Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵉⵏⴰⵡ ⵢⴰⵜⵜⵓⵢⵏ ⴳ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 44 ⵏ ⵜⵡⴰⴷⴰ ⵜⴰⵣⴳⵣⴰⵡⵜ
  1. Accueil
  2. ⵉⵏⴰⵡⵏ ⴷ ⵜⵓⵣⵉⵏⵉⵏ ⵏ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵉⵏⴰⵡ ⵢⴰⵜⵜⵓⵢⵏ ⴳ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 44 ⵏ ⵜⵡⴰⴷⴰ ⵜⴰⵣⴳⵣⴰⵡⵜ

06 ⵏⵓⵡⴰⵏⴱⵉⵔ 2019 Version Imprimable
ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ, ⵢⴰⵏ ⵉⵏⴰⵡ ⵢⴰⵜⵜⵓⵢⵏ ⴳ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 44 ⵏ ⵜⵡⴰⴷⴰ ⵜⴰⵣⴳⵣⴰⵡⵜ.

ⴰⵎⵎⴰⵙ ⵏ ⵉⵏⴰⵡ ⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⵡⴰⴷⴰ ⵜⴰⵣⴳⵣⴰⵡⵜ ⵜⵙⵓⵍ ⵢⴰⵜ ⵜⵡⵏⵏⵉⵜ ⵉⵅⴰⵜⴰⵔⵏ ⵉⵎⵍⴰⵏ ⵜⴰⵎⵢⴰⵎⴰⵣⵜ ⵉⵙⵎⴰⵏⵏ ⵓⴷⴰⴱⵓ ⴷ ⵓⵎⴰⴷⴰⵏ, ⴷ ⵉⵙ ⵜⴳⴰ ⵢⴰⵜ ⵜⵡⴰⴷⴰ ⵜⴰⵎⵖⵍⴰⵍⵜ, ⴰⵛⴽⵓ ⵉⵎⴰⵏ ⵍⵍⵉ ⵢⵥⴹⴰⵕⵏ ⴰⴷ ⵜⴷⵡⵍ ⵚⵚⵃⵕⴰ ⵜⴰⵎⵖⵔⴰⴱⵉⵜ ⴳ ⵓⵙⴳⴳⵯⴰⵙ ⵏ 1975 ⵏⵜⵜⴰⵜ ⴰⴷ ⴰⵏⵖ ⵢⵓⵊⵊⴰⵏ ⵖ ⴰⵙⵙ ⴰⴷ, ⴰⴷ ⵏⴻⵏⴽⵔ ⵙ ⵜⴳⵎⵉ ⵏ ⴰⴽⴽⵯ ⵜⵎⵏⴰⴹⵉⵏ ⵏ ⵜⴳⵍⴷⵉⵜ.

ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵙ ⵉⵙⴷⵓⵙ ⵓⵙⵍⵡⴰⵏ ⴰⴷ ⵜⴰⵔⵏⵓⵜ ⵏ ⵉⵡⴰⵏⴽⵏ ⵍⵍⵉ ⵓⵔ ⵉⵙⵙⵏⵏ ⵙ ⵓⴳⵔⴰⵡ ⴰⴷ ⴰⴽⴽⵯ ⵓⵔ ⵉⵍⵍⵉⵏ, ⵍⵍⵉ ⵉⵣⵔⵉⵏ ⴳ ⴰⵙⵙ ⴰⴷ 163 ⵓⵡⴰⵏⴽ.

