Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⴳ ⵎⵕⵕⴰⴽⵯⵛ ⵜⴰⴼⵓⴽⵍⴰ ⵜⴰⵙⴳⴷⵜ  ⵏ ⵓⴽⵜⵜⴰⵢ ⵏ ⵜⵍⴰⵍⵉⵜ ⵏ ⵏⵏⴱⵉ ⴰⵛⵛⵔⵉⴼ 
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⴳ ⵎⵕⵕⴰⴽⵯⵛ ⵜⴰⴼⵓⴽⵍⴰ ⵜⴰⵙⴳⴷⵜ  ⵏ ⵓⴽⵜⵜⴰⵢ ⵏ ⵜⵍⴰⵍⵉⵜ ⵏ ⵏⵏⴱⵉ ⴰⵛⵛⵔⵉⴼ 

09 ⵏⵓⵡⴰⵏⴱⵉⵔ 2019 Version Imprimable
ⵎⵕⵕⴰⴽⵯⵛ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵎⵕⵕⴰⴽⵯⵛ, ⵜⴰⴼⵓⴳⵍⴰ ⵜⴰⵙⴳⴷⵜ ⵏ ⵓⴽⵜⵜⴰⵢ ⵏ ⵉⴹ ⵏ ⵜⵍⴰⵍⵉⵜ ⵏ ⵏⵏⴱⵉ ⴰⵛⵛⵔⵉⴼ.

ⴳ ⵜⴼⵓⴳⵍⴰ ⵜⴰⵙⴳⴷⵜ ⴰⴷ, ⵍⵍⵉ ⵢⵙⵙⵏ ⵜⵖⵔⵉ ⵏ ⵍⴰⵢⴰⵜ ⵏ ⵍⵇⵓⵕⴰⵏ ⴷ ⵉⵣⵍⵉⵏ ⵏ ⵓⵙⵎⵖⵔ ⵏ ⵏⵏⴱⵉ ⴰⵛⵛⵔⵉⴼ, ⵉⵎⵍⴰ ⵎⴰⵙⵙ ⴰⵃⵎⴰⴷ ⵜⵜⴰⵡⴼⵉⵇ, ⴰⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⵢⴰⵏ ⵓⴼⵙⴰⵔ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵅⴼ ⵜⵎⴰⵖⵓⵏⵜ ⵏ ⵉⵎⵓⵙⵙⵓⵜⵏ ⵏ ⵓⵙⵇⵇⵉⵎ ⴰⵎⴰⵙⵙⴰⵏ ⴰⵏⴰⴼⵍⵍⴰ ⴷ ⵉⵙⵇⵇⵉⵎⵏ ⵉⵎⴰⵙⵙⴰⵏⵉⵏ ⵉⴷⵖⵔⴰⵏⵉⵏ, ⵓⵍⴰ ⵜⵙⵏⵜⴰⵢⵉⵏ ⵍⵍⵉ ⵢⵙⴽⵔ ⵎⵔⴰ ⴰⴷ ⵉⵏⴽⵔ ⵙ ⵜⵖⴰⵡⵙⴰ ⵜⴰⵙⴳⴷⵜ, ⴷⴰⵜ ⴰⴷ ⵉⵙⵎⵏⵉⴷ ⵉ ⴱⴰⴱ ⵏ ⵡⴰⴷⴷⵓⵔ ⵜⴰⵏⴰⴹⵜ ⵜⵎⵙⴳⴳⵯⴰⵙⵜ ⵏ ⵜⵎⴰⵖⵓⵏⵜ ⴰⴷ.

ⴷ ⵉⵙⵙⵣⵔⵉ ⵡⵎⴰⵡⵙⴰⵙ ⴳ ⵜⵙⴳⵓⵔⵉ ⵏⵏⵙ ⵎⴰⴷ ⵉⵜⵜⵓⵙⴽⴰⵔⵏ ⴳ ⵓⵙⴳⴳⵯⴰⵙ ⴰⴷ ⵉⵣⵔⵉⵏ, ⴰⴼⴰⴷ ⴰⴷ ⵉⵣⵣⵓⵣⵔ ⵍⵇⵓⵕⴰⵏ ⴷ ⴰⴷ ⵉⵜⵜⵓⴼⵔⴰⴽ ⴰⵡⴰⵍ ⵏ ⵏⵏⴱⵉ ⴰⵛⵛⵔⵉⴼ, ⵓⵍⴰ ⵎⵛⵜⴰ ⵏ ⵜⵙⵏⵜⴰⵢⵉⵏ ⵏ ⵓⵙⵇⵇⵉⵎ ⴰⵎⴰⵙⵙⴰⵏ ⴰⵏⴰⴼⵍⵍⴰ, ⵓⵍⴰ ⵡⴼⴰⵔⴽ ⵢⴰⵜⵜⵓⵢⵏ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵢⵎⵙⴽⴰⵔⵏ ⵉⵙⴳⴷⵏⵏ ⴷ ⵜⵎⵣⵉⴳⵉⴷⴰ ⴷ ⵓⵙⵍⵎⴰⴷ ⴰⵇⴱⵓⵔ.

