Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵉⵏⴰⵡ ⵉ ⵜⵎⵜⵜⴰ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵉⵏⴰⵡ ⵉ ⵜⵎⵜⵜⴰ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ

29 ⵢⵓⵍⵢⵓⵣ 2019 Version Imprimable
ⵜⵉⵟⵡⴰⵏ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵜⵉⵟⵡⴰⵏ, ⵉⵏⴰⵡ ⵢⴰⵜⵜⵓⵢⵏ ⵉ ⵜⵎⵜⵜⴰ ⵙ ⵓⵣⵎⵣⵣⵓ ⵏ ⵓⴽⵜⵜⵓⵢ ⵡⵉⵙⵙ 20 ⵏ ⴰⵙⵙ ⵍⵍⵉⵖ ⵉⵙⴽⴽⵓⵙ ⴱⴰⴱ ⵏ ⵡⴰⴷⴷⵓⵔ ⴳ ⵓⴷⴰⴱⵓ.

ⴰⵎⵎⴰⵙ ⵏ ⵉⵏⴰⵡ ⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⴰⴳⵏⴰⵔ ⵏ ⵓⵙⴳⴳⵯⴰⵙ ⴰⴷ ⵉⵣⵔⵉⵏ ⵙⴳ ⵍⵍⵉⵖ ⵢⵓⵎⵥ ⵜⵏⵙⵙⵉⵅⴼⵜ ⵏ ⵜⴳⵍⴷⵉⵜ, ⵉⵔⵏⵓ ⵢⵏⵏⴰ ⵉⵙ ⵉⵛⵀⴷ ⵕⴱⴱⵉ ⵎⴰⵙ ⵉⵙⴽⵔ ⴰⴽⴽⵯ ⵎⴰ ⵉⵅⵚⵚⴰⵏ ⴰⴼ ⴰⴷ ⵉⵃⵟⵟⵓ ⵢⴱⵖⵓⵔⵏ ⵢⴰⵜⵜⵓⵢⵏ ⵏ ⵜⴳⵍⴷⵉⵜ. 

ⵉⵙⵏⵉⵎⵎⵔ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵕⴱⴱⵉ ⵅⴼ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵍⵍⵉ ⵢⵙⵎⴰⵏⵏ ⴰⴽⴽⵯ ⵉⵎⵖⵔⴰⴱⵉⵢⵏ ⵅⴼ ⵜⵉⵙⵉⵏ ⴷ ⵉⵏⵉⴳⵍⵏ ⵢⴰⵜⵜⵓⵢⵏ ⵏ ⵜⵎⵜⵜⴰ, ⵎⴰ ⵢⴰⴷ ⵉⴳⴰⵏ ⵜⴰⴳⵍⴷⴰ ⵜⴰⵏⴰⵎⵓⵔⵉⵜ, ⴷ ⵜⵔⵏⵓⵜ ⵏ ⵓⵙⴷⵓⵙ ⴰⴷⵉⵎⵓⵇⵕⴰⵟⵉ ⴷ ⵓⵙⵉⴳⴳⵍ ⵏ ⵜⴳⵎⵉ, ⴷ ⵍⵉⵚⵍⴰⵃⴰⵜ ⵉⵏⵖⴱⵓⵏ, ⴷ ⵉⵙⵏⵜⵉⵏ ⵉⵎⵇⵕⴰⵏⵏ ⵉⵜⵜⵓⵙⴽⴰⵔⵏ.

ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵎⵇⵇⴰⵕ ⵖⵉⴽ ⴰⵏⵏ, ⵓⵔ ⵏⵍⴽⵉⵎ ⵉ ⴰⴽⴽⵯ ⵎⴰⴷ ⵏⵔⴰ ⴰⴷ ⵏⵍⴽⵎ, ⵎⴰⵛ ⵖ ⴰⵙⵙ ⴰⴷ, ⵜⵍⵍⴰ ⵢⴰⵜ ⵜⵉⵔⴰⵜ ⵜⴰⵎⵇⵕⴰⵏⵜ ⴰⴷ ⵏⴱⵉⴷⴷ ⵅⴼ ⵎⴰⴷ ⵉⵜⵜⵓⵙⴽⴰⵔⵏ ⴰⴼ ⴰⴷ ⵏⵔⵏⵓ ⵜⴰⵡⴰⴷⴰ ⵏⵏⵖ. 