ⴰⵙ ⴰⴽⵓⴷ ⴰⵏⵏ, ⵉⵜⵜⵓⵙⵏⴼⴰⵍ ⵓⵖⴰⵡⴰⵙ ⵏ ⵜⴳⵍⴷⵉⵜ ⴰⵍⵍⵉⵖ ⵓⵔ ⴰⴽⴽⵯ ⵏⵎⵓⵔⵙ ⵎⴰⵙ ⵕⵕⴱⴰⵟ ⵜⵍⵍⴰ ⴳ ⵓⵣⵣⵓⵔ ⵏ ⵉⵣⵣⵍⵎⴹ ⴷ ⴰⴳⴰⴷⵉⵔ ⵜⴳⴰ ⴰⵎⵎⴰⵙ ⵏ ⵜⵎⴰⵣⵉⵔⵜ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴷ ⵉⵖⵕⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⴰⴷ ⴰⴷ ⵉⵜⵜⵓⵅⵎⵎⴻⵎ ⵙ ⵢⴰⵜ ⵜⴱⵔⵉⴷⵜ ⵉⴼⵓⵍⴽⵉⵏ ⴰⴷ ⵢⵉⵍⵉ ⵡⵙⵎⵓⵏ ⵏ ⵎⵕⵕⴰⴽⵯⵛ ⴷ ⵓⴳⴰⴷⵉⵔ ⵙ ⵢⴰⵏ ⵓⵣⵔⵉⴳ ⵏ ⵓⴱⵔⵉⴷ ⵏ ⵡⵓⵣⵣⴰⵍ, ⵙ ⵓⵙⴰⴳⴳⵯⵎ ⵏ ⵓⵙⵙⵓⵙⵄⵓ ⵏ ⵓⴱⵔⵉⴷ ⴰⴷ ⴰⴼ ⴰⴷ ⵉⵃⴱⵓ ⴰⴽⴽⵯ ⵜⵎⵏⴰⴹⵉⵏ ⵏ ⵉⴼⴼⵓⵙ, ⴷ ⵓⵏⵏⴰⵍ ⵏ ⵜⵣⵟⵟⴰ ⵏ ⵉⴱⵔⴷⴰⵏ ⵍⵍⵉ ⵔⴰⴷ ⵜⵜⵓⵙⴷⵓⵙ ⵙ ⵓⴱⵔⵉⴷ ⵓⵖⴰⵡⵍ ⴳⵔ ⴰⴳⴰⴷⵉⵔ ⴷ ⴷⴷⴰⵅⵍⴰ.

ⵔⴰⴷ ⵉⴼⵓⴽⴽⵓ ⵡⵣⵔⵉⴳ ⴰⴷ ⴰⴳⴳⵓⴳ ⵅⴼ ⵜⵙⴳⵉⵡⵉⵏ ⴰⴷ, ⴷ ⵔⴰⴷ ⵙⵓⵍ ⵉⵏⴽⵔ ⵙ ⵜⴳⵎⵉ ⴷ ⵔⴰⴷ ⵉⵙⵙⵃⵕⵛ ⵜⴷⵎⵙⴰ, ⵎⴰⴷ ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ .

ⵉⵅⵚⵚⴰ ⴰⴷ ⵜⴳ ⵜⵎⵏⴰⴹⵜ ⵏ ⵙⵓⵙ-ⵎⴰⵙⵙⴰ ⵢⴰⵏ ⵓⵎⵎⴰⵙ ⴰⴷⵎⵙⴰⵏ, ⵉⵙⵎⴰⵏⵏ ⵉⵣⵣⵍⵎⴹ ⵏ ⵍⵎⵖⵔⵉⴱ ⴷ ⵉⴼⴼⵓⵙ ⵏⵏⵙ, ⵙⴳ ⵟⴰⵏⵊⴰ ⴳ ⵉⵣⵣⵍⵎⴹ ⴰⴷ ⵡⵊⴷⴰ ⴳ ⵇⴱⵍⵜ ⴰⵔ ⵜⵙⴳⵉⵡⵉⵏ ⵏⵏⵖ ⵉⵚⵃⵕⴰⵡⵉⵢⵏ, ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ. 

ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵉⵔⴰ ⴰⴷ ⵜⵉⵍⵉ ⵜⴳⵎⵉ ⵢⴰⵙⵜⵡⴰⵏ ⴷ ⵉⵙⵓⵎⵓⵏ ⴳⵔ ⴰⴽⴽⵯ ⵜⵙⴳⵉⵡⵉⵏ ⵏ ⵜⴳⵍⴷⵉⵜ, ⵓⵍⴰ ⵢⵔⴰ ⴰⴷ ⵉⵍⵉⵏ ⵜⵓⵇⵇⵏⵉⵏ ⵉⵅⴰⵜⴰⵔⵏ ⴷ ⵉⵡⴰⵏⴽⵏ ⵏ ⵍⵎⵖⵔⵉⴱ ⴰⵎⵇⵕⴰⵏ ⴷ ⵉⴼⵔⵉⵇⵉⵢⵏ ⴷ ⵉⵄⵕⴰⴱⵏ ⴷ ⵓⵕⵓⴱⴱⵉⵢⵏ. 

ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⴰⵔⴳⴳ ⴷ ⵜⴳⵎⵉ ⵉⴷⵔⵓⵜⵏ ⴰⴷ ⵉⴳⴰⵏ ⵍⵄⴷⵓ ⵢⵛⵛⴰⵔⵏ ⵍⵍⵉ ⵢⵓⵜⵏ ⵙⵎⵎⵓⵙ ⵏ ⵉⵡⴰⵏⴽⵏ ⵏ ⵍⵎⵖⵔⵉⴱ ⴰⵎⵇⵕⴰⵏ.   

