Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴰⴱⵔⴰⵜ ⵉ ⵢⵎⴷⵔⴰⵡⵏ ⴳ ⵜⵇⵇⵉⵛⵉⵜ ⵏ ⵜⵡⵓⵔⵉ ⵏ ⵓⵏⵣⵡⵉ 2019 ⴳ ⵏⵢⵓⵢⵓⵕⴽ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴰⴱⵔⴰⵜ ⵉ ⵢⵎⴷⵔⴰⵡⵏ ⴳ ⵜⵇⵇⵉⵛⵉⵜ ⵏ ⵜⵡⵓⵔⵉ ⵏ ⵓⵏⵣⵡⵉ 2019 ⴳ ⵏⵢⵓⵢⵓⵕⴽ

23 ⵛⵓⵜⴰⵏⴱⵉⵔ 2019 Version Imprimable
ⵜⵎⵜⵜⴰ ⵢⵎⴰⵏⵏ (ⵏⵢⵓⵢⵓⵔⴽ) - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵜⴰⴱⵔⴰⵜ ⵉ ⵢⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ "ⵜⵡⵓⵔⵉ ⵏ ⵓⵏⵣⵡⵉ 2019", ⵍⵍⵉ ⵢⵕⵥⵎⵏ ⵜⵡⵓⵔⵉⵡⵉⵏ ⵏⵏⵙ ⴰⵙⵙ ⵏ ⵓⵢⵏⴰⵙ ⴳ ⵓⵙⵖⵉⵎ ⵏ ⵜⵎⴰⵍⴰⵢⵜ ⵏ ⵜⵎⵜⵜⴰ ⵢⵎⴰⵏⵏ ⴳ ⵏⵢⵓⵢⵓⵕⴽ.

ⴰⵎⵎⴰⵙ ⵏ ⵜⴱⵔⴰⵜ ⴰⴷ ⵍⵍⵉ ⵜⵖⵕⴰ ⵍⴰⵍⵍ ⵏ ⵜⵓⵜⵜⴰⵢⵜ ⵜⴰⴳⵍⴷⴰⵏⵜ ⵜⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⴰⵔⴳ ⵏ ⵓⵡⵏⴰⴹ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵡⴰⵅⴰ ⵓⵔ ⴰⵔ ⵜⵙⵙⵓⴼⵓⵖ ⵜⴳⵍⴷⵉⵜ ⴰⴳⴳⵓⴳ ⵉⵅⵛⵏⵏ ⵉ ⵡⵏⵣⵡⵉ, ⵜⵙⵖⵏ ⴰⴷ ⵜⵙⴳⴳⵓⵣ ⴰⴳⴳⵓⴳ ⵏⵏⵙ ⴳ ⵓⵎⵏⵉⴷ ⵏ 2030 ⵙ ⵓⵙⵖⵍ ⵏ 42%, ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵉⵜⵜⵓⵥⵍⴰⵏ ⴳ ⵓⵙⵡⵉⵔ ⴰⵏⴰⵎⵓⵔ ⴳ ⵉⴳⵔ ⴰⴷ.

ⵜⵖⵜⵙ ⵜⵎⴰⵣⵉⵔⵜ ⵏⵏⵅ ⴳ ⵡⴰⵢⵢⵓⵔ ⵉⵣⵔⵉⵏ ⴰⴷ ⵜⵙⵙⵖⵍⵉ ⵜⵓⵎⵔⵜ ⵏ ⵜⵥⴹⴰⵕⵜ ⵉⵜⵜⵓⵙⵎⵢⴰⵏⵓⵏ ⴳ ⵜⵢⴰⴼⵓⵜ ⵏ ⵓⵙⵉⴷ ⴰⵏⴰⵎⵓⵔ ⵎⵔⴰ ⴰⴷ ⵜⵍⴽⵎ ⵙ 52% ⴳ ⵓⵎⵏⵉⴷ ⵏ 2030, ⵎⴰ ⵢⴰⴷ ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ.

ⴰⵔ ⵜⵎⵔⵔⴰⵜ ⵉⴼⵔⵉⵇⵢⴰ ⵙⴳ ⵜⵍⴽⴰⵎⵉⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⵢⴰⴷ, ⴷ ⵉⵅⵚⵚⴰ ⴰⴷ ⵜⵟⵟⴼ ⵜⴰⵎⵣⵡⴰⵔⵓⵜ ⴳ ⵜⵡⵓⵔⵉ ⵉⵛⵛⴰⵔⵏ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴳ ⵓⵙⴰⵜⵉ ⵢⴰⴷ, ⵜⵕⵥⵎ ⵜⵇⵇⵉⵛⵉⵜ ⵏ ⵜⵡⵓⵔⵉ ⵜⵉⴼⵔⵉⵇⵉⵜ ⵜⴰⵎⵣⵡⴰⵔⵓⵜ, ⵍⵍⵉ ⵢⵎⴰⵏⵏ ⴳ ⵎⵕⵕⴰⴽⵯⵛ, ⵢⴰⵜ ⵜⴰⴷⵉⵏⴰⵎⵉⵜ ⵜⴰⵎⵣⵡⴰⵔⵓⵜ ⵙⵍⴰⵡⴰⵏ ⴰⴽⴽⵯ ⴳ ⵓⵣⵣⵉⴳⵔ ⵏ ⵙⵉⵏ ⵉⵙⴳⵔⴰⵡⵏ ⵏ ⵓⵏⵣⵡⵉ ⵉⴼⵔⵉⵇⵉⵢⵏ ⵏ ⴰⴳⵔⵔⵓ ⵏ ⵍⴽⵓⵏⴳⵓ ⴷ ⵜⵙⴳⴰ ⵏ ⵙⵙⴰⵃⵉⵍ, ⵎⴰ ⵢⴰⴷ ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ.

