Published on MAPNews (https://www.mapnews.ma/am)

Accueil > ⵜⵉⵖⵔⵎⵜ ⵏ ⵜⵚⵚⵓⵕⵜ: ⵉⵔⵣⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, "ⴱⴰⵢⵜ ⴷⴷⴰⴽⵉⵔⴰ"
  1. Accueil
  2. Activités royales

ⵜⵉⵖⵔⵎⵜ ⵏ ⵜⵚⵚⵓⵕⵜ: ⵉⵔⵣⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, "ⴱⴰⵢⵜ ⴷⴷⴰⴽⵉⵔⴰ"

15 ⵉⵏⵏⴰⵢⵔ 2020 Version Imprimable
ⵜⴰⵚⵚⵓⵕⵟ - ⵉⵔⵣⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, "ⴱⴰⵢⵜ ⴷⴷⴰⴽⵉⵔⴰ", ⴰⵙⵙ ⵏ ⵓⴽⵕⴰⵙ ⴳ ⵜⵖⵔⵎⵜ ⵜⴰⵇⴱⵓⵕⵜ ⵏ ⵜⵚⵚⵓⵕⵜ, ⵎⴰ ⵢⴰⴷ ⵉⴳⴰⵏ ⵢⴰⵏ ⵡⴰⵏⵙⴰ ⴰⵅⴰⵜⴰⵔ ⵏ ⵓⵃⵟⵟⵓ ⴷ ⵓⵙⵓⵜⴳ ⵏ ⵜⵎⴽⵜⵉⵜ ⵜⵓⴷⴰⵢⵜ ⵜⴰⵎⵖⵔⴰⴱⵉⵜ.

ⵉⵍⵍⴰ ⴳ ⵓⵏⵙⴰ ⵢⴰⴷ, ⵍⵍⵉ ⴱⵃⵃⵔⴰ ⵢⵜⵜⵓⵄⴷⴰⵍⵏ, ⵍⴱⴰⵢⵄⴰ ⵏ ⵓⴷⴰⵢⵏ "ⵚⵍⴰⵜ ⵄⴰⵟⵉⵢⵢⴰ", ⴷ ⵜⴳⵎⵎⵉ ⵏ ⵜⵎⴽⵜⵉⵜ ⴷ ⵏ ⵓⵎⵣⵔⵓⵢ "ⴱⴰⵢⵜ ⴷⴰⴽⵉⵔⴰ", ⴷ ⵓⵎⵎⴰⵙ ⴰⴳⵔⴰⵖⵍⴰⵏ ⵏ ⵓⵔⵣⵣⵓ "ⵃⴰⵢⵉⵎ ⴷ ⵙⵉⵍⵢⴰ ⵣⵣⵄⴼⴰⵕⴰⵏⵉ" ⵅⴼ ⵓⵎⵣⵔⵓⵢ ⵏ ⵜⵓⵇⵇⵏⵉⵏ ⴳⵔ ⵜⵓⴷⴰⵢⵜ ⴷ ⵍⵉⵙⵍⴰⵎ.

ⵍⵍⵉⵖ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ "ⴱⴰⵢⵜ ⴷⴷⴰⴽⵉⵔⴰ", ⵉⵙⴱⵏⴳ ⵜ ⵓⵎⵛⵛⵉⵡⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ "ⵜⴰⵚⵚⵓⵕⵜ ⵎⵓⴳⴰⴷⵓⵕ", ⵎⴰⵙⵙ ⴰⵏⴹⵕⵉ ⴰⵥⵓⵍⴰⵢ, ⴷⴰⵜ ⴰⴷ ⵜ ⵣⵓⵍⵏ ⵉⴳⵎⴰⵎⵏ ⵏ ⵓⴳⵔⴰⵡ ⴰⵎⴰⵙⵙⴰⵏ ⵏ "ⴱⴰⵢⵜ ⴷⴷⴰⴽⵉⵔⴰ" ⴷ ⵏ ⵓⵙⵉⵔⴰ ⵏ ⵜⵎⵙⵎⵓⵏⵜ "ⵜⴰⵚⵚⵓⵕⵜ ⵎⵓⴳⴰⴷⵓⵕ", ⵍⵍⵉ ⵢⵙⵙⵓⴼⵖⵏ ⵓⵙⵏⵜⵉ ⵢⴰⴷ.

ⵣⵓⵍⵏ ⵙⵉⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵃⴰⵅⴰⵎ ⴰⵎⵇⵕⴰⵏ ⵏ ⴹⴹⴰⵕⵍⴱⵉⴹⴰ, ⵎⴰⵙⵙ ⵊⵓⵣⵉⴼ ⵉⵙⵕⴰⴻⵉⵍ, ⴷ ⵓⵃⴰⵅⴰⵎ ⴰⵎⵇⵕⴰⵏ ⵎⴰⵙⵙ ⴷⴰⴼⵉⴷ ⴱⵉⵏⵜⵓ, ⴷ ⵎⴰⵙⵙⴰ ⵓⴹⵕⵉ ⴰⵥⵓⵍⴰⵢ, ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵢⵎⴰⵏⵏ ⵅⴼ ⵓⵙⴳⵎⵉ ⴷ ⵜⵎⴰⵙⵙⴰⵏⵜ ⴷ ⵜⴷⵍⵙⴰ. 

ⴷⴼⴼⵉⵔ ⵏ ⵖⵉⴽⴰⵏⵏ, ⵉⴼⴽⴰ ⵎⴰⵙⵙ ⴰⵏⴹⵕⵉ ⴰⵥⵓⵍⴰⵢ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵢⴰⵏ ⵍⵎⵚⵃⴰⴼ ⵏ ⵍⵇⵓⵕⴰⵏ ⴷ ⵢⴰⵜ ⵜⵜⴰⵡⵕⴰⵜ, ⴷⴰⵜ ⴰⴷ ⵉⵖⵕ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⵍⵍⵉⵖ ⵉⵙⴰⵡⵍ ⵅⴼ ⵓⵎⵣⵔⵓⵢ ⵓⴷⴰⵢ ⵏ ⵜⵖⵔⵎⵜ ⵏ ⵜⵚⵚⵓⵕⵜ ⴷ ⵜⵎⴰⴳⵓⵜ ⵏ ⵓⵎⵣⵔⵓⵢ ⵏ ⵍⵎⵖⵔⵉⴱ.

ⴷⴼⴼⵉⵔ ⵏ ⵓⵔⵣⴰⴼ ⴰⴷ, ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, 27 ⵓⴳⵎⴰⵎ ⵏ ⵜⴳⵔⴰⵡⵜ ⵜⵓⴷⴰⵢⵜ ⵜⴰⵎⵖⵔⴰⴱⵉⵜ ⵓⵍⴰ ⵜⴰⴳⵔⴰⵖⵍⴰⵏⵜ. 

Dernière modification : 16 ⵉⵏⵏⴰⵢⵔ 2020
Source URL: https://www.mapnews.ma/am/activites-royales/%E2%B5%9C%E2%B5%89%E2%B5%96%E2%B5%94%E2%B5%8E%E2%B5%9C-%E2%B5%8F-%E2%B5%9C%E2%B5%9A%E2%B5%9A%E2%B5%93%E2%B5%95%E2%B5%9C-%E2%B5%89%E2%B5%94%E2%B5%A3%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B1%E2%B4%B0%E2%B5%A2%E2%B5%9C-%E2%B4%B7%E2%B4%B7%E2%B4%B0%E2%B4%BD%E2%B5%89%E2%B5%94%E2%B4%B0