Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴱⵔⴰⵜ ⵉ ⵢⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⴷⵡⴰⵍ ⴰⵎⵣⵡⴰⵔⵓ ⵏ ⵜⵎⵏⴰⴹⵜ ⵜⴰⵎⵉⵔⵉⵡⵜ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴱⵔⴰⵜ ⵉ ⵢⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⴷⵡⴰⵍ ⴰⵎⵣⵡⴰⵔⵓ ⵏ ⵜⵎⵏⴰⴹⵜ ⵜⴰⵎⵉⵔⵉⵡⵜ

20 ⴷⵓⵊⴰⵏⴱⵉⵔ 2019 Version Imprimable
ⴰⴳⴰⴷⵉⵔ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵜⴱⵔⴰⵜ ⵉ ⵢⵎⴷⵔⴰⵡⵏ ⴳ ⵓⴷⵡⴰⵍ ⴰⵎⵣⵡⴰⵔⵓ ⵏ ⵜⵎⵏⴰⴹⵜ ⵜⴰⵎⵉⵔⵉⵡⵜ ⵍⵍⵉ ⵢⵕⵥⵎⵏ ⵜⵡⵓⵔⵉⵡⵉⵏ ⵏⵏⵙ ⴰⵙⵙ ⴰⴷ ⵏ ⵓⵙⵉⵎⵡⴰⵙ ⴳ ⵓⴳⴰⴷⵉⵔ.

ⴰⵎⵎⴰⵙ ⵏ ⵜⴱⵔⴰⵜ ⴰⴷ, ⵍⵍⵉ ⵢⵖⵕⴰ ⵡⵎⴰⵡⵙⴰⵙ ⵏ ⵓⴳⵏⵙⵓ ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵙ ⵉⵣⵔⵉ ⵢⵎⵙⵙⴷⵉ ⵏ ⵜⵏⵎⵏⴰⴹⵜ ⵜⴰⵎⵉⵔⵉⵡⵜ ⵜⵉⴽⵍⵉⵡⵉⵏ ⵉⴷⴷⵓⵔⵏ, ⵙⴳ ⵓⵙⵔⵙ ⵏ ⵓⴳⵔⴰⵡ ⵏ ⵓⵎⵛⴰⵡⴰⵔ ⵏ ⵜⵎⵏⴰⴹⵜ ⵜⴰⵎⵉⵔⵉⵡⵜ, ⵍⵍⵉ ⵢⵙⴱⵉⴷⴷⵏ ⵜⵉⴳⴹⵡⵉⵏ ⵏ ⵜⵏⴰⴹⵉⵏ ⵏⵏⵙ ⴰⵏⴰⵡ ⴰⵎⵖⵔⴰⴱⵉ, ⵍⵍⵉ ⵢⴱⵉⴷⴷⵏ ⵅⴼ ⵜⴷⵔⴰⵡⵜ ⵏ ⵜⵎⵔⵉⵡⵜ ⵏ ⵜⵎⵏⴰⴹⵉⵏ ⴷ ⵜⴼⵔⴰⵏⵉⵏ ⵏ ⵡⴰⴽⴰⵍ ⴳ ⵓⵙⵙⵓⴼⵖ ⵏ ⵜⴳⵎⵉ ⵜⴰⴷⴼⴰⵏⵜ ⵅⴼ ⵓⵙⴱⵉⴷ ⵏ ⵜⴷⵉⵎⵓⵇⵕⴰⵟⵉⵜ ⴷ ⵜⵕⵡⵉ ⴷ ⵜⴷⵔⴰⵡⵜ.

ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵙⴳ ⵍⴱⴷⵓ ⵏ ⵓⵙⵔⴰⵙ ⵏ ⵓⵖⴰⵔⴰⵙ ⴰⴷ ⴳ ⵡⴰⴽⴰⵍ ⵏ ⵜⵍⴰⵡⵜ, ⴳ ⵍⴱⴷⵓ ⵏ ⵜⵙⴳⴰⵡⵉⵏ ⵜⵉⵚⵃⵕⴰⵡⵉⵏ ⵉⵜⵜⵓⴷⵡⴰⵍⵏ, ⵙ ⵓⴹⴼⴼⵉⵕ ⵏ ⵢⴰⵏ ⵓⵏⴰⵡ ⵏ ⵜⴳⵎⵉ ⴰⵖⵣⵓⵔⴰⵏ ⵉⵔⴰⵔⵏ ⵅⴼ ⵜⵓⵜⵔⴰⵡⵉⵏ ⵏ ⵜⵣⵍⴰⵢⵉⵏ ⵏⵏⵙ, ⵉⴱⵉⴷⴷⵏ ⵅⴼ ⵜⵙⴰⵔⵓⵜⵉⵏ ⵏ ⵜⵓⵚⴽⴰ, ⴳ ⵜⵏⴼⵔⵓⵜ ⵏ ⵉⵙⴰⴳⴳⵎⵏ ⴷ ⵜⵓⵜⵔⴰⵡⵉⵏ ⵏ ⵉⵎⵣⴷⴰⵖⵏ ⴳ ⵜⵎⵏⴰⴹⵜ ⴰⴷ.

ⴼ ⵖⵉⴽⴰⵏⵏ, ⵎⵇⵇⴰⵕ ⵉⵖ ⵏⵍⴽⵎ ⵓⵣⵣⵉⴳⵔ ⵏ ⵜⵙⴰⵡⵔⵜ ⵏ ⵜⵏⵎⵏⴰⴹⵜ ⵜⴰⵎⵉⵔⵉⵡⵜ, ⵔⴰⴷ ⴱⴷⴷⴰ ⵢⵇⵇⵓⵎⵓ ⴷⴷⵓ ⵏ ⵓⵙⵡⵉⵔ ⵉⵜⵜⵓⵔⵏⴰⵏ, ⴷ ⵉⵅⵚⵚⴰ ⴰⴷ ⵏⴻⵏⵏⵍ ⴳ ⵓⴳⵔⴰⵡ ⵏ ⵉⵎⴰⴽⵏ ⵉⵅⵚⵚⴰⵏ ⵉⵎⴰⵏⵏ ⴷ ⴰⴽⴷ ⴰⴷ ⵎⵔⴰ ⴰⴷ ⵢⴰⵙⵉ ⵜⵕⵡⵉ ⵏ ⵓⵙⴽⴰⵔ ⵏ ⵜⵎⵏⴰⴹⵉⵏ ⵉ ⴽⵔⴰ ⵢⴳⴰⵜⵜ ⵉⵣⵍⵉ ⵏⵏⵙⵏⵜ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ.

ⴼ ⵖⵉⴽⴰⵏⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⵔⴰ ⴰⴷ ⵜⴹⴼⵔ ⵜⵏⴱⴰⴹⵜ ⵜⵎⵏⵜⵜⴰⵜ ⵏ ⵜⵎⵙⴳⴳⴰⵔⵜ ⵓⵔ ⵉⵏⵓⵎⵎⵙⵏ ⴷ ⴰⴷ ⵜ ⵜⵙⵔⵙ ⴰⵎⵎⴰⵙ ⵏ ⵓⵙⵡⵉⵔ ⴰⵏⵎⵏⴰⴹ, ⴰⵛⴽⵓ ⵢⴳⴰ ⵜⵎⵙⴳⴳⴰⵔⵜ ⵓⵔ ⵉⵏⵓⵎⵎⵙⵏ ⵢⴰⵜ ⵜⵖⴰⵡⵙⴰ ⵍⵍⵉ ⵢⵅⵚⵚⴰⵏ ⵎⵔⴰ ⴰⴷ ⵜⵎⵓⵔⵙ ⵜⵙⵡⵓⵔⵜ ⵏ ⵜⵏⵎⵏⴰⴹⵜ ⵜⴰⵎⵉⵔⵉⵡⵜ.

Dernière modification : 20 ⴷⵓⵊⴰⵏⴱⵉⵔ 2019
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%A2%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B4%B7%E2%B5%A1%E2%B4%B0%E2%B5%8D-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F-%E2%B5%9C%E2%B5%8E%E2%B5%8F%E2%B4%B0%E2%B4%B9%E2%B5%9C