Published on MAPNews (https://www.mapnews.ma/am)

Accueil > ⵢⴰⵏ ⵓⴷⵃⵉ ⴰⴳⵍⴷⴰⵏ ⵉⵎⵇⵇⵓⵕⵏ ⵉ ⵡⵖⴰⵡⴰⵙ ⴰⵙⵎⴷⴰⵏ ⵏ ⵓⵄⴷⵍ ⴷ ⵓⵙⵓⵜⴳ ⵏ ⵜⵖⵔⵎⵜ ⵜⴰⵇⴱⵓⵕⵜ ⵏ ⵜⴰⵚⵚⵓⵕⵜ 2019-2023
  1. Accueil
  2. Activités royales

ⵢⴰⵏ ⵓⴷⵃⵉ ⴰⴳⵍⴷⴰⵏ ⵉⵎⵇⵇⵓⵕⵏ ⵉ ⵡⵖⴰⵡⴰⵙ ⴰⵙⵎⴷⴰⵏ ⵏ ⵓⵄⴷⵍ ⴷ ⵓⵙⵓⵜⴳ ⵏ ⵜⵖⵔⵎⵜ ⵜⴰⵇⴱⵓⵕⵜ ⵏ ⵜⴰⵚⵚⵓⵕⵜ 2019-2023

15 ⵉⵏⵏⴰⵢⵔ 2020 Version Imprimable
ⵜⴰⵚⵚⵓⵕⵜ - ⵉⵔⵣⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ, ⵜⵖⵔⵎⵜ ⵜⴰⵇⴱⵓⵕⵜ ⵏ ⵜⵚⵚⵓⵕⵜ, ⵍⵍⵉ ⵢⵍⵙⴰⵏ ⵢⴰⵏ ⵓⵊⵄⵓⴹ ⴰⵎⴰⵢⵏⵓ ⵙ ⵓⵖⴰⵡⴰⵙ ⴰⵙⵎⴷⴰⵏ ⵏ ⵓⵄⴷⵍ ⴷ ⵏ ⵓⵙⵓⵜⴳ ⵏ ⵜⵖⵔⵎⵜ ⵜⴰⵇⴱⵓⵕⵜ ⵏ ⵜⴰⵚⵚⵓⵕⵜ (2019-2023), ⵎⴰ ⵢⴰⴷ ⵉⵙⵎⴰⵏⵏ ⵢⴰⵏ ⵓⵙⵙⴰⵔⵓ ⵏ 300 ⴰⵎⵍⵢⵓⵏ ⵏ ⴷⴷⵀⵔⵎ.

ⵔⴰⴷ ⵉⵙⴱⵖⵔ ⵓⵖⴰⵡⴰⵙ ⴰⴷ, ⵍⵍⵉ ⵢⵙⵎⴰⵏⵏ 26 ⵓⵙⵏⵜⵉ, ⵉ 13.000 ⵉⵎⵣⴷⴰⵖⵏ ⵏ ⵜⵖⵎⵔⵜ ⵏ ⵜⵚⵚⵓⵕⵜ. ⵉⵣⵎⵎⴻⵎ ⵙⵓⵍ ⵓⵖⴰⵡⴰⵙ ⴰⴷ ⵢⴰⵏ ⵓⵙⵖⵍ ⵏ ⵓⵙⵓⴼⵖ ⵏ 16% ⴷ ⵏ ⵜⵖⵓⵔⵉ ⵉⵍⴽⵎⵏ ⵏ 75%.

ⴽⴽⵓⵥ ⵏ ⵉⵙⵏⵜⵉⵏ ⵉⵜⵜⵓⵣⵎⵎⴻⵎⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⴰⴷ ⴰⵔ ⵙⵓⵍ ⵜⵜⵓⵙⴽⴰⵔⵏ, ⴷ ⵙⴰ ⵔⴰⴷ ⵏⵏⵓⵕⵥⵎⵏ. ⴱⵍⴰ ⵏ ⵖⵉⴽⴰⵏⵏ, 15 ⵏ ⵉⵙⵏⵜⵉⵏ ⵍⵍⴰⵏ ⴳ ⵜⴽⵍⵉ ⵏ ⵜⵖⵓⵔⵉ.