ⵜⴳⴰ ⵚⵚⵃⵕⴰ ⵜⴰⴳⴳⵓⵔⵜ ⵏ ⵍⵎⵖⵔⵉⴱ ⵙ ⵉⴼⵔⵉⵇⵢⴰ ⵏ ⵉⴼⴼⵓⵙ ⵏ ⵜⵏⵣⵔⵓⴼⵜ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⴼⵔⴰ ⵢⵏⵏⴰ ⵎⴰⵙ ⵉⵙⵔⵙ ⵓⵎⵏⵥⴰⵡ ⴰⴼⵔⵉⵇⵉ ⴰⵎⵎⴰⵙ ⵏ ⵜⵙⵔⵜⵉⵜ ⵜⴰⴱⵕⵕⴰⵏⵉⵜ ⵙⴳ ⵍⵍⵉⵖ ⵉⵖⵍⵉ ⵙ ⵓⴷⴰⴱⵓ, ⵉⵙⴽⵔ ⴼ ⵖⵉⴽⴰⵏⵏ ⵎⵏⵏⴰⵡ ⵏ ⵉⵣⵔⴼⴰⵏ ⵉ ⵎⵏⵏⴰⵡ ⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ, ⴷ ⵉⵙⴳⵎⴹ ⵅⴼ ⵍⴰⵃⵡⴰⵍ ⵏ 1.000 ⵜⵎⵢⴰⵇⵇⴰⵏⵜ ⵉⵃⴱⴰⵏ ⴽⵔⴰ ⵢⴳⴰⵜⵜ ⵉⴳⵔ ⵏ ⵓⵎⵢⴰⵡⴰⵙ.    

ⵜⵉⵡⵉ ⵜⵖⴰⵡⵙⴰ ⵢⴰⴷ ⵢⴰⵏ ⵕⵕⵛⵎ ⵉⴼⵓⵍⴽⵉⵏ ⴰⵎⵎⴰⵙ ⵏ ⵓⴷⵖⴰⵔ ⴰⴷⵎⵙⴰⵏ ⴷ ⴰⵙⵔⵜⴰⵏ ⴷ ⴰⴷⵍⵙⴰⵏ ⴷ ⴰⵙⴳⴷⴰⵏ ⵏ ⵍⵎⵖⵔⵉⴱ ⴳ ⵓⴳⵏⵙⵓ ⵏ ⵓⵎⵏⵥⴰⵡ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵉⵏⴰⵡ ⵏⵏⵙ.

ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵉⵙ ⵉⵔⴰ ⴰⴷ ⵢⴰⵊⵊ ⵍⵎⵖⵔⵉⴱ ⴰⴷ ⵉⴳ ⵢⴰⵏ ⵓⵎⵙⴽⴰⵔ ⵉⴷⴷⵓⵔⵏ ⴳ ⵜⵓⵚⴽⴰ ⵏ ⵉⴼⵔⵉⵇⵢⴰ ⵏ ⵉⵎⴰⵍ.  

ⵉⵏⵏⴰ ⵙⵓⵍ ⵎⴰⵙ ⵏⵟⵟⴰⴼ ⴽⵓⵍⵍⵓ ⵢⴰⵏⵖ ⴰⵣⵓⵛⵛⵍ ⵏ ⵓⵃⵟⵟⵓ ⵅⴼ ⵓⴳⵣⵣⵓⵎ ⴰⵏⴰⵎⵓⵔ ⴷ ⵏ ⵡⴰⴽⴰⵍ, ⵓⵍⴰ ⴰⴷ ⵏⴻⵏⴽⵔ ⵙ ⵜⴳⵎⵉ ⵉⵃⴱⴰⵏ ⴽⵔⴰ ⵢⴳⴰⵜⵜ ⵜⵙⴳⴰ ⴳ ⵜⵎⴰⵣⵉⵔⵜ. 

ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵙⵓⵍ ⵏⴳⴰ ⵉⵎⵙⵜⴳⴳⴰⵔⵏ ⴰⴷ ⵏⵙⴷⴷⵉⴷ ⵜⵓⵇⵇⵏⵉⵏ ⵜⵉⵏⴼⴳⴰⵏⵉⵏ ⴷ ⵜⵉⴷⵎⵙⴰⵏⵉⵏ ⴷ ⵜⵉⵙⵔⵜⴰⵏⵉⵏ ⵍⵍⵉ ⵢⵙⵎⴰⵏⵏ ⵍⵎⵖⵔⵉⴱ ⴷ ⵉⵡⴰⵏⴽⵏ ⵉⴼⵔⵉⵇⵉⵢⵏ. 

Dernière modification : 06 ⵏⵓⵡⴰⵏⴱⵉⵔ 2019
Source URL: https://www.mapnews.ma/am/discours-messages-sm-le-roi/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B4%B3-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F