ⴷ ⵉⵙⴽⵔ ⵍⵎⵖⵔⵉⴱ, ⵙ ⵓⵎⵢⴰⵡⴰⵙ ⵏ ⵜⵎⵉⵣⴰⵔ ⵜⵉⴳⵎⴰⵜⵉⵏ ⴳ ⵓⵎⵏⵣⴰⵡ, ⴰⵕⵥⵥⵓⵎ ⵏ "ⵜⴰⵙⵏⵜⴰⵢⵜ ⵏ ⵓⵙⵙⴽⵍ ⵏ ⵜⵏⴼⵍⴰⵃⵜ ⵜⵉⴼⵔⵉⵇⵉⵜ ⴷ ⵉⵙⵏⴼⵍⵏ ⵏ ⵓⵏⵣⵡⵉ", ⴷ ⵜⴰⵙⵏⵜⴰⵢⵜ ⵏⵏⵙ ⴷ ⵉⵜⵢⵓⴱⵢⴰ ⴰⴼ ⴰⴷ ⵉⵜⵜⵓⵙⴽⴰⵔ ⴰⵎⵓⵍⵍⵉ ⵏ ⵓⴽⵛⵓⵎ ⵙ ⵜⵥⴹⵕⴰ ⵜⴰⵙⵓⵍⴰⵏⵜ ⵉⴳⴰⵏ ⵉ ⵢⵡⴰⵏⴽⵏ ⵓⵔ ⴱⴰⵀⵔⴰ ⵓⵣⵣⵉⴳⵉⵣⵏ, ⵙⵍⴰⵡⴰⵏ ⴰⴽⴽⵯ ⴳ ⵉⴼⵔⵉⵇⵢⴰ, ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵜⵙⵙⵓⴼⵖ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⴰⵔⴳ ⵏ ⵓⵡⵏⴰⴹ, ⴷ ⵉⵎⴷⵔⴰⵡⵏ ⵏⵏⵙ, "ⴰⵥⵟⵟⴰ ⵏ ⵜⵄⵄⵓⵔⵎⴰ ⵜⵉⴼⵔⵉⵇⵉⵜ ⵅⴼ ⵓⵏⵣⵡⵉ", ⵎⵔⴰ ⴰⴷ ⵜⵙⵙⵖⵍⵉ ⵜⵏⵙⵙⵉⵅⴼⵜ ⴷ ⵓⵙⵎⴰⵢⵏⵓ ⴷ ⴰⴷ ⵜⵎⵍ ⵜⵉⵍⴰⵍⵉⵜ ⵉⴼⵓⵍⴽⵉⵏ ⵏ ⵜⵄⵄⵓⵔⵎⴰ ⵜⵉⴼⵔⵉⵇⵉⵜ, ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴷ ⵉⵇⵇⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴱⵔⴰⵜ ⵏⵏⵙ ⵎⴰⵙ ⵉⵏⵏⴰ ⴳ ⵓⵙⴰⵜⵉ ⴷⵖ, ⵜⴰⵇⵇⵉⵛⵉⵜ ⵏ ⵓⵏⵣⵡⵉ ⵜⵎⵣⵡⴰⵔⵓⵜ ⵉⴳⴰ ⵉ ⵢⵄⵔⵔⵉⵎⵏ ⴰⵔ ⵜⵉⵡⵉ ⵜⵜⴰⴼⴰⴻⵓⵍ, ⴷ ⵜⵔⴰ ⴰⴷ ⴰⵢⵜ ⵏⴼⴽ ⴰⵏⵏⴰⵍ ⵙ ⵢⴰⵜ ⵜⵡⵍⴰⴼⵜ ⵉⴼⵓⵍⴽⵉⵏ.

Dernière modification : 24 ⵛⵓⵜⴰⵏⴱⵉⵔ 2019
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%A2%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B5%87%E2%B5%87%E2%B5%89%E2%B5%9B%E2%B5%89%E2%B5%9C-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B5%8F-%E2%B5%93%E2%B5%8F%E2%B5%A3%E2%B5%A1%E2%B5%89-2019-%E2%B4%B3