ⵢⵓⵛⴽⴰⴷ ⵓⵖⴰⵡⴰⵙ ⴰⴷ ⴷⴼⴼⵉⵔ ⵏ ⵜⴷⵔⴰⵡⵜ ⵉⵙⵎⴰⵏⵏ ⵜⴼⵏⵉⵇⵜ ⵃⴰⵙⴰⵏ ⵡⵉⵙⵙ ⵙⵉⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ, ⴷ ⵜⵎⴰⵡⴰⵙⵜ ⵏ ⵓⴳⵏⵙⵓ, ⴷ ⵜⵎⴰⵡⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵜⵣⴷⵖⵜ ⴷ ⵜⵙⵔⵜⵉⵜ ⵏ ⵜⵖⵔⵎⵜ, ⴷ ⵜⵎⴰⵡⴰⵙⵜ ⵜⵎⴰⵍⴰⵢⵜ ⴷ ⵜⵏⵉⴹⵉ ⴷ ⵓⵙⵙⴰⵢ ⴰⵡⵏⴰⴹ ⴷ ⵜⴷⵎⵙⴰ ⵜⴰⵏⴰⵎⵓⵏⵜ, ⴷ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ, ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⴷ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⴷ ⵓⵙⵇⵇⵉⵎ ⵏ ⵏ ⵜⵎⵏⴰⴹⵜ ⵏ ⵎⵕⵕⴰⴽⵯⵛ ⴰⵙⴼⵉ, ⴷ ⵓⵙⵇⵇⵉⵎ ⴰⴳⵔⵡⴰⵏ ⵏ ⵜⵚⵚⵓⵕⵜ ⴷ ⵓⴳⵔⴰⵡ ⵍⵄⵓⵎⵕⴰⵏ.  

ⵉⴽⵛⵎ ⵓⵖⴰⵡⴰⵙ ⴰⵙⵎⴷⴰⵏ ⵏ ⵓⵄⴷⵍ ⴷ ⵏ ⵓⵙⵓⵜⴳ ⵏ ⵜⵖⵔⵎⵜ ⵜⴰⵇⴱⵓⵕⵜ ⵏ ⵜⴰⵚⵚⵓⵕⵜ 2019-2023 ⴳ ⵓⵙⴰⵜⵉ ⵏ ⵜⵓⴳⴳⴰⵣ ⵍⵍⵉ ⵜⵜⵓⵙⴽⴰⵔⵏ ⴷⴷⵓ ⵏ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵅⴼ ⵓⵃⵟⵟⵓ ⴷ ⵓⵙⵓⵜⴳ ⵏ ⵜⵖⵔⵎⵉⵡⵉⵏ ⵜⵉⵇⴱⵓⵕⵉⵏ ⴳ ⵎⵏⵏⴰⵡ ⵏ ⵜⵖⵔⵎⵉⵡⵉⵏ ⵏ ⵜⴳⵍⴷⵉⵜ, ⵣⵓⵏⴷ ⵕⵕⴱⴰⵟ ⴷ ⴹⴹⴰⵕⵍⴱⵉⴹⴰ ⴷ ⵎⵕⵕⴰⴽⵯⵛ ⴷ ⴼⴰⵙ ⴷ ⵎⴽⵏⴰⵙ ⴷ ⵙⵍⴰ ⴷ ⵜⵉⵟⵡⴰⵏ.

Dernière modification : 16 ⵉⵏⵏⴰⵢⵔ 2020
Source URL: https://www.mapnews.ma/am/activites-royales/%E2%B5%A2%E2%B4%B0%E2%B5%8F-%E2%B5%93%E2%B4%B7%E2%B5%83%E2%B5%89-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%89%E2%B5%8E%E2%B5%87%E2%B5%87%E2%B5%93%E2%B5%95%E2%B5%8F-%E2%B5%89-%E2%B5%A1%E2%B5%96%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B5%99%E2%B5%8E%E2%B4%B7%E2%B4%B0%E2%B5%8F-%E2%B5%8F-%E2%B5%93%E2%B5%84%E2%B4%B7%E2%B5%8D-%E2%B4%B7-%E2%B5%93%E2%B5%99%E2%B5%93%E2%B5%9C%E2%B4%B3-%E2%B5%8F-%E2%B5%9C%E2%B5%96%E2%B5%94%E2%B5%8E%E2%B5%9C-%E2%B5%9C%E2%B4%B0%E2%B5%87%E2%B4%B1%E2%B5%93%E2%B5%95%E2%B5%9C-%E2%B5%8F-%E2%B5%9C%E2%B4%B0%E2%B5%9A%E2%B5%9A%E2%B5%93%E2%B5%95%E2%B5%9C