Published on MAPNews (https://www.mapnews.ma/am)

Accueil > ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⴹⴰⵍ ⵏ ⵓⵏⵙⵙⵉⵅⴼ ⵍⴱⴰⵊⵉ ⵇⴰⵢⴷ ⵙⵙⴱⵙⵉ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⴹⴰⵍ ⵏ ⵓⵏⵙⵙⵉⵅⴼ ⵍⴱⴰⵊⵉ ⵇⴰⵢⴷ ⵙⵙⴱⵙⵉ

27 ⵢⵓⵍⵢⵓⵣ 2019 Version Imprimable
ⵜⵓⵏⵙ - ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵎⴹⴰⵍ ⵏ ⵓⵏⵙⵙⵉⵅⴼ ⵍⴱⴰⵊⵉ ⵇⴰⵢⴷ ⵙⵙⴱⵙⵉ, ⵍⵍⵉ ⵢⵣⵔⵉⵏ ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴷⴰⵍⴰ ⵏ ⵜⵙⵉⵎⴰⵏⵜ ⴳ ⵜⴳⴰⴷⵉⵔⵜ ⵏ ⵇⵕⵟⴰⵊ ⴳ ⵜⵓⵏⵙ.

ⵉⵙⵎⵏⵉⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵍⵎⴰⵕⴰⵚⵉⵎ ⵏ ⵓⵎⴹⴰⵍ ⵏ ⵓⵏⵙⵙⵉⵅⴼ ⵏ ⵉⴳⴳⵍⵉⵏ ⵓⴼⵛⴰⴷ ⵉ ⵡⵏⵙⵙⵉⵅⴼ ⴰⴽⵓⴷⴰⵏ ⵎⴰⵙⵙ ⵎⵓⵃⵎⵎⴷ ⵏⵏⴰⵚⵕ, ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵢⵓⵙⴼ ⵛⵛⴰⵀⴷ, ⴷ ⵜⵡⵊⴰ ⵏ ⵓⵏⵙⵙⵉⵅⴼ ⵉⴳⵍⵍⵉⵏ ⵍⴱⴰⵊⵉ ⵇⴰⵢⴷ ⵙⵙⴱⵙⵉ.

ⴷⵔⴰⵏ ⴳ ⵓⵎⴰⴹⵍ ⵏ ⵉⴳⵍⵍⵉⵏ ⴰⵜⵓⵏⵙⵉ ⵢⵎⵎⵓⵜⵏ ⵎⵏⵏⴰⵡ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵜⵏⴱⴰⴹⵉⵏ ⵉⵍⵍⴰⵏ ⴷⵉⴳⵙⵏ, ⵙⵍⴰⵡⴰⵏ ⴰⴽⴽⵯ ⴰⴳⵍⵍⵉⴷ ⵏ ⵚⴱⵍⵢⵓⵏ ⴼⵉⵍⵉⴱⵉ, ⴷ ⵓⵏⵙⵙⵉⵅⴼ ⴰⴼⵕⴰⵏⵚⴰⵡⵉ ⵉⵎⴰⵏⵡⵉⵍ ⵎⴰⴽⵕⵓⵏ, ