Published on MAPNews (https://www.mapnews.ma/am)

Accueil > ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⵙⵙⵉⵅⴼ ⴳ ⴱⵓⵇⵏⴰⴷⵍ ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⴽⵓⵙⵉⵏ ⵍⴰⵍⵍⴰ ⵃⵙⵏⴰ ⵏ "ⵜⵖⴰⵔⵉⵏ ⵜⵉⵙⵓⵍⴰⵏⵉⵏ" 2019
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⵙⵙⵉⵅⴼ ⴳ ⴱⵓⵇⵏⴰⴷⵍ ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⴽⵓⵙⵉⵏ ⵍⴰⵍⵍⴰ ⵃⵙⵏⴰ ⵏ "ⵜⵖⴰⵔⵉⵏ ⵜⵉⵙⵓⵍⴰⵏⵉⵏ" 2019

13 ⵏⵓⵡⴰⵏⴱⵉⵔ 2019 Version Imprimable
ⴱⵓⵇⵏⴰⴷⵍ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⴰⵙⵙ ⵏ ⵓⴽⵕⴰⵙ ⴳ ⵓⵎⵎⴰⵙ ⴰⴳⵔⴰⵖⵍⴰⵏ ⵃⴰⵙⴰⵏ ⵡⵉⵙⵙ ⵙⵉⵏ ⵏ ⵓⵙⵎⵓⵜⴳ ⵏ ⵓⵡⵏⴰⴹ ⴳ ⴱⵓⵇⵏⴰⴷⵍ, ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⴽⵓⵙⵉⵏ ⵍⴰⵍⵍⴰ ⵃⵙⵏⴰ ⵏ "ⵜⵖⴰⵔⵉⵏ ⵜⵉⵙⵓⵍⴰⵏⵉⵏ" ⴳ ⵜⵡⴰⵍⴰ ⵏⵏⵙ ⵜⵉⵙⵙ ⴽⵕⴰⴹ (2019).

ⴷ ⵜⴹⴼⴰⵕ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⵓⵏⵜⵉⵎ ⴷⴷⵓ ⵏ ⵓⵣⵡⵍ  "ⴰⴳⴰⵔⵓ ⴷ ⵜⵎⵓⴽⵔⵉⵙⵉⵏ ⵏ ⵣⴱⵍ ⴰⴱⵍⵙⵜⵉⴽⵉ", ⵍⵍⵉ ⵙⴽⵔⵏ ⵉⵏⵖⵎⴰⵙⵏ ⵉⵄⵄⵔⵉⵎⵏ ⵅⴼ ⵓⵡⵏⴰⴹ, ⵓⵍⴰ ⴼⴽⴰⵏ ⵉⵏⵖⵎⴰⵙⵏ ⵉⵄⵄⵔⵉⵎⵏ ⴰⴷ ⵉⵙⵍⴽⵉⵏ ⵏ ⵜⵏⴽⵔⴰ ⵙ ⵓⴼⴰⵔⴽ ⵏ ⵓⵡⵏⴰⴹ ⴳ ⵉⴳⴰⵔⵓⵏ ⴷ ⵜⵖⴰⵔⵉⵏ, ⴷⴼⴼⵉⵔ ⵏ ⵓⵍⴰⵖⵉ ⵍⵍⵉ ⵜⵓⵣⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴼⴰⴷ ⵢⵉⵍⵉ ⵡⵎⵓⵙⵙⵓ ⴰⵏⴰⵎⵓⵔ ⵏ ⵓⵙⴱⵉⴷⴷ ⵏ ⵣⴱⵍ ⴰⴱⵔⴰⵙⵜⵉⴽⵉ ⴳ ⵉⵍⵍⵏ ⴷ ⵉⴳⴰⵔⵓⵏ.

ⴳ ⵓⵣⵎⵎⵣⵓ ⴷⵖ, ⵉⵜⵜⵓⵙⵎⵏⴰⴷ ⵢⴰⵏ ⵍⴼⵉⵍⵎ ⵉⵙⴰⵡⵍⵏ ⵅⴼ ⵜⵎⵀⵍⴰ "ⵀⴰⵛⵜⴰⴳ ⵉⵍⵍ ⴱⵍⴰ ⵡⴱⵔⴰⵙⵜⵉⴽ", ⴷ ⵉⵙⵍⴽⵉⵏ ⵅⴼ ⵜⵢⴰⴼⵓⵜⵉⵏ ⵏ ⵜⵎⵀⵍⴰ ⵢⴰⴷ ⵏ ⵎⴰⵙⵙ ⵃⴰⵙⴰⵏ ⴱⵔⴽⴰ, ⴰⵛⵛⴼ ⴰⵎⵖⵔⴰⴱⵉ ⵍⵍⵉ ⵢⵣⵔⵉⵏ ⵙⵎⵎⵓⵙ ⵉⵎⵏⵣⴰⵡⵏ ⵙ ⵓⵛⵛⴼ ⴷ ⵓⵎⴷⵔⴰⵡ ⵏ ⵜⵎⵔⵙⴰⵍⵜ, ⴷ ⵍⴼⵉⵍⵎ ⵅⴼ ⵉⵙⵎⵉⵏ ⵏ ⵜⵙⵎⵖⵓⵔⵉⵏ ⵏ ⵍⴰⵍⵍⴰ ⵃⵙⵏⴰ "ⵜⵉⵖⴰⵔⵉⵏ ⵜⵉⵙⵓⵍⴰⵏⵉⵏ" ⵎⴰⵢⴰⴷ ⵉⴳⴰⵏ "ⵉⵖⴰⵡⵙⵉⵏ ⵏ ⵉⵍⵍⵏ ⵉⵣⴷⴳⵉⵏ" ⴷ "ⵉⵛⵛⴰⵕⵏ ⴳ ⵓⵙⴰⵜⵉ ⵏ ⵜⵓⴷⵔⵜ" ⴷ "ⴰⴼⴰⵔⴽ ⴷ ⵓⵙⵜⵉⴳ ⵏ ⵓⵢⴷⴰ ⴰⴳⴰⵎⴰⵏ" ⴷ "ⴰⵙⴳⵎⵉ ⴷ ⵜⵉⵄⵄⵓⵔⵎⴰ" ⴷ "ⵜⴰⵎⵙⵜⵜⴳⴰⵔⵜ ⵜⵏⴰⵎⵓⵏⵜ ⴷ ⵓⵡⵏⴰⴹ ⵏ ⵜⵎⵏⴰⵍⴰⵢⵜⵉⵏ".

