ⵉⵃⴰⴹⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵟⵓⴽⵢⵓ ⵜⴰⴼⵓⴳⵍⴰ ⵏ ⴰⵜⴰⵢ ⵍⵍⵉ ⵢⵙⴽⵔ ⵍⵉⵎⴱⵕⴰⵟⵓⵕ ⵏ ⵍⵢⴰⴱⴰⵏ ⵙ ⵓⵣⵎⵎⵣⵓ ⵏ ⵓⵎⴰⵥ ⵏ ⵓⴷⴰⴱⵓ

23 ⴽⵟⵓⴱⵕ 2019 Version Imprimable

ⵟⵓⴽⵢⵓ - ⵉⵃⴰⴹⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⴽⵕⴰⵙ ⴳ ⵜⵎⵣⴷⵓⵖⵜ ⵜⴰⵎⴱⵕⴰⵟⵓⵕⵉⵜ ⵏ ⴰⴽⴰⵙⴰⴽⴰ ⴳ ⵟⵓⴽⵢⵓ, ⵢⴰⵜ ⵜⴰⴼⵓⴽⵍⴰ ⵏ ⴰⵜⴰⵢ ⵍⵍⵉ ⵢⵙⴽⵔ ⵍⵉⵎⴱⵕⴰⵟⵓⵕ ⵏ ⵍⵢⴰⴱⴰⵏ ⴰⵎⴰⵢⵏⵓ ⵏⴰⵔⵓⵀⵉⵜⵓ ⵅⴼ ⴰⴷⴷⵓⵔ ⵏ ⵉⴳⵍⴷⴰⵏⵏ ⴷ ⵉⴼⵔⴷⵉⵙⵏ ⵏ ⵜⵡⵊⵊⴰⵏ ⵜⵉⴳⵍⴷⴰⵏⵏ ⵍⵍⵉ ⵃⴰⴹⵕⵏ ⴳ ⵜⴼⵓⴳⵍⴰ ⵏ ⵓⵎⴰⵥ ⵏ ⵓⴷⴰⴱⵓ.

ⵙⵏⴼⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵓⵣⵎⵎⵣⵓ ⴷⵖ ⵉⵣⵓⵍⵏ ⴷ ⴱⴰⴱ ⵏ ⵡⴰⴷⴷⵓⵔ ⵍⵉⵎⴱⵕⴰⵟⵓⵕ ⵏⴰⵔⵓⵀⵉⵜⵓ ⴷ ⵜⵉⵎⴱⵕⴰⵟⵓⵕⵜ ⵎⴰⵙⴰⴽⵓ ⵓⵍⴰ ⵍⵉⵎⴱⵕⴰⵟⵓⵕ ⵉⵣⵔⵉⵏ ⴰⴽⵉⵀⵉⵜⵓ ⴷ ⵜⵎⵖⴰⵔⵜ ⵏⵏⵙ ⵎⵉⵜⵛⵉⴽⵓ.

ⵉⵙⵎⴷⵢⴰ ⵢⴰⴷ ⵍⵍⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⴼⵓⴳⵍⴰ ⵏ ⵓⵙⵔⵙ ⵏ ⵉⵎⴱⵕⴰⵟⵓⵕ ⵏ ⵍⵢⴰⴱⴰⵏ ⴰⵎⴰⵢⵏⵓ ⵏⴰⵔⵓⵀⵉⵜⵓ, ⵍⵍⵉⵖ ⵃⴰⴹⵕⵏ ⵓⴳⴳⴰⵔ ⵏ 2.500 ⵏ ⵉⵎⵖⵕⴰⵏ ⵙⴳ 190 ⵜⵎⴰⵣⵉⵔⵜ, ⵍⵍⴰⵏ ⴳⵉⵙⵏ ⵎⴷⴷⵏ ⵏ ⴱⵕⵕⴰ ⴳ ⵓⵙⵡⵉⵔ ⵢⴰⵜⵜⵓⵢⵏ ⴷ ⵉⴼⵔⴷⵉⵙⵏ ⵏ ⵜⵡⵊⴰⵏ ⵜⵉⴳⵍⴷⴰⵏⵉⵏ.

Dernière modification : 23 ⴽⵟⵓⴱⵕ 2019

Source URL: https://www.mapnews.ma/am/activites-princieres/%E2%B5%89%E2%B5%83%E2%B4%B0%E2%B4%B9%E2%B5%95-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B3-%E2%B5%9F%E2%B5%93%E2%B4%BD%E2%B5%A2%E2%B5%93-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B4%B0%E2%B5%9C%E2%B4%B0%E2%B5%A2-%E2%B5%8D%E2%B5%8D%E2%B5%89-%E2%B5%A2%E2%B5%99%E2%B4%BD%E2%B5%94