ⵏⵙⴽⵔ ⵎⵏⵏⴰⵡ ⵏ ⵉⵙⵓⴼⵖⵏ ⴳ ⵉⴳⵔ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ, ⴷ ⵏⵣⵔⵉ ⵎⵏⵏⴰⵡ ⵏ ⵜⴽⵍⵉⵏ ⵢⴰⴷⴷⵓⵔⵏ ⴳ ⵓⵙⴷⵓⵙ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵔⵏⵓ ⵢⵏⵏⴰ ⵎⴰⵙⵙ ⵉⵅⵚⵚⴰ, ⵡⴰⵅⴰ ⵖⵉⴽ ⴰⵏⵏ, ⴰⴷ ⵏⵉⵏⵉ ⵎⴰⵙ ⵉⵣⵣⵉⴳⵉⵣⵏ ⵉⵜⵜⵓⵙⴽⴰⵔⵏ ⵓⵔⵜⴰ ⵟⵟⴰⴼⵏ ⵜⵓⵙⵓⵔⵉⵏ ⵉⴳⵓⵎⵏ ⴳ ⵜⴰⵎⵓⵏⵜ ⵜⴰⵎⵖⵔⴰⴱⵉⵜ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵜⵏⴰⴼⵓⵜⵉⵏ ⵜⵉⵏⴰⵎⵓⵏⵉⵏ ⵏ ⵜⵙⵉⵍⴰ, ⴷ ⵓⵙⴳⴳⵯⵣ ⵏ ⵜⵎⵢⴰⴳⴰⵔⵉⵏ ⵜⵉⵏⴰⵎⵓⵏⵉⵏ, ⴷ ⵓⵙⴷⵓⵙ ⵏ ⵓⵙⵎⵉⵍ ⴰⵏⴰⵎⵎⴰⵙ. 

ⵉⵙⴳⴳⵯⴰⵙⵏ ⵉⴳⴳⵯⵔⴰⵏ ⵎⵍⴰⵏ ⵎⴰⵙⵙ ⵓⵔ ⵉⵥⴹⵉⵕ ⵓⵣⵓⵔⵜ ⵏ ⵜⴳⵎⵉ ⵏⵏⵖ ⴰⴷ ⵉⵙⵙⴷⴳⵉ ⵢⵙⵙⴰⵔⵏ ⵏ ⵎⵏⵏⴰⵡ ⵏ ⵉⵏⵎⵓⵔⵉⵏ ⵏⵏⵖ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵏⵏⴰ ⵉⵙ ⵅⴼ ⵖⵉⴽⴰⵏⵏ ⴰⴷ ⵉⵖⵔⴰ ⴰⴼ ⴰⴷ ⴷⴰⵖ ⵉⵜⵜⵓⵙⵜⴰⵍ ⴷ ⴰⴷ ⵉⵜⵜⵓⵙⵎⴰⵢⵏⵓ.

ⴼ ⵖⵉⴽⴰⵏⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵢⵓⵎⵥ ⵜⴰⵙⵏⵜⴰⵢⵜ ⴰⴷ ⵉⵙⵙⵓⴼⵖ ⵎⵏⵏⴰⵡ ⵏ ⵜⵙⵇⵇⵉⵎⵉⵏ ⵍⵍⵉ ⵎⵓ ⵢⴼⴽⴰ ⵜⵙⵎⵉⴳⵍⵜ ⵏ ⵓⴹⵓⴼ ⵏ ⵜⵖⴰⵡⵙⵉⵡⵉⵏ ⵉⵟⵟⴰⴼⵏ ⵢⴰⵏ ⵓⴱⵖⵓⵔ ⴰⵏⴰⵎⵓⵔ, ⵣⵓⵏⴷ ⵜⴰⵏⵎⵏⴰⴹⵜ ⴷ ⵓⴷⵓⵙⵜⵓⵔ, ⴷ ⵓⵙⵍⴳⵏ ⵏ ⵜⵡⴰⵛⵓⵏⵜ, ⴷ ⵜⵖⴰⵡⵙⵉⵡⵉⵏ ⵏ ⵜⵡⵉⵣⴰ ⵏ ⵓⵙⵓⵎⵓ ⴷ ⵓⵎⵙⵓⴳⵔⵓ, ⵉⵏⵏⴰ ⵙⵓⵍ ⵎⴰⵙ ⵉⴹⴼⵕ ⴱⴰⴱ ⵏ ⵡⴰⴷⴷⵓⵔ ⵅ ⵉⵅⴼ ⵏⵏⵙ ⵜⵡⵓⵔⵉⵡⵉⵏ ⵏⵏⵙⵏ ⵎⴰ ⵢⴰⴷ ⵢⵉⵡⵉⵏ ⵜⵉⵢⴰⴼⵓⵜⵉⵏ ⵉⵅⴰⵜⴰⵔⵏ.

