Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴰⴱⵔⴰⵜ ⵉ ⵢⵎⴷⵔⴰⵡⵏ ⴳ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⴷⵡⴰⵍ ⴰⵏⴰⵎⵓⵔ ⵏ ⵜⴳⵎⵉ ⵜⴰⵏⴼⴳⴰⵏⵜ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴰⴱⵔⴰⵜ ⵉ ⵢⵎⴷⵔⴰⵡⵏ ⴳ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⴷⵡⴰⵍ ⴰⵏⴰⵎⵓⵔ ⵏ ⵜⴳⵎⵉ ⵜⴰⵏⴼⴳⴰⵏⵜ

19 ⵛⵓⵜⴰⵏⴱⵉⵔ 2019 Version Imprimable
ⵚⵚⵅⵉⵕⴰⵜ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴰⴱⵔⴰⵜ ⵉ ⵢⵎⴷⵔⴰⵡⵏ ⴳ ⵜⵙⵓⵜⵍⵜ ⵜⴰⵎⵣⵡⵔⵓⵜ ⵏ ⵓⴷⵡⴰⵍ ⴰⵏⴰⵎⵓⵔ ⵏ ⵜⴳⵎⵉ ⵜⵏⴼⴳⴰⵏⵜ ⵍⵍⵉ ⵢⵕⵣⵎⵏ ⴰⵙⵙ ⵏ ⵓⴽⵡⴰⵙ ⵖ ⵚⵚⵅⵉⵕⴰⵜ ⴷⴷⵓ ⵏ ⵓⴱⵓⵔⵣ "ⵜⵉⵎⵥⵉ ⵏ ⵣⵉⴽⴽ: ⴰⵙⵓⵖⵏ ⵅⴼ ⵉⵎⴰⵍ".

ⴰⵎⵎⴰⵙ ⵏ ⵜⴱⵔⴰⵜ ⴰⴷ ⵍⵍⵉ ⵢⵖⵕⴰ ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵏⵙⵓ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵙ ⵉⵙⵡⵔ ⵓⴷⵡⴰⵍ ⴰⵏⴰⵎⵓⵔ ⵏ ⵜⴳⵎⵉ ⵜⴰⵏⴼⴳⴰⵏⵜ ⵉⵡⵜⵜⴰⵙⵏ ⵢⴰⵜⵜⵓⵢⵏ ⴷ ⵜⵉⵔⴰⵜⵉⵏ ⵉⵅⴰⵜⴰⵔⵏ ⵍⵍⵉ ⵢⵙⵔⵙⵏ ⴰⵏⴰⵎⵓⵔ ⴰⵎⵖⵔⴰⴱⵉ ⴳ ⵓⵎⵎⴰⵙ ⵏ ⵜⵎⵀⵍⴰ ⵏ ⵜⴳⵎⵉ, ⴷ ⴰⴷ ⵉⴳ ⴰⵡⵜⵜⴰⵙ ⵉⴷⵍⵙⴰⵏ ⵏ ⵜⵙⵔⵜⴰⵏⵉⵏ ⵜⵉⴳⴷⵓⴷⴰⵏⵉⵏ, ⵙⴳ ⵜⵉⵣⵉ ⵏ ⵓⴼⴳⴰⵏ ⴷ ⵓⵙⴷⴷⵓⵙ ⵏⵏⵙ. 

ⵉⵣⵔⴼⴰⵏ ⵉⵙⵔⵜⴰⵏⵉⵏ ⴷ ⵉⵖⵔⵎⴰⵏⵉⵏ ⵓⵔ ⵔⴰⴷ ⴰⵙⵉⵏ ⵉⵎⵏⵉⴷⵏ ⵏⵏⵙⵏ ⴳ ⵜⵓⴷⵔⵜ ⵏ ⵉⵏⵎⵓⵔⵉⵏ ⴰⵔ ⴽⵉⵖ ⵣⴷⵉⵏ ⴷ ⴷ ⵉⵣⵔⴼⴰⵏ ⵉⴷⵎⵙⴰⵏⵉⵏ ⴷ ⵉⵏⴰⵎⵓⵏⵉⵏ ⴷ ⵉⴷⵍⵙⴰⵏⵉⵏ ⴷ ⵉⵡⵏⴰⴹⵏ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴳ ⵓⵙⴰⵜⵉ ⴷⵖ, ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ, ⴷⴼⴼⵉⵔ ⵍⵍⵉⵖ ⵉⵙⴽⵔ ⵓⵙⵓⵜⵜⴳ ⵏ ⵓⵎⵏⵖⵓⴷ ⴷ ⴰⵖⵣⵓⵔⴰⵏ ⵏ ⵜⴽⵍⵉⵜⵉⵏ ⵜⴰⵎⵣⵡⴰⵔⵓⵜ ⴷ ⵜⵉⵙⵙ ⵙⵏⴰⵜ, ⵉⴼⴽⴰ ⵍⴱⴷⵓ ⵏ ⵜⴽⵍⵉⵜ ⵜⵉⵙⵙ ⴽⵕⴰⴹ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ, ⵎⵔⴰ ⴰⴷ ⵜⵜⵓⵙⴷⵓⵙⵏ ⵓⵎⵄⵉⵏⵏ ⴷ ⴰⴷ ⵉⵍⵍⴰⵙ ⴰⵙⵡⴰⵍⴰⵏ ⵏ ⵉⵖⴰⵡⴰⵙⵏ. 

