Published on MAPNews (https://www.mapnews.ma/am)

Accueil > ⵉⵙⴼⵓⴳⵍⴰ ⴰⵎⴰⴷⴰⵏ ⴰⵎⵖⵔⴰⴱⵉ ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⴼⵓⴳⵍⴰ ⴰⵎⴰⴷⴰⵏ ⴰⵎⵖⵔⴰⴱⵉ ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ

18 ⵏⵓⵡⴰⵏⴱⵉⵔ 2019 Version Imprimable
ⵕⵕⴱⴰⵟ -  ⵜⵙⴼⵓⴳⵍⴰ ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵓⴳⴷⵓⴷ ⴰⵎⵖⵔⵉⴱⵉ ⴰⵙⴽⴽⴰ ⴰⵙⵙ ⵏ ⵓⵙⵉⵏⴰⵙ , ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵍⵍⵉ ⵢⵉⵜⵜⵓⵙⵙⴰⵏⵏ ⵙ ⵜⵉⴳⴰⵡⵉⵏ ⵏⵏⵙ ⵥⵉⵍⵏⵉⵏ ⴷ ⵉⵎⵓⵙⵙⵓⵜⵏ ⵏⵏⵙ ⴳⴳⵓⵜⵏⵉⵏ ⵅⴼ ⵜⵏⴽⵔⴰ ⵙ ⵜⴷⴰⵎⵙⴰ ⵏ ⵓⵡⵏⴰⴹ ⴷ ⵜⵉⵡⵉⵙⵉ ⵜⴰⵏⴰⵎⵓⵏⵜ.

ⵉⴳⴰ ⴰⵙⵙ ⵏ 19 ⵏⵓⵡⴰⵏⴱⵉⵔ ⵏ ⴽⵔⴰ ⵢⴳⴰⵜ ⵓⵙⴳⴳⵯⴰⵙ ⵢⴰⵏ ⴰⵣⵎⵣⵣⵓ ⵉⵅⴰⵜⴰⵔⵏ ⵉⵎⵍⴰⵏ ⵉⴳⵉⵏ ⵉⴼⵓⵍⴽⵉⵏ ⵉⴳⴳⵓⵜⵏ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵎⴰⵢⴰⴷ ⵉⵜⵜⵓⵙⵙⴰⵏ ⵙ ⵡⴰⵙⵓⵖⵏ ⵏⵏⵙ ⵅⴼ ⵡⵉⵍⵍⵉ ⵎⵓ ⵉⵀⵔⵛ ⵓⵙⵓⵔⵙ ⵖ ⵍⵎⵖⵔⵉⴱ, ⴰⵛⴽⵓ ⵢⴳⴰ ⵢⴰⵜ ⵜⵎⵙⵙⵉⵍⵉⵜ ⵉⴳⴰⵏ ⵜⴰⵎⵙⴷⴷⵓⵔⵜ ⵖ ⵓⴼⵔⴰⴳ ⵏ ⵓⵡⵏⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ.

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⴰⵙⵙ ⵏ ⵓⴽⵕⴰⵙ ⴳ ⵓⵎⵎⴰⵙ ⴰⴳⵔⴰⵖⵍⴰⵏ ⵃⴰⵙⴰⵏ ⵡⵉⵙⵙ ⵙⵉⵏ ⵏ ⵓⵙⵎⵓⵜⴳ ⵏ ⵓⵡⵏⴰⴹ ⴳ ⴱⵓⵇⵏⴰⴷⵍ, ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⴽⵓⵙⵉⵏ ⵍⴰⵍⵍⴰ ⵃⵙⵏⴰ ⵏ "ⵜⵖⴰⵔⵉⵏ ⵜⵉⵙⵓⵍⴰⵏⵉⵏ" ⴳ ⵜⵡⴰⵍⴰ ⵏⵏⵙ ⵜⵉⵙⵙ ⴽⵕⴰⴹ (2019).

ⵜⵙⴳⵓⵔⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⴰⵔⴳ ⵏ ⵓⵡⵏⴰⴹ, ⴳ ⵜⵇⵇⵉⵛⵉⵜ ⵏ ⵜⵡⵓⵔⵉ ⵏ ⵓⵏⵣⵡⵉ ⵍⵍⵉ ⵢⵕⵥⵎⵏ ⵜⵡⵓⵔⵉⵡⵉⵏ ⵙⵏ ⴰⵙⵙ ⵏ ⵓⵢⵏⴰⵙ ⴳ ⵏⵢⵓⵢⵓⵔⴽ ⵅⴼ ⴰⵕⵥⵥⵓⵎ ⵏ ⵜⴰⵙⵜⴰⵢⵜ ⵉⴷⵓⵔⵏ ⵜⴰⵎⴰⵢⵏⵓⵜ ⵉⵔⴰⵏ ⴰⴷ ⵉⵎⵓⵙⵙⵓ ⴰⴳⵕⴹⵏ ⵏ ⵉⵄⵄⵔⵉⵎⵏ ⴳ ⵉⵡⴰⵏⴽⵏ ⵏ ⵓⴼⴼⵓⵙ ⵏ ⵓⵙⴱⴱⴷⵉ ⵏ ⵉⵙⵏⴼⵍ ⵏ ⵓⵏⵣⵡⵉ .

ⵜⵎⴰⴳⴳⴰⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⴰⵔⴳ ⵏ ⵓⵡⵏⴰⴹ, ⴰⵙⵙ ⵏ ⵓⵢⵏⴰⵙ ⴳ ⵏⵢⵓⵢⵓⵕⴽ, ⴷ ⵉⵎⵉⵔⵉ ⴰⵎⵙⴽⴰⵔ ⵏ ⵜⵎⵢⴰⵇⵇⴰⵏⵜ ⴰⵙⴰⵜⵉ ⵏ ⵜⵎⵜⵜⴰ ⵢⵎⴰⵏⵏ ⵅⴼ ⵉⵙⵏⴼⵍⵏ ⵏ ⵓⵏⵣⵡⵉ, ⵎⴰⵙⵙⴰ ⴱⴰⵜⵔⵉⵙⵢⴰ ⵉⵣⴱⵉⵏⵓⵣⴰ.

ⵕⵥⵎⵏⵜ ⴰⵙⵙ ⵏ ⵓⵢⵏⴰⵙ ⴳ ⵜⴼⴰⵡⵜ ⴳ ⵓⵙⵖⵉⵎ ⵏ ⵜⵎⵜⵜⴰ ⵢⵎⴰⵏⵏ ⴳ ⵏⵢⵓⵢⵓⵕⴽ ⵜⵡⵓⵔⵉⵡⵉⵏ ⵏ ⵜⵇⵇⵉⵛⵉⵜ ⵏ ⵜⵡⵓⵔⵉ ⵏ ⵓⵏⵣⵡⵉ ⵙ ⵜⴷⵔⴰⵡⵓⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⵍⵍⵉ ⵢⵙⵎⴷⵢⴰⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴰⵙⴽⴽⵉⵏ ⴰⵎⴰⴹⵍⴰⵏ ⵉⴷⴷⵓⵔⵏ ⴰⴷ, ⵍⵍⵉ ⵢⵔⴰⵏ ⴰⴷ ⵉⵙⴷⵓⵙ ⵓⵎⵓⵙⵙⵓ ⵏ ⵓⵏⴳⵔⴰⵡ ⴰⵎⴰⴹⵍⴰⵏ ⵏ ⵓⵙⴱⴷⴷⵉ ⵏ ⵉⵙⵏⴼⵍⵏ ⵏ ⵓⵏⵣⵡⵉ.

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⴰⵙⵙ ⵏ ⵓⵙⵉⵏⴰⵙ ⴳ ⴱⵓⵇⵏⴰⴷⵍ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵎⵎⴰⵙ ⵉⴳⵔⴰⵖⵍⴰⵏ ⵃⴰⵙⴰⵏ ⵡⵉⵙⵙ ⵙⵉⵏ ⵏ ⵓⵙⵎⵓⵜⵜⴳ ⵅⴼ ⵓⵡⵏⴰⴹ.

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴳ ⵢⵉⴹ ⵏ ⵓⵙⵉⵎⵡⴰⵙ ⴳ ⴼⴰⵙ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 25 ⵏ ⵓⵏⵎⵓⴳⴳⴰⵔ ⵏ ⴼⴰⵙ ⵏ ⵉⵥⴰⵡⴰⵏⵏ ⵉⵕⵓⵃⴰⵏⵉⵢⵏ ⵏ ⵓⵎⴰⴹⴰⵍ, ⵍⵍⵉ ⵢⵜⵜⵓⵙⴷⵓⵙⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵅⴼ ⵓⵙⴳⵓⵎ "ⴼⴰⵙ, ⴳ ⵓⵎⴰⴳⵔ ⵏ ⵜⵉⴷⵍⵙⴰⵏ".

ⵜⵙⵙⵉⵅⴼ ⵍⵍⴰⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴳⵍⴷⵓⵏⵜ ⵍⵍⴰⵍⴰ ⵃⵙⵏⴰ , ⴰⵙⵙ ⵏ ⵓⵙⵉⵏⴰⵙ ⴳ ⵜⴰⵙⵏⵏⵉⵖⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⴰⵥⵓⵕⵉ ⴰⵜⵔⴰⵔ , ⵓⵕⵥⵥⵓⵎ ⵏ ⵓⵙⴼⵙⴰⵔ ""ⵉⴽⵍⵓⵏ ⵜⴰⵙⵢⴰⴼⵉⵏ ..ⵜⵡⵓⵔⵉⵡⵉⵏ ⵜⵏⴰⵥⵓⵔⵉⵏ ⵜⵅⴰⵜⴰⵔⵉⵏ ⵏ ⵜⴰⵙⵏⵏⵉⵖⵜ ⵏ ⵓⵕⵚⴰⵢ" ⵍⵍⵉ ⵢⵜⵓⵙⵏⵎⴰⵍ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ , ⴷ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴼⵕⴰⵏⵚⵉⵚⵜ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵔⵓⵏ.

Dernière modification : 18 ⵏⵓⵡⴰⵏⴱⵉⵔ 2019
Source URL: https://www.mapnews.ma/am/activites-princieres/%E2%B5%89%E2%B5%99%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B4%B0%E2%B5%8E%E2%B4%B0%E2%B4%B7%E2%B4%B0%E2%B5%8F-%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89-%E2%B4%B0%E2%B5%99%E2%B5%99-%E2%B5%8F-%E2%B5%9C%E2%B5%8D%E2%B4%B0%E2%B5%8D%E2%B5%89%E2%B5%9C-%E2%B5%8F-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-0