ⴼ ⵖⵉⴽⴰⵏⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⵖⵜⵙ ⴰⴷ ⵉⵙⵔⵙ ⵢⴰⵜ ⵜⵙⵇⵇⵉⵎⵜ ⵜⵉⵎⵥⵍⵉⵜ ⵉⵜⵜⵓⵙⵎⴰⴳⵍⵏ ⵙ ⵓⵣⵓⵔⵜ ⵏ ⵜⴳⵎⵉ ⵙⴳ ⴰⵙⴳⴳⵯⴰⵙ ⴰⴷ ⵢⵓⵛⴽⴰⵏ. ⵉⴼⵔⴰ ⵢⵏⵏⴰ ⵎⴰⵙⵙ ⵜⵙⵇⵇⵉⵎⵜ ⴰⴷ ⵜⵙⵎⵓⵏ ⵎⵏⵏⴰⵡ ⵏ ⵉⵥⵍⵉⵏ ⵉⴽⴰⴷⵉⵎⵉⵢⵏ ⴷ ⵎⵏⵏⴰⵡ ⵏ ⵜⵙⵓⴳⵔⵉⵏ ⵢⵓⵛⴽⴰⵏ ⵙⴳ ⵉⴳⵔ ⵓⴳⴷⵓⴷ ⵓⵍⴰ ⵡⵙⵍⵉⴳ.

ⴰⵎⵎⴰⵙ ⵏ ⵜⵡⵓⵔⵉⵡⵉⵏ ⵏⵏⵙ, ⵉⵅⵚⵚⴰ ⴰⴷ ⵜⵙⴽⵔ ⵜⵙⵇⵇⵉⵎⵜ ⴰⴷ ⵙ ⵉⵙⵡⴰⵍⵉⵡⵏ ⵉⵎⵇⵇⵓⵕⵏ ⵏ ⵍⵉⵚⵍⴰⵃⴰⵜ ⵉⵜⵜⵓⵙⴽⴰⵔⵏ ⵏⵖⴷ ⵍⵍⵉ ⵔⴰⴷ ⴱⴷⵓⵏ, ⴰⵎⵎⴰⵙ ⵏ ⵉⴳⵔⵏ ⵣⵓⵏⴷ ⵓⵙⵍⵎⴷ ⴷ ⵜⴷⵓⵙⵉ ⴷ ⵜⵏⴼⵍⴰⵃⵜ ⴷ ⵓⵙⵙⴰⵔⵓ ⴷ ⵓⵏⴳⵔⴰⵡ ⴰⴳⵔⴰⵢ. 

