Published on MAPNews (https://www.mapnews.ma/am)

Accueil > ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴼⵓⴳⵍⴰ ⵏ ⵓⵙⵔⵙ ⵏ ⵉⵎⴱⵕⴰⵟⵓⵕ ⴰⵎⴰⵢⵏⵓ ⵏ ⵍⵢⴰⴱⴰⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴼⵓⴳⵍⴰ ⵏ ⵓⵙⵔⵙ ⵏ ⵉⵎⴱⵕⴰⵟⵓⵕ ⴰⵎⴰⵢⵏⵓ ⵏ ⵍⵢⴰⴱⴰⵏ

22 ⴽⵟⵓⴱⵕ 2019 Version Imprimable
ⵟⵓⴽⵢⵓ - ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⴼⵓⴽⵍⴰ ⵏ ⵓⵙⵔⵙ ⵏ ⵉⵎⴱⵕⴰⵟⵓⵔ ⵏ ⵍⵢⴰⴱⴰⵏ ⴰⵎⴰⵢⵏⵓ ⵏⴰⵔⵓⵀⵉⵜⵓ ⵍⵍⵉ ⵢⵙⴽⵔⵏ ⴰⵙⵙ ⵏ ⵓⵙⵉⵏⴰⵙ ⴳ ⵜⴰⴳⴰⴷⵉⵔⵜ ⵜⵉⵎⴱⵕⵟⵓⵕⵉⵜ ⴳ ⵟⵓⴽⵢⵓ .

ⵉⵃⴰⴹⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵢⴰⵜ ⵜⴼⵓⴳⵍⴰ ⵍⵍⵉⵖ ⵉⵍⵙⴰ ⵍⵉⵎⴱⵕⴰⵟⵓⵕ ⴰⵎⴰⵢⵏⵓ, ⵍⵍⵉ ⴷⴰⵔⵜ ⵉⵍⵍⴰⵏ 59 ⵓⵙⴳⴳⵯⴰⵙ, ⵉⵄⴱⴰⵏ ⵉⵇⴱⵓⵕⵏ ⵙⴳ ⵓⵣⵎⵣ ⵏ ⵀⵢⴰⵏ (ⵜⴰⵙⵓⵜ ⵜⵉⵙⵙ 8 - 12) ⴷ ⵍⵍⵉⵖ ⵢⴰⵎⵥ ⵓⴷⴰⴱⵓ ⵏ ⵍⵢⴰⴱⴰⵏ.  

ⵖ ⵖⵉⴽⴰⵏⵏ, ⴱⴷⴰⵏⵜ ⵍⵎⴰⵕⴰⵚⵉⵎ ⵏ ⵜⴼⵓⴳⵍⴰ ⵙ ⵓⴽⵛⴰⵎ ⵏ ⵉⴼⵔⴷⵉⵙⵏ ⵏ ⵜⵡⵊⴰ ⵜⵉⵎⴱⵕⴰⵟⵓⵕⵉⵜ ⵉ ⵜⵣⵇⵇⴰ ⵙ ⵓⵃⵕⵛ ⵉⵥⵥⴰⵢⵏ, ⵍⵍⵉ ⵢⵍⵙⴰⵏ ⵉⵄⴱⴰⵏ ⵉⵇⴱⵓⵔⵏ ⵉⴷⴷⵓⵔⵏ ⵍⵍⵉ ⵢⵜⵜⵓⵙⴽⴰⵔⵏ ⴳ ⵓⵣⵎⵎⵣⵓ ⴷⵖ.

ⴷⴼⴼⵉⵔ ⵍⵍⵉⵖ ⵉⵖⵍⵉ ⵡⵙⵏⵜⵍ ⵅⴼ ⵙⵉⵏ ⵉⴷⴰⴱⵓⵏ ⵏ ⴽⵔⴰ ⵢⴳⴰⵜⵜ ⵉⵎⴱⵕⴰⵟⵓⵕ ⵏⴰⵔⵓⵀⵉⵜⵓ ⴷ ⵜⵎⵖⴰⵔⵜ ⵏⵏⵙ ⵜⵉⵎⴱⵕⴰⵟⵓⵕⵜ ⵎⴰⵙⴰⴽⵓ, ⵉⵜⵜⵓⵙⵔⴰⵙ "ⵜⴰⴽⴰⵎⵉⴽⵓⵔⴰ" ⴷ "ⵎⵉⵛⵡⵓⴷⴰⵢ" ⴳ ⵜⴷⴽⴽⵯⴰⵏⵜ ⵉⵣⵍⵉⵏ ⵏ ⵓⵔⵖ.

ⵉⵏⵏⴰ ⵍⵉⵎⴱⵕⴰⵟⵓⵕ ⴰⵎⴰⵢⵏⵓ ⵏⴰⵔⵓⵀⵉⵜⵓ ⴳ ⵜⵙⴳⵓⵔⵉ ⵏ ⵓⵎⴰⵣ ⵏ ⵓⴷⴰⴱⵓ "ⵉ ⵜⵎⴰⵣⵉⵔⵜ ⴷ ⵓⵎⴰⴹⴰⵍ, ⴰⵔ ⵜⵜⵉⵏⵉⵖ ⵎⴰⵙ ⵖⵍⵉⵖ ⵙ ⵓⴷⴰⴱⵓ".

ⵃⴰⴹⵕⵏ ⴳ ⵍⵎⴰⵕⴰⵚⵉⵎ ⵏ ⵓⵙⵔⵙ ⴳ ⵜⵣⵇⵇⴰ ⵏ ⵜⵢⴷⴰ ⵉⵍⵍⴰⵏ ⴳ ⵓⵎⵎⴰⵙ ⵏ ⵜⴳⴰⴷⵉⵔⵜ ⵜⵉⵎⴱⵕⴰⵟⵓⵕⵉⵜ ⵓⴳⴳⴰⵔ ⵏ 2.500 ⵏ ⵉⵎⵖⵕⴰⵏ ⵙⴳ 190 ⵜⵎⴰⵣⵉⵔⵜ, ⵍⵍⴰⵏ ⴳⵉⵙⵏ ⵎⴷⴷⵏ ⵏ ⴱⵕⵕⴰ ⴳ ⵓⵙⵡⵉⵔ ⵢⴰⵜⵜⵓⵢⵏ ⴷ ⵉⴼⵔⴷⵉⵙⵏ ⵏ ⵜⵡⵊⴰⵏ ⵜⵉⴳⵍⴷⴰⵏⵉⵏ.

 

 

Dernière modification : 22 ⴽⵟⵓⴱⵕ 2019
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%8E%E2%B4%B7%E2%B5%A2%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-0