Published on MAPNews (https://www.mapnews.ma/am)

Accueil > ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵥⴰⵍⵍⵉⵜ ⵏ ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ "ⵍⴰⵍⵍⴰ ⴰⵎⵉⵏⴰ" ⴳ ⵜⵖⵔⵎⵜ ⵏ ⵜⵚⵚⵓⵕⵜ
  1. Accueil
  2. Activités royales

ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵥⴰⵍⵍⵉⵜ ⵏ ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ "ⵍⴰⵍⵍⴰ ⴰⵎⵉⵏⴰ" ⴳ ⵜⵖⵔⵎⵜ ⵏ ⵜⵚⵚⵓⵕⵜ

17 ⵉⵏⵏⴰⵢⵔ 2020 Version Imprimable
ⵜⴰⵚⵚⵓⵕⵜ - ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵥⴰⵍⵍⵉⵜ ⵏ ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ "ⵍⴰⵍⵍⴰ ⴰⵎⵉⵏⴰ" ⴳ ⵜⵖⵔⵎⵜ ⵏ ⵜⵚⵚⵓⵕⵜ.

ⵉⵏⵏⴰ ⵍⵅⴰⵟⵉⴱ ⴳ ⵉⵏⵏⴰⵡ ⵏⵏⵙ ⵉⵙ ⴳⴰⵏ ⵡⵎⵃⵉⵣⵡⴰⵔ ⵅⴼ ⵜⵡⵓⵔⵉⵡⵉⵏ ⵉⴼⵓⵍⴽⵉⵏ ⴷ ⵓⵖⴰⵡⵍ ⵙ ⵓⵙⴼⵍⴷ ⴰⵎⵎⴰⵙ ⵏ ⵜⵖⴰⵔⵉⵡⵉⵏ ⵏ ⵄⵉⴱⴰⴷ ⵏ ⵙⵉⴷⵉ ⵕⵕⴱⵉ ⵍⵍⵉ ⴼⵍⵍⴰⵜ ⴰⵎⴰⵥⵏ ⵜⵉⴼⵙⴰⵏ ⵢⴰⵜⵜⵓⵢⵏ ⴷ ⵉⵏⵙⴰⵏ ⵉⵏⴼⵍⵍⴰⵏ, ⵉⴼⵔⴰ ⵢⵏⵏⴰ ⵎⴰⵙ ⵢⴰⵏ ⵓⵏⵙⴰ ⴰⵏⴰⴼⵍⵍⴰ ⵉⴳⴰ ⵜⵜ ⵎⴰⵙ ⵉⵏⵏⴰ ⵕⵕⴱⵉ ⵉ ⵍⵄⴱⴰⴷ ⵏⵏⵙ ⴰⴷ ⵖⴰⵡⵍⵏ ⴳ ⵜⵡⵓⵔⵉⵡⵉⵏ ⵉⴼⵓⵍⴽⵉⵏ ⴷ ⵉⵙⴱⴰⵢⵏ ⴰⵢⵜⵏ ⵜⵉⵍⴽⴰⵎⵉⵏ ⵏⵏⵙⵏ.