ⵜⵉⴽⵍⵉ ⵜⴰⵎⴰⵢⵏⵓⵜ ⵍⵍⵉ ⴰⵔ ⵏⵙⵙⵓⵊⴰⴷ ⴰⴷ ⵏⴽⵛⵎ ⴳⴳⵓⵜⵏ ⵉⵎⵙⴰⵔⴰⵙⵏ ⵏⵏⵙ, ⵎⴰ ⵢⴰⴷ ⵉⴳⴰⵏ ⴰⵙⴷⵓⵙ ⵏ ⵜⵖⵍⵉⴼⵜ ⴷ ⵏ ⵓⵎⵄⵉⵏⵏ, ⴷ ⵓⵕⵥⵥⵓⵎ ⴷ ⵜⵓⴳⵉⵜ ⵏ ⵓⵇⵇⵏ ⵅⴼ ⵉⵅⴼ ⵏ ⵢⴰⵏ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔⵏ ⵉⵣⴷⵉⵏ ⴷ ⵉⵔⵉⵎⵏ ⵉⴳⵔⴰⵖⵍⴰⵏ, ⴷ ⴰⵙⴼⵙⵙⵓⵙ ⴰⴷⵎⵙⴰⵏ ⴷ ⵏ ⵜⵕⵡⵉ ⵜⴰⵎⵔⵙⴰⵍⵜ, ⴷ ⵜⴰⵣⵔⴼⵜ ⵜⴰⵏⴰⵎⵓⵏⵜ ⴷ ⵜⴰⴷⵖⵔⴰⵏⵜ. 

ⴼ ⵖⵉⴽⴰⵏ , ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵏⵏⵙ ⵎⴰⵙ ⵉⵖⵔⴰ ⵉ ⴰⴽⴽⵯ ⵉⵎⵖⵔⴰⴱⵉⵢⵏ ⴰⴷ ⴷⵔⵓⵏ ⵙ ⵢⴰⵜ ⵜⴱⵔⵉⴷⵜ ⵉⴼⵓⵍⴽⵉⵏ ⴳ ⵓⵣⵔⵜ ⴰⴷ ⴷ ⵙ ⵜⵎⵓⵔⵉ ⵉⵎⵕⵡⴰⵏ, ⴰⵛⴽⵓ ⵜⵉⵢⴰⴼⵓⵜⵉⵏ ⵍⵍⵉ ⵏⵔⴰ ⴷ ⵉⵙⵏⵜⵉⵏ ⴷ ⵜⵙⵏⵜⴰⵢⵉⵏ ⵍⵍⵉ ⵏⵙⴽⵔ ⵖⵓⵔⵙⵏ ⵢⴰⵏ ⴰⵡⵜⵜⴰⵙ: ⴰⵙⴼⴰⵍⴽⵉ ⵏ ⵜⵎⵙⵓⵜⴰⵍ ⵏ ⵜⵓⴷⵔⵜ ⵏ ⵉⵏⴰⵎⵓⵔⵏ. 

ⵔⴰⴷ ⵜⵙⵙⵏ ⵜⴽⵍⵉ ⵜⴰⵎⴰⵢⵏⵓⵜ ⴰⴷ ⵢⴰⵜ ⵜⴰⵙⵓⵜ ⵜⴰⵎⴰⵢⵏⵓⵜ ⵍⵍⵉ ⵔⴰⴷ ⵉⵙⵎⵓⵏ ⵉⵙⵏⵜⵉⵏ ⴷ ⵜⵜⵓⵜⵔⴰ ⵡⵍⴰ ⵏ ⵎⴷⴷⵏ ⵉⵎⴰⵢⵏⵓⵏ ⵙⴳ ⵜⵙⵓⴳⵔⵉⵏ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⴳ ⵓⵙⴰⵜⵉ ⴷⵖ,  ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴷ ⴰⵜ ⵉⵙⵙⵖⵍⵉ, ⴳ ⵓⵙⵡⵉⵔ ⵏ ⵓⴽⵛⵛⵓⵎ ⴰⴷ ⵢⵓⵛⴽⴰⵏ, ⵜⵉⵙⵓⵎⵔⵉⵏ ⵏ ⵓⴳⵍⴰ ⴷ ⵓⵙⵎⴰⵢⵏⵓ ⵉⵏⵙⴰⵏ ⵏ ⵜⵙⵙⵓⴳⵔⵜ ⵡⵉⵏ ⵜⵏⴱⴰⴹⵉⵏ ⴷ ⵜⵎⵙⵙⵓⴳⵔⵜ ⵙⴳ ⵜⵙⵓⴳⵔⵉⵏ ⵜⵉⵏⴰⵎⵓⵔⵉⵏ ⵢⴰⵜⵜⵓⵢⵏ ⵏ ⵓⵙⵡⵉⵔ ⴷ ⵉⵙⴱⴷⵉⴷⵏ ⵅⴼ ⵜⵉⵣⴹⵕⴰ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵉⴳⴰ ⵡⵙⴼⵓⴳⵍⴰ ⵏ ⵓⴷⴰⴱⵓ ⴰⵣⵎⵎⵣ ⵏ ⵓⵙⴷⵓⵙ ⵏ ⵓⵎⴰⵣ ⵏ ⵜⵙⵏⵙⵉ ⵏ ⵜⵎⵖⵔⴰⴱⵉⵜ ⵏ ⵚⵚⵃⵕⴰ ⴷ ⵓⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ, ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵙⵎⵖⵔ ⵙⵓⵍ ⵜⵖⴰⵡⵙⵉⵡⵉⵏ ⵍⵍⵉ ⵜⵙⴽⵔ ⵜⵎⴰⵣⵉⵔⵜ ⵏⵏⵖ ⴳ ⵓⵙⵡⵉⵔ ⵏ ⵜⵎⵜⵜⴰ ⵢⵎⴰⵏⵏ ⴷ ⴳ ⵉⴼⵔⵉⵇⵉ ⴷ ⵓⵕⵕⵓⴱⴰ, ⴷ ⵉⵖⵔⴰ ⵎⵔⴰ ⴰⴷ ⵉⵔⵏⵓ ⵡⵎⵓⵙⵙⵓ ⵢⴰⴷ ⴳ ⴰⴽⴽⵯ ⵉⵙⵉⵡⵔⵏ ⵎⵔⴰ ⴰⴷ ⵜⵜⵓⵙⴷⵓⵙ ⵜⵣⴹⵕⴰ.