ⴼ ⵖⵉⴽⴰⵏⵏ, ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⵙⵎⵖⵓⵔⵉⵏ ⵏ ⵍⴰⵍⵍⴰ ⵄⵙⵏⴰ ⵏ "ⵜⵖⴰⵔⵉⵏ ⵜⵉⵙⵓⵍⴰⵏⵉⵏ" ⵉ ⵡⵉⵏⵏⴰ ⵢⵉⵡⵉⵏ ⵜⴽⵓⵙⵉⵏ, ⵎⴰⵢⴰⴷ ⵉⵙⵜⵉⴳⵏ ⵜⵡⵓⵔⵉⵡⵉⵏ ⵜⵅⴰⵜⴰⵔⵉⵏ ⵉⵜⵜⵓⵙⴽⴰⵔⵏ ⴳ ⵓⵙⴱⵖⵓⵔ ⵏ ⵙⵙⴰⵃⵉⵍ ⴰⵎⵎⴰⵙ ⵏ ⵙⵎⵎⵓⵙ ⵉⵙⵎⵉⵍⵏ ⴷⴰⵜ ⵏ ⴰⴽⴽⵯ ⵉⵎⵙⴽⴰⵔⵏ ⵍⵍⵉ ⵢⵍⵜⵖⵏ ⴳ ⵓⵔⴰⵢ ⴷ ⵓⴼⴰⵔⴽ ⴷ ⵜⵓⵙⵙⵏⴰ ⴷ ⵓⵙⴼⵔⴽ ⵏ ⵙⵙⴰⵃⵉⵍ, ⵉⵍⵍⴰ ⴳⵉⵙⵏ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵜⴼⵔⴰⵏⵉⵏ ⵏ ⵙⵙⴰⵃⵉⵍ ⴷ ⵜⵎⵙⵙⵏⵜⵉⵏ ⵏ ⵓⵙⵍⵉⴳ ⵓⵔ ⵉⴳⴷⵓⴷⴰⵏ ⴷ ⵉⵏⵍⵎⴰⴷⵏ ⴷ ⵉⵙⵍⵎⴰⴷⵏ ⴷ ⵓⵔⵣⵣⵓⵏ.

ⵍⵍⵉⵖ ⵜⵎⵎⴰ ⵜⴼⵓⴳⵍⴰ ⵢⴰⴷ, ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵜ ⵜⵡⵍⴰⴼⵜ ⵏ ⵓⵙⵙⴽⵜⵉ ⴷ ⵉⴳⵎⴰⵎⵏ ⵏ ⵜⵏⴱⴹⴰⵢⵜ ⵏ ⵜⵙⵎⵖⵓⵔⵉⵏ ⵍⴰⵍⵍⴰ ⵄⵙⵏⴰ "ⵜⵖⴰⵔⵉⵏ ⵜⵉⵙⵓⵍⴰⵏⵉⵏ" ⴷ ⵉⴳⵎⴰⵎⵏ ⵏ ⵓⴳⵔⴰⵡ "ⴰⵖⴰⵡⴰⵙ ⵏ ⵉⵍⵍⵏ ⵉⵣⴷⴳⵉⵏ" ⴷ ⵓⴳⵔⴰⵡ ⵏ ⵓⵛⵏⵢⴰⵍ ⴰⵏⵉⵍⵉ, ⴷ ⵉⵏⵖⵎⴰⵙⵏ ⵉⵄⵄⵔⵉⵎⵏ ⵅⴼ ⵓⵡⵏⴰⴹ.

Dernière modification : 14 ⵏⵓⵡⴰⵏⴱⵉⵔ 2019
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B4%B1%E2%B5%93%E2%B5%87%E2%B5%8F%E2%B4%B0%E2%B4%B7%E2%B5%8D-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%89%E2%B4%BD%E2%B4%BD%E2%B5%89-%E2%B5%8F