ⵉⵙⵓⵍ ⵉⵏⵏⴰ ⵍⵅⴰⵟⵉⴱ ⵎⴰⵙ ⴰⵡⵜⵜⴰⵙ ⵏ ⵍⴰⵢⴰⵜ ⵏ ⵍⵇⵓⵕⴰⵏ ⵍⵍⵉ ⵢⴳⴳⵯⵥⵏ ⴳ ⵓⵙⴰⵜⵉ ⴷⵖ, ⵉⵍⵍⴰ ⵡⵙⵙⵖⵍⵓ ⵏ ⵜⵣⵓⵍⵜ ⵎⵔⴰ ⴰⴷ ⴰⵡⵉⵏ ⴰⴽⵎⵓⵔ ⴷ ⴰⵙⵉⵏ ⵜⵉⴼⵙⴰⵏⵉⵏ, ⴷ ⵎⴰⵙ ⴰⵙⵙⵖⵍⵉ  ⵏ ⵜⵉⵔⴰⵜⵉⵏ ⵉⵥⴹⴰⵕ ⴰⴷ ⵜ ⵢⴰⵡⵉ ⵡⴰⵡⴰⵍ ⴷ ⵓⵍⴰ ⵙ ⵜⵣⵓⵔⵜ ⵜⴰⵎⴰⵙⵙⴰⵏⵜ, ⵉⵔⵏⴰ ⵢⵏⵏⴰ ⵎⴰⵙ ⵜⴰⵣⵓⵔⵜ ⵏ ⵜⵎⵜⵜⴰ ⵜⴰⵎⵖⵔⴰⴱⵉⵜ ⴳ ⵜⵡⵓⵔⵉ ⴳ ⵓⵣⵎⵣⵣⵓ ⵢⴰⴷ ⵉⴳⴰ ⵜ ⵍⴰⵎⵉⵔ ⵏ ⵉⵎⵓⵎⵎⵏ ⵙ ⵉⴹⵏ ⵍⵍⵉ ⴰⵔ ⵉⵜⵢⴰⴽⴽⴰ ⴷ ⵉⵙⵡⴰⵍⵏ ⵏⵏⵙ ⴷ ⵍⵍⵉⵖ ⴰⵔ ⵉⵜⵜⴹⴼⴰⵕ ⴰⵙⵙⵓⴼⵖ ⵏⵏⵙⵏ.

ⵉⴳⴰ ⵙⵓⵍ ⵍⵃⴰⵍ ⴰⵏⵏⵓⵕⵥⵎ ⵏ ⵉⵙⵏⵜⵉⵏ ⵏ ⵍⵉⵚⵍⴰⵃ ⵍⵍⵉⵏ ⴰⵔ ⵜⵜⴰⵡⵉⵏ ⵜⵉⵍⴽⴰⵎⵉⵏ ⵉⵖⵓⴷⴰⵏ ⴳ ⵜⵎⵜⵜⴰ ⴷ ⵓⵏⴳⵉⵎ, ⵉⵏⵏⴰ ⵎⴰⵙ ⵉⵍⵍⴰ ⴳ ⵓⵎⵣⵡⴰⵔⵓ ⵏ ⵜⵍⴽⴰⵎⵜ ⴰⴷ ⵜⵓⴷⵔⵜ, ⵎⴰ ⵢⴰⴷ ⵉⵙⵎⴰⵏⵏ ⵜⵉⴽⴽⵉ ⵏ ⵉⵣⵎⵣⵣⵓⵏ ⵏ ⵜⵡⵓⵔⵉ ⴷ ⵜⵕⵡⵓⵜ ⵏ ⵎⴰⴷ ⵉⵏⴰⵇⵚⵏ ⴰⵎⵎⴰⵙ ⵏ ⵉⵙⵙⴰⵔⵏ ⵉⴷⵍⵙⵏ, ⵣⵓⵏⴷ ⵡⴰⵎⴰⵏ ⵉⵜⵜⵓⵙⵡⴰⵏ ⴷ ⵜⵉⵙⵙⵉ ⵏ ⵜⵏⴼⵍⴰⵃⵜ.

ⵍⵍⵉⵖ ⵉⵜⵎⵎⴰ ⵍⵅⵟⴱⴰ ⵏⵏⵙ, ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴷ ⴰⴷⴰⵙ ⵢⴰⵊⵊ ⵢⵉⵡⵉⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⴷ ⵉⵜⵜⵔ ⵟⵟⴰⵍⴱ ⵏ ⵜⵎⵣⴳⵉⴷⴰ ⵏ ⵏⵏⴰⵚⵕ ⴳ ⵎⵕⵕⴰⴽⵛ ⵉ ⵕⴱⴱⵉ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 17 ⵉⵏⵏⴰⵢⵔ 2020
Source URL: https://www.mapnews.ma/am/activites-royales/%E2%B5%89%E2%B5%99%E2%B4%BD%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B4%B0%E2%B5%8E%E2%B5%89%E2%B5%8F%E2%B4%B0-%E2%B4%B3-%E2%B5%9C%E2%B5%96%E2%B5%94%E2%B5%8E%E2%B5%9C-%E2%B5%8F