"ⵉⵙⵓⵍ ⵍⵎⵖⵔⵉⴱ ⵉⵇⵇⴰⵎⴰ ⴳ ⵓⵍⵜⵖ ⵏⵏⵙ ⴳ ⵓⵖⴰⵔⴰⵙ ⴰⵙⵔⵜⴰⵏ ⴷⴷⵓ ⵏ ⵓⵎⵎⴰⵙ ⵖⴰⵙ ⵏ ⵜⵎⵜⵜⴰ ⵢⵎⴰⵏⵏ", ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉ ⵢⵏⵏⴰⵏ ⵎⴰⵙ ⵓⵔ ⵔⴰⴷ ⵢⵉⵍⵉ ⴽⵔⴰ ⵢⴳⴰⵜⵜ ⵓⵖⴰⵔⴰⵙ ⵏ ⵓⴼⵙⵙⴰⵢ ⴰⴱⵍⴰ ⵖ ⵓⵙⴰⵜⵉ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⴰⵎⵖⵔⴰⴱⵉ, ⴳ ⵓⵎⵎⴰⵙ ⵏ ⵜⵙⵏⵜⴰⵢⵜ ⵜⴰⵙⵉⵎⴰⵏⵜ.

ⴳ ⵓⵣⵎⵣⵣⵓ ⴷⵖ, ⵉⵖⵔⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷⴷⵣⴰⵢⵔ ⴳ ⵜⵖⵍⵉⴼⵜ ⵏ ⵜⵓⵇⵇⵏⵉⵏ ⵏ ⵜⵉⴷⴷⵓⴽⵯⵍⴰ ⴷ ⵓⵙⴳⴷ ⴷ ⵜⵓⵜⵍⴰⵢⵜ ⴷ ⵜⴰⴷⴷⵊⴰⵕⵜ ⵉⴼⵓⵍⴽⵉⵏ ⵍⵍⵉ ⴱⴷⴷⴰ ⵢⵙⵎⴰⵏⵏ ⵉⵎⴰⴷⴰⵏ ⵏ ⵙⵏⴰⵜ ⵏ ⵜⵎⵉⵣⴰⵔ, ⵖⵉⴽ ⵍⵍⵉ ⵎⵍⴰⵏ ⵓⴳⵍⵍⵉⴷ ⴷ ⵓⵎⴰⴷⴰⵏ ⵉⵎⵖⵔⴰⴱⵉⵢⵏ ⴷ ⵜⵔⴰⴱⴱⵓⵜ ⵏ ⵜⴽⵓⵔⵜ ⵏ ⵡⴰⴹⴰⵕ ⵜⴰⴷⵣⴰⵢⵔⵉⵜ ⵍⵍⵉⵖ ⵜⵉⵡⵉ ⵜⴰⴽⵓⵙⵜ ⵜⵉⴼⵔⵉⵇⵉⵜ ⵏ ⵜⵎⵜⵜⴰ ⴳ ⵎⵉⵚⵕⴰ ⵜⵓⵍⵜⵎⴰⵜ.