ⴷⴼⴼⵉⵔ ⴰⴷ, ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵙⵎⵖⵓⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵖⵕ ⵏ ⵓⵅⵎⵎⴻⵎ ⴷ ⵜⵖⵓⵔⵉⵡⵉⵏ ⵜⵉⵙⵍⴰⵎⵉⵏ, ⵙ ⵉⵙⵙⵉⴽⵙⵉⵍ, ⵉ ⵎⴰⵙⵙ ⵎⵚⵟⴰⴼⴰ ⵍⴱⵃⵢⴰⵡⵉ ⵙⴳ ⵜⵖⵔⵎⵜ ⵏ ⵟⴰⵏⵊⴰ ⴷ ⵎⴰⵙⵙ ⵃⴰⵎⵉⴷ ⴱⵏ ⵍⵃⴰⵊⵊ ⵙⵙⵍⵎⵉ ⵙⴳ ⵜⵖⵔⵎⵜ ⵏ ⴼⴰⵙ.

ⴷ ⵉⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵃⴰⵜⵉⵎ ⴱⵏ ⵄⴱⴷⵍⵍⴰⵀ ⴱⵏ ⵙⴰⵄⴷ ⴱⵏ ⵔⴰⵢⵣⴰ ⵙⴳ ⵙⵙⴰⵄⵓⴷⵢⵢⴰ, ⵍⵍⵉ ⵢⵓⵎⵥⵏ ⴷⴰⵔ ⵜ ⵜⴰⵙⵎⵖⵓⵔⵜ ⵜⴰⴳⵔⴰⵖⵍⴰⵏⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵃⵙⵓ ⵏ ⵍⵇⵓⵕⴰⵏ ⵍⴽⴰⵔⵉⵎ.

ⴷ ⵉⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵎⵓⵃⵎⵎⴷ ⵎⵉⴼⵜⴰⵃ ⴼⴰⵔⵉⴷ ⵙⴳ ⵜⴳⴷⵓⴷⴰⵏⵜ ⵏ ⴰⵏⴷⵓⵏⵉⵙⵢⴰ, ⵍⵍⵉ ⵢⴰⵜ ⵉⴼⴽⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵙⵎⵖⵓⵔⵜ ⵜⴰⴳⵔⴰⵖⵍⴰⵏⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵜⵊⵡⵉⴷ ⴷ ⵓⵃⵙⵓ ⵏ ⵍⵇⵓⵕⴰⵏ ⵍⴽⴰⵔⵉⵎ (ⵙⵎⵎⵓⵙ ⵏ ⵍⴰⵃⵣⴰⴱ).

ⴷ ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵙⵎⵖⵓⵔⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⵏⵥⵓⵕⵉ ⵏ ⵜⵡⵏⵖⴰ ⵜⴰⵎⵖⵔⴰⴱⵉⵜ ⵉ ⵎⴰⵙⵙ ⵍⵄⵔⴱⵉ ⵜⵓⵔⴰⴽ ⵙⴳ ⵜⵖⵔⵎⵜ ⵏ ⵎⴽⵏⴰⵙ, ⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⵙⵎⵖⵓⵔⵜ ⵏ ⵓⵎⵓⵔⵙ ⴳ ⵜⵏⵥⵓⵔⵉ ⵏ ⵜⵡⵏⵖⴰ ⵜⴰⵎⵖⵔⴰⴱⵉⵜ ⵉ ⵎⴰⵙⵙ ⵢⵓⵙⴼ ⵚⵚⵓⵚⵉ ⵄⴰⵍⴰⵡⵉ ⵙⴳ ⵜⵖⵔⵎⵜ ⵏ ⴹⴹⴰⵕⵍⴱⵉⴹⴰ.

ⴷⴼⴼⵉⵔ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵙⵎⵖⵓⵔⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵙⵎⵖⴰⵔⵜ ⴳ ⵜⵏⴰⵥⵓⵔⵉ ⵏ ⵣⵣⵅⵔⴰⴼⴰ ⵜⴰⵎⵖⵔⴰⴱⵉⵜ ⵅⴼ ⵓⴼⵔⴽⵓⴽ ⵉ ⵎⴰⵙⵙ ⵄⵜⵎⴰⵏ ⴼⴰⵙⵉ ⴼⵉⵀⵔⵉ ⵙⴳ ⵜⵖⵔⵎⵜ ⵏ ⴼⴰⵙ, ⴷ ⵜⵙⵎⵖⵓⵔⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵎⵓⵔⵙ ⴳ ⵜⵏⵥⵓⵔⵉ ⵏ ⵣⵣⵅⵔⴰⴼⴰ ⵜⴰⵎⵖⵔⴰⴱⵉⵜ ⵅⴼ ⵓⴼⵔⴽⵓⴽ ⵉ ⵎⴰⵙⵙ ⵣⴰⴽⴰⵔⵉⵢⵢⴰ ⵎⵙⵍⴽ ⵙⴳ ⵜⵖⵔⵎⵜ ⴰⵏⵏ ⵏⵉⵜ.

ⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵙⵎⵖⵓⵔⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵖⵔ ⴳ ⵜⵏⵥⵓⵔⵉ ⵏ ⵓⵙⴽⴽⵉⵍ ⴰⵄⵕⴰⴱ ⵉ ⵎⴰⵙⵙ ⵍⵃⴰⵙⴰⵏ ⵃⴰⵢⴹⴰⵕⴰ ⵙⴳ ⵜⵖⵔⵎⵜ ⵏ ⵎⵕⵕⴰⴽⵯⵛ, ⴷ ⵜⴰⵙⵎⵖⵓⵔⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵎⵓⵔⵙ ⴳ ⵜⵏⵥⵓⵔⵉ ⵏ ⵓⵙⴽⴽⵉⵍ ⵉ ⵎⴰⵙⵙ ⵄⴱⴷⵍⴼⵜⵜⴰⵃ ⵀⵔⵔⴰⵡⵉ ⵙⴳ ⵜⵖⵔⵎⵜ ⵏ ⴱⵏⴳⵔⵉⵔ.

ⴷⴷⴼⵉⵔ ⴰⴷ, ⵣⵓⵍⵏ ⵍⴰⵎⵉⵔ ⵏ ⵉⵎⵓⵎⵎⵏ ⵉⴳⵎⴰⵎⵏ ⵏ ⵜⵙⵎⵖⵓⵔⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵅⵎⵎⴻⵎ ⴷ ⵜⵖⴰⵔⵉⵡⵉⵏ ⵜⵉⵙⵍⴰⵎⵉⵢⵏ, ⵎⴰⵙⵙ ⵎⵓⵃⵎⵎⴷ ⵍⴽⵜⵜⴰⵏⵉ ⴷ ⵎⵓⵃⵎⵎⴷ ⵢⵙⵙⴼ ⴷ ⵎⵚⵟⴰⴼⴰ ⴱⵏ ⵃⵎⵣⴰ, ⴷ ⴷⵔⵉⵙ ⵅⴰⵍⵉⴼⴰ, ⴷ ⴰⵃⵎⴰⴷ ⵛⴰⵡⵇⵉ ⴱⵉⵏⴱⵉⵏ, ⴷ ⴰⵃⵎⴰⴷ ⵛⵃⵍⴰⵏ, ⴷ ⵄⴱⴷⵍⵃⴰⵎⵉⴷ ⵍⵄⴰⵍⴰⵎⵉ, ⴷ ⴰⵃⵎⴰⴷ ⵇⵙⵟⴰⵙ.

ⵃⴰⴹⵕⵏ ⴳ ⵜⴼⵓⴽⵍⴰ ⵏ ⵓⵙⴳⴷ ⴰⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵉⵏⵙⵙⵉⵅⴼⵏ ⵏ ⵙⵉⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⴷ ⵉⵎⵛⴰⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ, ⴷ ⵉⵏⵙⵙⵉⵅⴼⵏ ⵏ ⵉⵏⴳⵎⴰⵎⵏ ⵉⴷⵓⵙⵜⵓⵔⵉⵢⵏ, ⴷ ⵉⵎⵇⵕⴰⵏⵏ ⵏ ⴹⴹⵓⴱⴰⵟ ⵏ ⵍⵉⵟⴰ ⵎⴰⵊⵓⵕ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⴳⵍⴷⴰⵏⵉⵏ, ⴷ ⵉⴳⵎⴰⵎⵏ ⵏ ⵉⵎⵉⵔ ⴰⴷⵉⴱⵍⵓⵎⴰⵙⵉ ⵉⵙⵙⵓⵖⵥⴰⵏⵏ ⴳ ⵕⵕⴱⴰⵟ, ⴷ ⵎⵏⵏⴰⵡ ⵏ ⵎⴷⴷⵏ ⵢⴰⴹⵏⵉⵏ ⵉⵖⵔⵉⵎⵏ ⴷ ⵉⵄⵚⴽⵕⵉⵢⵏ.

Dernière modification : 09 ⵏⵓⵡⴰⵏⴱⵉⵔ 2019
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F-%E2%B4%B3-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%AF%E2%B5%9B-%E2%B5%9C%E2%B4%B0%E2%B4%BC%E2%B5%93%E2%B4%BD%E2%B5%8D%E2%B4%B0-%E2%B5%9C%E2%B4%B0%E2%B5%99%E2%B4%B3%E2%B4%B7%E2%B5%9C%C2%A0-%E2%B5%8F-%E2%B5%93%E2%B4%BD%E2%B5%9C%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%8D%E2%B4%B0%E2%B5%8D%E2%B5%89%E2%B5%9C-%E2%B5%8F-%E2%B5%8F%E2%B5%8F%E2%B4%B1%E2%B5%89-%E2%B4%B0%E2%B5%9B%E2%B5%9B%E2%B5%94%E2%B5%89%E2%B4%BC%C2%A0