Published on MAPNews (https://www.mapnews.ma/am)

Accueil > ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⵎⴰⵕⴰⵚⵉⵎ ⵉⵎⴰⴷⴷⵓⴷⵏ ⵏ ⵓⵎⵢⴰⴹⴰⵍ ⵏ ⵓⵏⵙⵙⵉⵅⴼ ⴰⴼⵕⴰⵏⵚⴰⵡⵉ ⵢⵣⵔⵉⵏ ⵊⴰⴽ ⵛⵉⵕⴰⴽ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⵎⴰⵕⴰⵚⵉⵎ ⵉⵎⴰⴷⴷⵓⴷⵏ ⵏ ⵓⵎⵢⴰⴹⴰⵍ ⵏ ⵓⵏⵙⵙⵉⵅⴼ ⴰⴼⵕⴰⵏⵚⴰⵡⵉ ⵢⵣⵔⵉⵏ ⵊⴰⴽ ⵛⵉⵕⴰⴽ

30 ⵛⵓⵜⴰⵏⴱⵉⵔ 2019 Version Imprimable
ⴱⴰⵔⵉⵣ - ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⵢⵏⴰⵙ ⴳ ⴱⴰⵔⵉⵣ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵍⵎⴰⵕⴰⵚⵉⵎ ⵉⵎⴰⴷⴷⵓⴷⵏ ⵏ ⵓⵎⵢⴰⴹⴰⵍ ⵏ ⵉⴳⴳⵍⵉⵏ ⵓⵏⵙⵙⵉⵅⴼ ⵉⵣⵔⵉⵏ ⵏ ⴼⵕⴰⵏⵚⴰ, ⵊⴰⴽ ⵛⵉⵕⴰⴽ, ⵍⵍⵉ ⵢⵜⵜⵓⵙⴽⴰⵔⵏ ⴳ ⵜⵎⵣⵣⴰⵍⵓⵜ ⵏ ⵉⵕⵓⵎⵉⵢⵏ ⵙⴰⵏ ⵙⵓⵍⴱⵉⵙ.

ⵍⵍⵉⵖ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⵎⴰⵢⴰⴷ ⵉⵎⴰⵏⵏ ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ ⴰⵎⴰⴹⵍⴰⵏ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⵢⵓⴼⴰ ⴳ ⵓⵙⵏⵓⴱⴳ ⵏⵏⵙ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴰⴼⵕⴰⵏⵚⴰⵡⵉ, ⵎⴰⵙⵙ ⵉⴷⵡⴰⵔⴷ ⴼⵉⵍⵉⴱ.

ⵢⵓⵎⵥ, ⴷⴼⴼⵉⵔ ⵏ ⵖⵉⴽⴰⵏⵏ, ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵏⵙⴰ ⵏⵏⵙ ⵜⴰⵎⴰ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ, ⵏ ⵜⵏⴱⴰⴹⵉⵏ ⴷ ⵉⵎⵙⵜⴳⴳⴰⵔⵏ ⵢⴰⵜⵜⵓⵢⵏ ⵍⵍⵉ ⵢⵓⵛⴽⴰⵏ ⵙ ⴼⵕⴰⵏⵚⴰ ⴰⴼ ⴰⴷ ⵙⵎⵖⵔⵏ ⵓⵏⵙⵙⵉⵅⴼ ⵛⵉⵕⴰⴽ.

ⵉⵙⵙⵉⵅⴼ ⵓⵎⴰⴹⴰⵍ ⴰⵎⵇⵕⴰⵏ ⴰⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴰⴼⵕⴰⵏⵚⴰⵡⵉⵜ, ⵎⴰⵙⵙ ⵉⵎⴰⵏⵡⵉⵍ ⵎⴰⴽⵕⵓⵏ, ⵙ ⵜⵉⵍⵉⵜ ⵏ ⵜⵡⵊⵊⴰ ⴷ ⵉⵎⴷⴷⵓⴽⴰⵍ ⵏ ⵉⴳⵍⵍⵉⵏ ⵛⵉⵕⴰⴽ.  

ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵉⴼⵕⴰⵏⵚⴰⵡⵉⵏ, ⵍⵍⵉ ⴳⵉⵜⵏ ⵉⵍⵍⴰⵏ ⵉⵏⵙⵙⵉⵅⴼⵏ ⵉⵣⵔⵉⵏ ⵏ ⵜⴳⴷⵓⴷⴰⵏⵜ ⵎⴰⵙⵙ ⴼⵕⴰⵏⵚⵡⴰ ⵀⵓⵍⴰⵏⴹ ⴷ ⵎⴰⵙⵙ ⵏⵉⴽⵓⵍⴰ ⵙⴰⵕⴽⵓⵣⵉ ⴷ ⵎⴰⵙⵙ ⴼⴰⵍⵉⵔⵉ ⵊⵉⵙⴽⴰⵕ ⴷⵉⵙⵜⴰⵏ, ⴷⵔⴰⵏ ⵓⵍⴰ ⵏⵏⵜⵏⵉ ⴳ ⵓⵎⴰⴹⴰⵍ ⴰⵎⵇⵕⴰⵏ ⴰⴷ.

ⵉⵎⵎⵓⵜ ⵢⴰⴷ ⵍⵍⵉ ⵡⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴼⵕⴰⵏⵚⵉⵚⵜ ⵉⵣⵔⵉⵏ, ⵊⴰⴽ ⵛⵉⵔⴰⴽ, ⴰⵙⵙ ⵏ ⵓⴽⵡⴰⵙ ⴳ ⵓⵡⵜⵜⴰⵢ ⵏⵏⵙ 86 ⵓⵙⴳⴳⵯⴰⵙ, ⵎⴰⵢⴰⴷ ⵏⵏⴰⵏ ⵉⵎⴰⵙⵙⵏ ⵏ ⵜⵏⵖⵎⵉⵙⵜ ⵉⴼⵕⴰⵏⵚⵉⵚⵏ ⵍⵍⵉ ⴷ ⵢⵉⵡⵉⵏ ⵍⴰⵅⴱⴰⵕ ⴷⴰⵔ ⵜⴰⵡⵊⴰ ⵏⵏⵙ.

ⴷ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⴰⴱⵔⴰⵜ ⵏ ⵓⴼⵛⴰⴷ ⵉ ⵡⵏⵙⵙⵉⵅⴼ ⴰⴼⵕⴰⵏⵚⴰⵡⵉ, ⵎⴰⵙⵙ ⵉⵎⴰⵏⵡⵉⵍ ⵎⴰⴽⵔⵓⵏ, ⴷⴼⴼⵉⵔ ⵍⵍⵉⵖ ⵉⵎⵎⵓⵜ ⵎⴰⵙⵙ ⵊⴰⴽ ⵛⵉⵔⴰⴽ, ⴰⵏⵙⵙⵉⵅⴼ ⵉⵣⵔⵉⵏ ⵏ ⵜⴳⴷⵓⴷⴰⵏⵜ ⵜⴼⵕⴰⵏⵚⵉⵚⵜ, ⵉⵙⵎⵖⵔ ⴳⵉⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ "ⴰⵙⴽⵜⵉ ⵏ ⵢⴰⵏ ⵓⵔⴳⴰⵣ ⵏ ⵓⵡⴰⵏⴽ ⴰⵎⵇⵔⴰⵏ ⵍⵍⵉ ⵢⴼⴽⴰⵏ ⵜⵓⴷⵔⵜ ⵏⵏⵙ ⵉ ⵜⵙⵔⵜⵉⵜ ⵙ ⵢⴰⵜ ⵜⵡⵍⴰⴼⵜ ⵜⴰⴷⵓⵙⵜ ⴷ ⵉⴼⵓⵍⴽⵉⵏ ⴷ ⵜⴰⵡⵓⵔⵉ ⵜⴰⵙⵓⵍⴰⵏⵜ ⵅⴼ ⵜⴰⵅⴰⵜⴰⵔⵜ ⵏ ⵜⵓⴷⵔⵜ ⵏ ⵉⵏⵎⵓⵔⵉⵏ ⵏⵏⵙ.

Dernière modification : 30 ⵛⵓⵜⴰⵏⴱⵉⵔ 2019
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%8E%E2%B4%B7%E2%B5%A2%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94