⵏ ⵜⵉⵎⵣⵢⴰⵏⵉⵏ ⴷ ⵜⵉⵏⴰⵎⵎⴰⵙⵏ.

ⴳ ⵜⵙⴳⴰ ⵢⴰⴹⵏⵉⵏ, ⵔⴰⴷ ⵜⵙⴱⵖⵔ ⵜⵙⴳⴰ ⵏ ⵓⵖⴰⵡⵍ ⴰⵎⴳⵓⵔⴰⵏ ⵙⴳ ⵓⵙⵏⵜⵉ ⵏ ⵓⴱⵔⵉⴷ ⵓⵖⴰⵡⴰⵍ ⵉⴱⵕⵕⵎⵏ ⵉⵥⵥⵍⵎⴹ-ⵍⵇⴱⵍⵜ, ⵍⵍⵉ ⵔⴰⴷ ⵉⵜⵜⵓⵙⴽⴰⵔ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⴷⵖⵔⴰⵏⵜ ⵏ ⵜⵖⵔⵎⵜ ⵏ ⵓⴳⴰⴷⵉⵔ 2020-2024, ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴳ ⵓⵙⵉⵏⴰⵙ ⵉⵣⵔⵉⵏ, ⵔⴰⴷ ⵉⵥⴹⴰⵕ ⴰⴷ ⵉⵣⴷⵉ ⴰⵣⴰⴳⵯⵣ ⵏ ⵓⴳⴰⴷⵉⵔ ⵍⵎⴰⵙⵉⵔⴰ ⴷ ⵜⵙⴳⴰ ⵏ ⵓⵖⴰⵡⵍ ⴰⵎⴳⵓⵔⴰⵏ ⴷ ⵓⴼⵜⴰⵙ ⵏ ⵓⴳⴰⴷⵉⵔ.

ⵔⴰⴷ ⵜⵙⴷⵓⵙ ⵜⵚⴽⵉⵡⵜ ⵜⴰⵏⴷⴷⴰⵡⵜ ⵜⴰⵎⴳⵓⵔⴰⵏⵜ, ⵙⵍⴰⵡⴰⵏ ⴰⴽⴽⵯ, ⵜⴰⵏⴽⵔⴰ ⵙ ⵓⴷⴷⵉⵙ ⴰⵎⴳⵔⴰⵏ ⵉⵙⵉⴷⴼⵏ, ⵍⵍⵉ ⵜⵜⵓⵙⴽⴰⵔⵏ ⵜⵡⵓⵔⵉⵡⵉⵏ ⵏ ⵜⴼⵓⵍⵜ ⵜⴰⵎⵣⵡⴰⵔⵓⵜ ⵏ ⵓⵎⵙⴰⵙⴰ ⵏⵏⵙ (35 ⴰⵀⵉⴽⵜⴰⵕ) ⴳ ⵏⵓⵡⴰⵏⴱⵉⵔ 2019, ⴷ ⵓⵕⵥⵥⵓⵎ ⵏ ⵜⴼⵓⵍⵜ ⵜⵉⵙⵙ ⴽⴽⵓⵥ ⵏ ⵓⴳⵊⴷⵉ ⴰⵏⴼⵍⴰⵃ ⵏ ⵙⵓⵙ ⵎⴰⵙⵙⵜ.

ⴳ ⵓⵣⵎⵎⵣⵓ ⴷⵖ, ⵉⴼⴽⴰ ⵡⵎⴰⵡⵙⴰⵙ ⵏ ⵜⵎⴳⵓⵔⵉ ⵜⴰⵙⴱⴱⴰⴱⵜ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⵎⴰⵟⵟⵓⵏⵜ, ⵎⵓⵍⴰⵢ ⵃⴼⵉⴹ ⵍⵄⴰⵍⴰⵎⵉ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵢⴰⵏ ⵓⴷⵍⵉⵙ ⵢⵓⵙⵉⵏ ⵓⵣⵡⵍ "ⵍⵎⵖⵔⵉⴱ ⴰⵎⴳⵓⵔⵉ, ⵜⴰⵏⴰⵢⵜ ⵜⴰⴳⵍⴷⴰⵏⵜ, 20 ⵓⵙⴳⴳⵯⴰⵙ ⵏ ⵓⵖⴰⵡⵍ".

Dernière modification : 06 ⴱⵕⴰⵢⵕ 2020
Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B5%96%E2%B5%94%E2%B5%8E%E2%B5%9C-%E2%B5%8F-%E2%B5%93%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8F-%E2%B5%99%E2%B5%93%E2%B5%99-%E2%B5%8E%E2%B4%B0%E2%B5%99%E2%B5%99%E2%B5%9C-%E2%B5%8E%E2%B4%B0-%E2%B5%A2%E2%B4%B0%E2%B4%B7-%E2%B5%89%E2%B5%8E%E2%B5%8D%E2%B4%B0%E2%B5%8F-%E2%B5%93%E2%B5%99%E2%B5%94%E2%B5%99-%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9-%E2%B5%8F