Published on MAPNews (https://www.mapnews.ma/am)

Accueil > ⵜⵉⴼⵉⵏⴰⵖ: ⵙⴳ ⵜⵉⵔⵔⴰ "ⵜⴰⵍⵉⴱⵉⵜ" ⴰⵔ ⵓⵙⵎⵙⴰⵙⴰ ⵏ ⵉⵙⴽⴽⵉⵍⵏ

ⵜⵉⴼⵉⵏⴰⵖ: ⵙⴳ ⵜⵉⵔⵔⴰ "ⵜⴰⵍⵉⴱⵉⵜ" ⴰⵔ ⵓⵙⵎⵙⴰⵙⴰ ⵏ ⵉⵙⴽⴽⵉⵍⵏ

14 ⵉⵏⵏⴰⵢⵔ 2020 Version Imprimable
ⵕⵕⴱⴰⵟ - ⵉⵟⵟⴰⴼ ⵍⵎⵖⵔⵉⴱ ⵢⴰⵜ ⵜⵎⵢⵓⵔⵜ ⵉⵇⴱⵓⵕⵏ ⵏ ⵜⵉⵔⵔⴰ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⵙ ⵉⵙⴽⴽⵉⵍⵏ ⵉⵄⵕⴰⴱⵏ, ⵙⵍⴰⵡⴰⵏ ⴰⴽⴽⵯ ⴳ ⵜⵙⴳⴰ ⵏ ⵙⵓⵙ. ⵎⵇⵇⴰⵕ ⵏ ⵖⵉⴽⴰⵏⵏ, ⵓⵔ ⵜⴽⴽⵙ ⵜⵎⵢⵓⵔⵜ ⴰⴷ ⵕⵕⵛⵎ ⵏ ⵉⵙⴽⴽⵉⵍⵏ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⵜⵎⴰⴷⴷⵓⴷⵜ, ⴰⵛⴽⵓ ⵢⵙⴽⴽⵉⵍⵏ ⵏ ⵜⴼⵉⵏⴰⵖ ⴼⵔⵓⵔⵉⵏ ⵙⵓⵍ ⴰⵎⵎⴰⵙ ⵏ ⵉⴳⵔⵡⴰⵏ ⵉⵊⵓⵖⵔⴰⴼⵉⵏ ⵢⵓⵙⵄⴰⵏ ⴳ ⵜⴳⵍⴷⵉⵜ ⵓⵍⴰ ⴳ ⴰⴽⴽⵯ ⵉⵣⵍⵎⴹ ⵏ ⵉⴼⵔⵉⵇⵢⴰ.

ⵉⴷⵡⴰⵍ ⵓⵎⵣⵔⵓⵢ ⵏ ⵜⴼⵉⵏⴰⵖ ⵙ ⵜⵙⵓⵜⵉⵏ ⵉⵇⴱⵓⵔⵏ, ⴷ ⵙⵙⴽⵛⵎⵏ ⵜ ⵉⵎⵣⴰⵢⵏ ⴰⵎⵎⴰⵙ ⵏ ⵜⵉⵔⵔⴰ "ⵜⴰⵍⵉⴱⵉⵜ", ⵖⵉⴽ ⵍⵍⵉ ⵢⴳⴰ ⵢⵙⵎ ⵍⵍⵉ ⵢⴰⴷ ⵍⵍⵉ ⴼⴽⴰⵏ ⵉⵢⵓⵏⴰⵏⵉⵢⵏ ⵉⵇⴱⵓⵔⵏ ⵉ ⵢⵎⴰⵣⵉⵖⵏ.

ⴳ ⵓⵙⴰⵜⵉ ⴷⵖ, ⵉⵏⵏⴰ ⵍⵎⵃⴼⵓⴹ ⴰⵙⵎⵀⵔⵉ, ⴰⵎⵏⵉⴳ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⵎⴰⵙ ⵜⵍⵍⴰ ⵜⵉⵔⵔⴰ ⵢⴰⴷ ⴳ ⵉⵣⵣⵍⵎⴹ ⵏ ⵉⴼⵔⵉⵇⵢⴰ ⴷⴰⵜ ⵏ ⵓⴳⵛⵓⵎ ⵏ ⵍⵉⵙⵍⴰⵎ ⴳ ⵜⵙⴳⴰ ⵢⴰⴷ, ⵎⵇⵇⴰⵕ ⵍⵍⵉⵖ ⵜⴷⴷⴰ ⵉⵎⵎⵉⴽ ⵙ ⵉⵎⵎⵉⴽ ⴰⵎⵎⴰⵙ ⵏ ⵜⵙⴳⵉⵡⵉⵏ ⵉⵣⴷⵉⵏ ⴷ ⵉⵍⵍ ⵓⵎⵍⵉⵍ ⴰⵏⴰⵎⴰⵙ, ⵃⴹⴰⵏⵜ ⵉⵎⵣⴷⴰⵖⵏ ⴳ ⵜⵙⴳⵉⵡⵉⵏ ⵉⵚⵃⵕⴰⵡⵉⵏ ⵢⴰⴳⴳⵓⴳⵏ ⵅⴼ ⵉⴹⵉⵚ ⵏ ⵜⵉⵔⵔⴰⵜⵉⵏ ⵏ ⵉⵍⵍ ⵓⵎⵍⵉⵍ ⴰⵏⴰⵎⴰⵙ ⵉⵇⴱⵓⵔⵏ.

Dernière modification : 14 ⵉⵏⵏⴰⵢⵔ 2020
Source URL: https://www.mapnews.ma/am/dossier/%E2%B5%9C%E2%B5%89%E2%B4%BC%E2%B5%89%E2%B5%8F%E2%B4%B0%E2%B5%96-%E2%B5%99%E2%B4%B3-%E2%B5%9C%E2%B5%89%E2%B5%94%E2%B5%94%E2%B4%B0-%E2%B5%9C%E2%B4%B0%E2%B5%8D%E2%B5%89%E2%B4%B1%E2%B5%89%E2%B5%9C-%E2%B4%B0%E2%B5%94-%E2%B5%93%E2%B5%99%E2%B5%8E%E2%B5%99%E2%B4%B0%E2%B5%99%E2%B4%B0-%E2%B5%8F-%E2%B5%89%E2%B5%99%E2%B4%BD%E2%B4%BD%E2%B5%89%E2%B5%8D%E2%B5%8F