Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 12 ⵏ ⵜⵙⵓⵔⴰⵔⵉⵏ ⵜⵉⴼⵔⵉⵇⵉⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 12 ⵏ ⵜⵙⵓⵔⴰⵔⵉⵏ ⵜⵉⴼⵔⵉⵇⵉⵏ

19 ⵖⵓⵛⵜ 2019 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴳ ⵜⵣⴷⵡⵉⵜ ⵏ ⵓⵢⵏⴰⵙ ⴳ ⵓⴷⴷⵉⵙ ⴰⵎⴰⵏⵓⵏ ⴰⴳⵍⴷⵓⵏ ⵎⵓⵍⴰⵢ ⵄⴱⴷⵍⵍⴰⵀ ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 12 ⵏ ⵜⵙⵓⵔⴰⵔⵉⵏ ⵜⵉⴼⵔⵉⵇⵉⵏ ⵍⵍⵉ ⵢⵙⵏⵎⴰⵍⴰ ⵍⵎⵖⵔⵉⴱ ⴰⵔ 31 ⵖⵓⵛⵜ.

ⵍⵍⵉⵖ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵓⴷⴷⵉⵙ ⴰⵎⴰⵏⵓⵏ ⴰⴳⵍⴷⵓⵏ ⵎⵓⵍⴰⵢ ⵄⴱⴷⵍⵍⴰⵀ ⴳ ⵕⵕⴱⴰⵟ, ⵣⵓⵍⵏ ⵜ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵄⴰⵍⴰⵎⵉ, ⴰⵎⴰⵡⴰⵙⴰⵙ ⵏ ⵜⵖⵖⵓⵔⵎⴰ ⴷ ⵜⵓⵏⵏⵓⵏⵜ, ⴷ ⵎⴰⵙⵙ ⵎⵓⵙⴰ ⴼⴰⴽⵉ ⵎⴰⵀⴰⵎⴰⵜ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵎⵓⵏⵜ ⵜⵉⴼⵔⵉⵇⵉⵜ (ⵜⵛⴰⴷ), ⴷ ⵎⵏⵏⴰⵡ ⵏ ⵎⴷⴷⵏ ⵢⴰⵜⵜⵓⵢⵏ ⵙⴳ ⵉⴳⵔ ⵏ ⵜⵓⵏⵏⵓⵏⵜ ⵢⴰⴹⵏⵉⵏ.

ⴷⴼⴼⵉⵔ ⴰⴷ, ⵉⴷⴷⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵜⴰⴷⴽⴽⵯⴰⵏⵜ ⵜⴰⵎⴰⴷⵓⴷⵜ, ⵖ ⵎⴰⵏ ⵜⵜⵓⵔⴰⵔⵏ ⵉⵣⵍⵉ ⵏ ⵜⵎⵓⵏⵜ ⵜⵉⴼⵔⵉⵇⵉⵜ ⴷ ⵉⵣⵍⵉ ⵓⵍⴰⵎⴱⵉ ⴷ ⵉⵣⵍⵉ ⴰⵏⴰⵎⵓⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ. ⴷⴼⴼⵉⵔ ⵏ ⵖⵉⴽⴰⵏⵏ, ⵉⵖⵔⴰ ⵡⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵎⵓⵏⵜ ⵜⵉⴼⵔⵉⵇⵉⵜ ⵢⴰⵜ ⵜⵉⵏⴰⵡⵜ ⵏ ⵓⵙⵏⵓⴱⴳ, ⴷⴰⵜ ⴰⴷ ⵉⵙⵎⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⴰⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 12 ⵏ ⵜⵙⵓⵔⴰⵔⵉⵏ ⵜⵉⴼⵔⵉⵇⵉⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⵜⵜⵓⵔⴰⵔ ⵓⵖⵏⵏⵉⵊ ⵏ ⵜⵙⵓⵔⴰⵔⵉⵏ ⵜⵉⴼⵔⵉⵇⵉⵏ, ⴷⴰⵜ ⴰⴷ ⵉⵜⵜⵓⵖⵔⴰ ⵡⴳⴳⴰⵍ ⵙⴳ ⵢⴰⵏ ⵓⵏⴰⵎⵓⵏ ⴰⵎⵖⵔⴰⴱⵉ (ⵜⴰⵎⴰⵣⵉⵔⵜ ⵉⵙⵏⵓⴱⴳⵏ ⵜⵓⵙⵔⴰⵔⵉⵏ ⴰⴷ) ⴷ ⵢⴰⵏ ⴰⴼⵔⵉⵇⵉ (ⵖⴰⵏⴰ).

ⴷⴼⴼⵉⵔ ⴰⴷ, ⵉⵜⵜⵓⵔⴰⵔ ⵓⵖⵏⵏⵉⵊ ⵏ ⵜⵡⴰⴷⴰ ⵜⴰⵣⴳⵣⴰⵡⵜ (ⵏⵉⴷⴰⴻ ⵍⵃⴰⵙⴰⵏ) ⴷⴰⵜ ⵏ ⵍⴱⴷⵓ ⵏ ⵓⴼⵕⵕⵊ ⵉⵜⵜⵓⵙⵏⵎⴰⵍⴰⵏ ⴳ ⵓⵣⵎⵣⵣⵓ ⵢⴰⴷ, ⵖ ⵎⴰⵏⵏ ⵍⵍⴰⵏ ⵎⵔⴰⵡ ⵏ ⵜⴼⵍⵉⵡⵉⵏ ⴷ ⵢⴰⵏ ⵓⵖⵏⵏⵉⵊ ⴳ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 56 ⵏ ⴰⵙⵙ ⵏ ⵜⵍⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ. 

ⵍⵍⵉⵖ ⵜⵎⵎⴰ ⵜⴼⵓⴳⵍⴰ ⵢⴰⴷ, ⵜⴼⴽⴰ ⵜⵎⵙⵎⵓⵏⵜ ⵏ ⵉⴳⵔⴰⵡⵏ ⵉⵏⴰⵎⵓⵔⵏ ⵓⵍⴰⵎⴱⵉⵢⵏ ⵏ ⵉⴼⵔⵉⵇⵢⴰ ⵜⴰⵎⴰⴷⴰⵢⵜ ⵏ ⵓⵙⵎⵖⵔ ⵓⵍⴰⵎⴱⵉ ⴰⴼⵔⵉⵇⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ ⵜⵙⵏⵙⵉ ⵙ ⵜⵓⴳⴳⴰⵣ ⵍⵍⵉ ⴰⵔ ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵜⵏⴽⵔⴰ ⵙ ⵜⵓⵏⵏⵓⵏⵜ.   

ⵜⴰⵡⴰⵍⴰ ⵜⵉⵙⵙ 12 ⵏ ⵜⵙⵓⵔⴰⵔⵉⵏ ⵜⵉⴼⵔⵉⵇⵉⵏ ⵜⵜⵓⵙⵏⵎⴰⵍⴰ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⵖⵔⵎⵉⵡⵉⵏ ⵏ ⵕⵕⴱⴰⵟ ⴷ ⵙⵍⴰ ⴷ ⵜⵎⴰⵔⴰ ⴷ ⴹⴹⴰⵕⵍⴱⵉⴹⴰ ⴷ ⴱⵏⵙⵍⵉⵎⴰⵏ ⴷ ⵊⵊⴷⵉⴷⴰ, ⵙ ⵜⴷⵔⴰⵡⵜ ⵏ ⵍⴰⵃⵡⴰⵍ ⵏ 6.500 ⵓⵏⴰⵎⵓⵏ. 

Dernière modification : 20 ⵖⵓⵛⵜ 2019
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F