"ⵏⴱⵉⴷⴷ ⴳ ⵓⵙⴰⵜⵉ ⴷⵖ ⵅⴼ ⵢⴰⵏ ⵓⵙⵖⵉⵡⵙ ⴰⵎⴰⵢⵏⵓ, ⵉⵔⴰⵏ ⴰⴷ ⵉⵏⴽⵔ ⵙ ⵓⴷⴳⴰⵔ ⵏ ⵓⵏⴼⴳⴰⵏ ⵏ ⵜⵙⵓⵜⵏ ⴰⴷ ⵢⵓⵛⴽⴰⵏ, ⵙ ⵓⵙⴱⴷⴷⵉ ⵓⵙⵔⵉⴷ ⴷ ⵙ ⵢⴰⵏ ⵜⴱⵔⵉⴷⵜ ⵏ ⵣⵉⴽⴽ, ⵜⵉⵎⵓⴽⵔⵉⵙⵉⵏ ⵜⵉⴷⵍⵙⴰⵏⵉⵏ ⵉⵍⵍⴰⵏ ⴷⴰⵜ ⵏ ⵜⴳⵎⵉ ⵜⴰⵏⴼⴳⴰⵏⵜ ⵏ ⵓⴼⵔⴷⵉⵙ, ⴰⵎⵎⴰⵙ ⵏ ⴽⵔⴰ ⵢⴳⴰⵜⵜ ⵜⴽⵍⵉⵜ ⵏ ⵜⵎⵇⵓⵕⵜ ⵏⵏⵙ, ⵓⵍⴰ ⴰⵏⵏⴰⵍ ⵉⵙⵎⵉⵍⵏ ⴳ ⴰⴷⴷⴰⴷ ⵉⵛⵇⵇⴰⵏ, ⴷ ⴰⵕⵣⵣⵓⵎ ⵏ ⵜⵙⵓⵜ ⵜⴰⵎⴰⵢⵏⵓⵜ ⵏ ⵜⵎⵙⵏⵜⴰⵢⵉⵏ ⵉⵜⵜⵓⵙⴽⴰⵔⵏ ⵏ ⵉⵣⵎⵣⵏ ⵏ ⵜⵡⵓⵔⵉ ⴷ ⵜⴰⵏⴽⵔⴰ ⵙ ⵉⵎⵓⵙⵙⵜⵏ ⵉⵙⵙⴽⵛⵎⵏ ⵜⴰⵡⵓⵔⵉ, ⵎⴰ ⵢⴰⴷ ⵉⵔⵏⵓ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ.

ⵉⵙⵎⵖⵔ ⴱⴰⵀⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⵙⵏⵎⴰⵍ ⵏ ⵓⵙⴳⵔⴰⵡ ⴰⴷ ⵍⵍⵉ ⵢⴳⴰⵏ ⵓⴱⵓⵔⵣ ⵏⵏⵙ "ⵜⵉⵎⵣⵉ ⵏ ⵣⵉⴽⴽ: ⴰⵙⵓⵖⵏ ⵅⴼ ⵉⵎⴰⵍ", ⴷ ⵉⵎⵍⴰ ⴰⵏⴰⵔⵓⵣ ⵏⵏⵙ ⴰⴷ ⵢⴰⵡⵉ ⵡⵙⴳⵓⵎ ⴰⴷ ⵜⵉⵖⵓⵔⵉⵡⵉⵏ ⴷ ⵉⵎⴹⴰⴽⴰⵕⵏ ⵍⵍⵉ ⵢⴰⵜ ⵉⴳⴰⵏ.

ⴳ ⵓⵙⴰⵜⵉ ⴷⵖ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⴳⴰ ⵡⵙⴳⵓⵎ ⴰⴷ ⴰⴷⴷⵓⵔ ⵉⴼⵓⵍⴽⵉⵏ ⵅⴼ ⵓⴼⴰⵔⴽ ⵍⵍⵉ ⵢⴼⴽⴰ ⵉ ⵜⴰⵏⴽⵔⴰ ⵙ ⵉⴷⴷⴰⴷⵏ ⵏ ⵜⵎⵥⵉ, ⵎⴰ ⵢⴰⴷ ⵉⵙⴱⵉⴷⴷⵏ ⴰⵎⵓⵏ, ⴰⴼ ⴰⴷ ⵢⵉⵍⵉ ⵢⴰⵏ ⵉⵎⴰⵍ ⵉⵥⴹⴰⵕⵏ ⴰⴷ ⵢⴰⵡⵉⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ ⵜⴰⵖⵣⵓⵔⴰⵏⵜ ⴷ ⵜⴰⵙⴷⴼⴰⵏⵜ.

ⵉⴽⵛⵎ ⵓⵙⴳⵓⵎ ⴰⴷ ⴳ ⵓⵙⴰⵜⵉ ⵏ ⵜⵓⴳⴳⴰⵣ ⵉⵍⵍⴰⵏ ⵅⴼ ⵜⴰⵏⴽⵔⴰ ⵙ ⵉⴼⵔⴷⵉⵙⵏ ⵉⵏⴼⴳⴰⵏⵏ ⴳ ⵓⵙⴰⵜⵉ ⵏ ⵍⵉⵚⵍⴰⵃⴰⵜ ⵉⵎⵇⵇⵓⵕⵏ ⵍⵍⵉ ⵜⵙⵙⵏ ⵜⵎⴰⵣⵉⵔⵜ ⵏⵏⵖ, ⵙⵍⴰⵡⴰⵏ ⴰⴽⴽⵯ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⴰⵙⵎⵓⵜⵜⴳ ⴷ ⵓⵔⵣⵣⵓ ⵉⵎⴰⵙⵙⴰⵏ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ.

Dernière modification : 19 ⵛⵓⵜⴰⵏⴱⵉⵔ 2019
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%A2%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B5%8F-%E2%B5%93%E2%B4%B7%E2%B5%A1%E2%B4%B0%E2%B5%8D-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%8F