Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵕⵕⴱⴰⵟ ⵜⴰⴼⵓⴳⵍⴰ ⵜⴰⵎⵙⴳⴳⵯⴰⵙⵜ ⵏ ⵉⵎⵏⵙⵉ ⴰⴷⵉⴱⵍⵓⵎⴰⵙⵉ ⵏ ⵜⵡⵍⵍⵓⵖⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵕⵕⴱⴰⵟ ⵜⴰⴼⵓⴳⵍⴰ ⵜⴰⵎⵙⴳⴳⵯⴰⵙⵜ ⵏ ⵉⵎⵏⵙⵉ ⴰⴷⵉⴱⵍⵓⵎⴰⵙⵉ ⵏ ⵜⵡⵍⵍⵓⵖⵜ

24 ⴷⵓⵊⴰⵏⴱⵉⵔ 2019 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ, ⵜⴰⴼⵓⴳⵍⴰ ⵜⴰⵎⵙⴳⴳⵯⴰⵙⵜ ⵏ ⵢⴰⵏ ⵉⵎⵏⵙⵉ ⴰⴷⵉⴱⵍⵓⵎⴰⵙⵉ ⵏ ⵜⵡⵍⵍⵓⵖⵜ, ⵍⵍⵉ ⵜⵙⵏⵎⴰⵍⴰ ⵜⵎⵙⵇⴰⴷⵜ ⵏ ⵓⵚⵟⵕⴰⵍⵢⴰ ⴷ ⵜⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ.

ⵜⵙⵎⴰⵏ ⵜⴼⵓⴳⵍⴰ ⵢⴰⴷ, ⵍⵍⵉ ⵢⵜⵜⵓⵙⵏⵎⴰⵍⴰⵏ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵉⵎⵙⴽⴰⵔⵏ ⵅⴼ ⵜⵡⵓⵔⵉⵡⵉⵏ ⵏ ⵜⵡⵍⵍⵓⵖⵜ ⵅⴼ ⵉⵎⵉⵔ ⴰⴷⵉⴱⵍⵓⵎⴰⵙⵉ ⴰⴱⵕⵕⴰⵏⵉ ⵉⵜⵜⵖⵣⵉⵏ ⵖⵓⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵢⴰⵏ ⵓⵎⵓⵙⵙⵓ ⵏ ⵓⵙⴳⵯⴰⵙⵏ ⵍⵍⵉ ⵢⵜⵙⵏⵎⴰⵍⴰ ⵙ ⵜⴰⵙⵏⵜⴰⵢⵜ ⵏ ⵜⵉⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ ⴷ ⵜⵉⵎⵙⵇⴰⴷⵉⵏ ⵜⵉⴱⵕⵕⴰⵏⵢⵉⵏ ⵉⵜⵜⵓⵖⵣⵉⵏ ⴳ ⵕⵕⴱⴰⵟ, ⴳ ⵙⵙⴱⵖⵔ ⵏ ⵉⵣⴷⵓⵖⵏ ⵉⵥⵍⴰⴹⵏ ⵙ ⵜⴷⵔⴰⵡⵜ ⵏ ⴷⵉⴱⵍⵓⵎⴰⵙⵢⵉⵏ ⴷ ⵉⵔⴳⵣⵏ ⵏ ⵜⵡⵓⵔⵉⵡⵉⵏ ⴷ ⵉⵏⴰⵥⵓⵔⵏ.

ⵜⵔⴰ ⵜⴼⵓⴳⵍⴰ ⵏ ⵉⵎⵏⵙⵉ ⴰⴷⵉⴱⵍⵓⵎⴰⵙⵉ ⵜⵡⵍⵍⵓⵖⵜ ⴰⴷ ⵜⵙⵎⵓⵏ ⵉⵇⴰⵕⵉⴹⵏ ⵎⵔⴰ ⴰⴷ ⵜⴷⵔⵓ ⴳ ⵜⵓⴳⴳⴰⵣ ⵏ ⵜⵡⵓⵔⵉ ⵉⵏⴰⵎⵓⵏⵏ ⴳ ⵍⵎⵖⵔⵉⴱ ⴳ ⵙⵙⵥⵕⴼ ⵎⵛⵜⴰ ⵏ ⵉⵙⵏⵜⵉⵏ ⵏ ⵓⵎⵢⴰⵡⴰⵙ, ⵍⵍⵓⵎⵏ ⴳ ⵉⴳⵔⵏ ⵏ ⵜⴷⵓⵙⵉ ⴷ ⵓⵙⵎⵓⵜⵜⵓⴳ ⵏ ⵜⴼⵔⵅⵉⵏ.

ⵍⵍⵉⵖ ⵜⵍⴽⵎ ⵙ ⵜⴼⵓⴳⵍⴰ, ⵜⵙⵙⵣⵔⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⵓⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵜ ⵣⵓⵍⵏ ⵎⴰⵙⵙⴰ ⵊⴰⵎⵉⵍⴰ ⵎⵓⵚⵍⵍⵉ, ⵜⴰⵎⴰⵡⴰⵙⵜ ⵏ ⵜⵏⴱⴷⴰⴷⵜ ⴷ ⵜⴳⵎⵉ ⵜⵏⴰⵎⵓⵏⵜ ⴷ ⵓⵙⵙⵉⴽⵙⵍ ⴷ ⵜⵡⵊⴰ, ⴷ ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵎⴰⴹⵍⴰⵏ ⵉⵜⵜⵓⵙⵎⴳⴰⵍⵏ ⵙ ⵓⵎⵢⴰⵡⴰⵙ ⴳ ⵉⴼⵔⵉⵇⵢⴰ, ⴷ ⵎⴰⵙⵙⴰ ⴱⵉⵔⵉⵏⵉⵙ ⵓⵡⵉⵏ ⴷⵊⵓⵏⵣ, ⵜⴰⵎⵙⴽⴰⴷⵜ ⵏ ⵓⵚⵟⵕⴰⵍⵢⴰ ⴳ ⵍⵎⵖⵔⵉⴱ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵇⵏⵉⵟⵕⴰ, ⵎⵓⵃⵎⵎⴷ ⵍⵢⵄⵇⵓⴱⵉ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵜ ⵜⵡⵍⴰⴼⵜ ⵏ ⵓⵙⵙⴽⵜⵉ ⴷ ⵉⵏⴰⵥⵓⵕⵏ ⴷ ⵓⴳⵔⴰⵡ ⵏ ⵓⵙⵓⴷⵙ. 

Dernière modification : 24 ⴷⵓⵊⴰⵏⴱⵉⵔ 2019
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%9C%E2%B4%B0%E2%B5%8E%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99%E2%B5%9C-0