ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴽⴰⴱⴰⵕ ⴰⵎⴰⴷⵓⴷ ⵍⵍⵉ ⵔⴰⴷ ⵉⴷⴷⵓ ⵙ ⵍⵃⵊⵊ

29 ⵢⵓⵍⵢⵓⵣ 2019 Version Imprimable

ⵜⵉⵟⵡⴰⵏ - ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵜⵉⵟⵡⴰⵏ, ⵉⴳⵎⴰⵎⵏ ⵏ ⵓⴽⴰⴱⴰⵕ ⴰⵎⴰⴷⵓⴷ ⵍⵍⵉ ⵔⴰⴷ ⵉⴷⴷⵓ ⵙ ⵍⵃⵊⵊ ⴰⴼ ⴰⴷ ⵙⴽⵔⵏ ⵏ ⵛⵛⴰⵔⵉⵄⴰ ⵏ ⵍⵃⵃⵊ ⴳ ⵓⵙⴳⴳⵯⴰⵙ ⴰⵀⵉⵊⵔⵉ ⵏ 1440.

ⵍⵍⴰⵏ ⴳ ⵢⴰⴷ ⵓⴽⴰⴱⴰⵕ, ⵍⵍⵉ ⵢⵙⵙⵉⵅⴼ ⵎⴰⵙⵙ ⵃⵎⵎⵓ ⵓⵃⵍⵍⵉ, ⴰⵎⴰⵔⵉ ⵏ ⵓⵡⴰⵏⴽ ⴷⴰⵔ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⵍⴰⵏⵜ ⴷ ⵜⵉⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵜ ⵉⵜⵜⵓⵙⵎⴳⴰⵍⵏ ⵙ ⵜⴳⵎⵉ ⵜⴼⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵜ, ⵎⴰⵙⵙ ⵎⵃⵎⵎⴷ ⵍⵄⵟⴼⴰⵡⵉ, ⴰⵏⴱⴱⴰⴹ ⵏ ⵜⵙⴳⴰ ⵏ ⴰⵥⵉⵍⴰⵍ, ⴷ ⵎⴰⵙⵙ ⵟⵟⴰⵢⵉⴱ ⴰⵏⵊⴰⵕ, ⵉⵏⴱⴹⵉ ⴷ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵉⴱⴽⴽⵉⴹⵏ ⵏ ⵜⵙⵏⴱⴹⴰⵢⵜ ⵏ ⵓⵙⴽⵟⵟⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵜⵙⵏⴱⴹⴰⵢⵜ ⴰⴷ, ⴷ ⵎⴰⵙⵙ ⵎⵓⵃⵎⵎⴷ ⴱⵚⵕⵉ, ⴰⵎⵙⴽⴰⴷ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵇⵓⵏⵚⵓⵍⵉⵢⵏ ⴷ ⵜⵉⵏⴰⵎⵓⵏⵉⵏ ⴳ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ ⴰⵎⴰⴹⵍⴰⵏ, ⴷ ⵍⴽⵓⵍⵓⵏⵉⵍ ⵄⴱⴷⵍⵡⴰⵃⴷ ⵍⴳⵏⴰⵡⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⵉⵙⵙ ⴽⴽⵓⵥ ⵏ ⵓⵏⵏⴰⵍ ⵏ ⴷⴷⴰⵅⵉⵔⴰ.

ⵜⵣⵔⵉ ⵢⴰⴷ ⵜⴳⵉⵡⵔⵜ ⵙ ⵜⵉⵍⵉⵜ ⵏ ⵎⴰⵙⵙ ⴰⵃⵎⴰⴷ ⵜⵜⴰⵡⴼⵉⵇ, ⴰⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ.

Dernière modification : 29 ⵢⵓⵍⵢⵓⵣ 2019

Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B0%E2%B4%BD%E2%B4%B0%E2%B4%B1%E2%B4%B0%E2%B5%95-%E2%B4%B0%E2%B5%8E%E2%B4%B0%E2%B4%B7%E2%B5%93%E2%B4%B7-%E2%B5%8D%E2%B5%8D%E2%B5%89-%E2%B5%94%E2%B4%B0%E2%B4%B7-%E2%B5%89%E2%B4%B7%E2%B4%B7%E2%B5%93-%E2%B5%99-%E2%B5%8D%E2%B5%83%E2%B5%8A%E2%B5%8A