ⵉⴳⴰ ⵍⵎⵖⵔⵉⴱ ⵡⵉⵏⵏ ⵉⵎⵖⵔⴰⴱⵉⵢⵏ ⴽⵓⵍⵍⵓⵜⵏ, ⴷ ⵜⴰⴷⴷⴰⵔⵜ ⵉⵛⵛⴰⵔⵏ ⵏⵏⵖ, ⴼ ⵖⵉⴽⴰⵏⵏ, ⵉⵅⵚⵚⴰ ⵉ ⴽⵔⴰ ⵢⴳⴰⵜⵜ ⵢⴰⵏ ⴰⴷ ⵉⵙⴱⴷⵉⴷ ⴳ ⵡⴰⵏⵙⴰ ⴷ ⵜⴳⵎⵉ ⵏⵏⵙ ⴷ ⴰⴷ ⵏⴼⵔⴽ ⵅⴼ ⵓⴳⵣⵣⵓⵎ ⵏ ⵡⴰⴽⴰⵍ ⴷ ⵜⴰⵏⴼⵓⵔⵜ ⵏⵏⵙ, ⵎⴰ ⵢⴰⴷ ⵙⵓⵏ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴳ ⵓⵣⵎⵎⵣⵓ ⴷⵖ, ⵉⵎⵖⵔⴰⴱⵉⵢⵏ ⵉⴷⵔⵓⴼⵏ ⵉⵎⵎⴰⵖⵏ ⵅⴼ ⵓⴱⵔⵉⴷ ⵏ ⵜⴷⵔⵓⴼⵉ ⴷ ⵜⴰⵙⵉⵎⴰⵏⵜ, ⴷ ⵉⴷⵔⴰⵏ ⴳ ⵜⵓⵚⴽⴰ ⵏ ⵍⵎⵖⵔⵉⴱ ⴰⵜⵔⴰⵔ ⴷ ⴰⴷⵉⵎⵓⵇⵔⴰⵟⵉ ⴷ ⵡⵉⵏⵏ ⵏ ⵓⵍⴰⵢ, ⵉⵣⵡⴰⵔⵜⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ, ⴰⴷ ⵜⵏ ⵉⵕⵃⵎ ⵕⴱⴱⵉ.

ⵉⵇⵇⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵏⴰⵡ ⵏⵏⵙ ⵅⴼ ⴰⵙⵎⵖⵔ ⵏ ⴰⴽⴽⵯ ⵜⴳⴰⵍⵍⵉⵏ ⵜⵉⵍⴰⴼⵉⵏ ⴷ ⵉⵊⴷⵕⵎⵢⵉⵏ ⴷ ⵜⴳⴰⵍⵍⵉⵏ ⵏ ⵜⵡⵙⵉ ⴷ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵓⵔⴰⵢ ⵓⵖⵔⵉⵎ ⵏ ⵉⵎⵓⵙⵙⵓⵏ ⵏ ⵓⵎⵖⵍⴰⵍ ⴷⴷⵓ ⵏ ⵜⵏⵙⵙⵉⵅⴼⵜ ⵏⵏⵅ ⵅⴼ ⵓⵎⵏⵣⴰⵖ ⵅⴼ ⵓⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⴼⴰⵔⴽ ⵏ ⵜⵏⴼⵔⵓⵜ ⴷ ⵓⴳⵣⵣⵓⵎ ⵏ ⵡⴰⴽⴰⵍ ⵏⵏⵙ.

Dernière modification : 29 ⵢⵓⵍⵢⵓⵣ 2019
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%89-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F