Published on MAPNews (https://www.mapnews.ma/am)

Accueil > ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵉⵎⴹⴰⴽⴰⵕⵏ ⴳ ⵟⵓⴽⵢⵓ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵍⵢⴰⴱⴰⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵉⵎⴹⴰⴽⴰⵕⵏ ⴳ ⵟⵓⴽⵢⵓ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵍⵢⴰⴱⴰⵏ

24 ⴽⵟⵓⴱⵕ 2019 Version Imprimable
ⵟⵓⴽⵢⵓ - ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵍⵍⵉ ⵢⵙⵎⴷⵢⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴳ ⵜⴼⵓⴳⵍⴰ ⵏ ⵓⵖⵍⵉ ⵙ ⵓⴷⴰⴱⵓ ⵏ ⵍⵉⵎⴱⵕⴰⵟⵓⵕ ⴰⵢⴰⴱⴰⵏⵉ ⴰⵎⴰⵢⵏⵓ ⴰⵙⵙ ⵏ ⵓⴽⵡⴰⵙ ⴳ ⵜⵎⵣⴷⵓⵖⵜ ⵜⵉⵎⴱⵕⴰⵟⵓⵕⵉⵜ ⴰⴽⴰⵙⴰⴽⴰ ⴳ ⵟⵓⴽⵢⴰ, ⵉⵎⴹⴰⴽⴰⵕⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴰⵢⴰⴱⴰⵏⵉ ⵎⴰⵙⵙ ⵛⵉⵏⵣⵓ ⴰⴱⵉ.

ⴳ ⵉⵎⴹⴰⴽⴰⵕⵏ ⴰⴷ, ⵉⵙⵏⵉⵎⵔ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴰⵢⴰⴱⴰⵏⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵅⴼ ⵜⴷⵔⴰⵡⵜ ⵏⵏⵙ ⴳ ⵜⴼⵓⴳⵍⴰ ⵏ ⵓⵙⵔⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⵍⵉⵎⴱⵕⴰⵟⵓⵕ ⵏⴰⵔⵓⵀⵉⵜⵓ.

ⴷ ⵉⵙⵎⵖⵔ ⵎⴰⵙⵙ ⴰⴱⵉ ⴰⵍⴰⵢ ⴰⴷⵎⵙⴰⵏ ⴷ ⴰⵏⴰⵎⵓⵏ ⴷ ⴰⵏⴼⴳⴰⵏ ⵍⵍⵉ ⵢⵜⵜⵓⵙⴽⴰⵔⵏ ⴳ ⵜⴳⵍⴷⵉⵜ ⴷⴷⵓ ⵏ ⵜⵏⵙⵙⵉⵅⴼⵜ ⵉⴼⵓⵍⴽⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴷ ⵉⵙⴰⵡⵍ  ⵅⴼ ⵜⵏⴽⵔⴰ ⵙ ⵓⵎⵢⴰⵡⴰⵙ ⴰⴷⵎⵙⴰⵏ ⵏⴳⵔ ⵕⵕⴱⴰⵟ ⴷ ⵟⵓⴽⵢⵓ.

ⵉⵃⴰⴹⵕ ⴳ ⵓⵎⴰⴳⵔ ⴰⴷ, ⵙⵍⴰⵡⴰⵏ ⴰⴽⴽⵯ, ⵓⵎⵙⵇⴰⴷ ⵏ ⵜⴳⵍⴷⵉⵜ ⴳ ⵍⵢⴰⴱⴰⵏ ⵎⴰⵙⵙ ⵕⴰⵛⴰⴷ ⴱⵓⵀⵍⴰⵍ.

ⵉⵙⵎⴷⵢⴰ ⵢⴰⴷ ⵍⵍⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⴼⵓⴳⵍⴰ ⵏ ⵓⵙⵔⵙ ⵏ ⵉⵎⴱⵕⴰⵟⵓⵕ ⵏ ⵍⵢⴰⴱⴰⵏ ⴰⵎⴰⵢⵏⵓ ⵏⴰⵔⵓⵀⵉⵜⵓ, ⵍⵍⵉ ⵢⵙⴽⵔⵏ ⴰⵙⵙ ⵏ ⵓⵙⵉⵏⴰⵙ ⵉⵣⵔⵉⵏ  ⴳ ⵜⴳⴰⴷⵉⵔⵜ ⵜⵉⵎⴱⵕⴰⵟⵓⵕⵉⵜ ⴳ ⵟⵓⴽⵢⵓ.

ⴳ ⴰⵙⵙ ⵏ ⵓⵙⵉⵏⴰⵙ ⴰⵏⵏ, ⵉⵃⴰⴹⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵜⴳⴰⴷⵉⵔⵜ ⵜⵉⵎⴱⵕⴰⵟⵓⵕⵉⵜ ⴳ ⵟⵓⴽⵢⵓ, ⴳ ⵢⴰⵏ ⵉⵎⵏⵙⵉ ⵍⵍⵉ ⵢⵙⴽⵔ ⵍⵉⵎⴱⵕⴰⵟⵓⵕ ⴰⵢⴰⴱⴰⵏⵉ ⴰⵎⴰⵢⵏⵓ ⵏⴰⵔⵓⵀⵉⵜⵓ ⵙ ⵓⵣⵎⵎⵣⵓ ⵏ ⵓⵎⴰⵥ ⵏ ⵓⴷⴰⴱⵓ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⵃⴰⴹⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵉⴹ ⵍⵍⵉ ⵏ ⴰⵙⵙ ⵓⴽⵕⴰⵙ, ⴳ ⵜⵎⵣⴷⵓⵖⵜ ⵜⴰⵎⴱⵕⴰⵟⵓⵕⵉⵜ ⵏ ⴰⴽⴰⵙⴰⴽⴰ ⴳ ⵟⵓⴽⵢⵓ, ⵢⴰⵜ ⵜⴰⴼⵓⴽⵍⴰ ⵏ ⴰⵜⴰⵢ ⵍⵍⵉ ⵢⵙⴽⵔ ⵍⵉⵎⴱⵕⴰⵟⵓⵕ ⵏ ⵍⵢⴰⴱⴰⵏ ⴰⵎⴰⵢⵏⵓ ⵏⴰⵔⵓⵀⵉⵜⵓ ⵅⴼ ⴰⴷⴷⵓⵔ ⵏ ⵉⴳⵍⴷⴰⵏⵏ ⴷ ⵉⴼⵔⴷⵉⵙⵏ ⵏ ⵜⵡⵊⵊⴰⵏ ⵜⵉⴳⵍⴷⴰⵏⵏ ⵍⵍⵉ ⵃⴰⴹⵕⵏ ⴳ ⵜⴼⵓⴳⵍⴰ ⵏ ⵓⵎⴰⵥ ⵏ ⵓⴷⴰⴱⵓ.

Dernière modification : 24 ⴽⵟⵓⴱⵕ 2019
Source URL: https://www.mapnews.ma/am/activites-princieres/%E2%B5%89%E2%B5%99%E2%B4%BD%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95%E2%B5%8F-%E2%B4%B3-%E2%B5%9F%E2%B5%93%E2%B4%BD%E2%B5%A2%E2%B5%93-%E2%B4%B7-%E2%B5%93%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99