ⵔⴰⴷ ⵜⵙⵏⵓⴱⴳ ⵜⵣⵏⵉⵜ ⵜⴰⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵓⵙⴳⵔⴰⵡ "ⴰⵣⴰⴼⵓⵕⵓⵎ" ⴰⵙⵙ ⵏ 11 ⵉⵏⵏⴰⵢⵔ ⴰⴷ

10 ⵉⵏⵏⴰⵢⵔ 2020 Version Imprimable

ⵜⵉⵣⵏⵉⵜ - ⵔⴰⴷ ⵜⵙⵏⵓⴱⴳ ⵜⵖⵔⵎⵜ ⵏ ⵜⵣⵏⵉⵜ ⴰⵙⵙ ⵏ 11 ⵉⵏⵏⴰⵢⵔ ⴰⴷ ⵜⴰⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵓⵙⴳⵔⴰⵡ "ⴰⵣⴰⴼⵓⵕⵓⵎ" ⵙ ⵜⴷⵔⴰⵡⵜ ⵏ ⵎⵏⵏⴰⵡ ⵏ ⵉⵎⵉⵏⴰⴳⵏ ⴰⴽⴰⴷⵉⵎⵉⵢⵏ ⴷ ⵉⵙⵔⵜⴰⵏⵉⵏ ⴷ ⵉⵙⵓⴷⴷⵓⵏ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ ⴷ ⵉⵎⵙⴽⴰⵔⵏ ⵙⴳ ⴰⵎⵓⵏ ⵓⵖⵔⵉⵎ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵉⵎⵙⴷⵓⵙⵏ ⵎⴰⵙ ⵓⵎⵃⵉⵣⵡⴰⵔ ⴰⴷ ⵔⴰⴷ ⴳⵉⵜ ⵢⵉⵍⵉ ⵡⵙⵏⵎⴰⵍ ⵏ ⵢⴰⵜ ⵜⵏⴰⵡⵜ ⵜⴰⵏⴰⵎⵓⵔⵜ ⵅⴼ ⵓⵙⴳⵓⵎ "ⵜⴰⵎⴰⵣⵉⵖⵜ ⴷ ⵜⵏⵉⵥⴰⵔⵉⵏ ⵏ ⵜⵎⵔⵙⵍⵜ", ⵓⵍⴰ ⵓⵙⵏⵎⴰⵍ ⵏ ⵢⴰⵜ ⵜⵙⴰⵡⵔⵜ ⵅⴼ ⵓⵙⴳⵓⵎ "ⵉⴱⵔⴷⴰⵏ ⵏ ⵓⵙⴳⴳⵓⵣ ⵏ ⵓⵙⵏⵚⵉⴱ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴳ ⵜⴼⵔⴰⵏⵉⵏ ⵏ ⵡⴰⴽⴰⵍ", ⵓⵍⴰ ⴰⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⴷ ⵜⵙⴰⵡⵓⵔⵉⵏ ⵏ ⵓⵎⵙⵓⵔⴰⵔ ⴷ ⵓⵙⴳⵎⴰⵏ ⵉⴳⴰⵏ ⵉ ⵢⴼⵔⵅⴰⵏ ⵏ ⵜⵖⵔⵎⵜ ⵏ ⵜⵣⵏⵉⵜ.

ⵉⵏⵏⴰ ⵙⵓⵍ ⵓⵙⵉⵡⴹ ⵎⴰⵙ ⵓⵎⵓⵙⵙⵓ ⵢⴰⴷ ⵔⴰⴷ ⵉⴳ ⴰⵣⵎⵣⵣⵓ ⵏ ⵓⵙⵎⵖⵔ ⵏ ⵎⴷⴷⵏ ⴷ ⵉⵎⵙⴽⴰⵔⵏ ⵉⴷⵔⴰⵏ ⴳ ⵜⵏⴰⴼⵓⵜ ⵏ ⵜⵖⴰⵡⵙⴰ ⵜⴰⵎⴰⵣⵉⵖⵜ ⴳ ⵎⵏⵏⴰⵡ ⵉⴳⵔⵏ, ⵜⴰⵎⴰ ⵏ ⵓⵙⴼⵓⴳⵍⵓ ⵏ ⵜⵎⵔⵙⴰⵍⵉⵏ ⵉⵙⴼⵍⵓⵍⵏ ⴳ ⵓⵖⴰⵔⴰⵙ ⵏ ⵓⵙⴳⴳⵓⵣ ⵏ ⵓⵙⵏⵚⵉⴱ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ, ⴷ ⵎⵏⵏⴰⵡ ⵏ ⵉⴳⵟⵟⵓⵎⵏ ⵢⴰⴹⵏⵉⵏ ⵏ ⵓⵙⴼⵓⴳⵍⵓ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ "ⵉⴹ ⵉⵏⵏⴰⵢⵔ".

Dernière modification : 10 ⵉⵏⵏⴰⵢⵔ 2020

Source URL: https://www.mapnews.ma/am/dossier/%E2%B5%94%E2%B4%B0%E2%B4%B7-%E2%B5%9C%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%9C%E2%B5%A3%E2%B5%8F%E2%B5%89%E2%B5%9C-%E2%B5%9C%E2%B4%B0%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8F%E2%B4%B0%E2%B5%9C-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%A3%E2%B4%B0%E2%B4%BC%E2%B5%93%E2%B5%95%E2%B5%93%E2%B5%8E-%E2%B4%B0%E2%B5%99%E2%B5%99-%E2%B5%8F-11-%E2%B5%89%E2%B5%8F%E2%B5%8F%E2%B4%B0%E2%B5%A2%E2%B5%94-%E2%B4%B0%E2%B4%B7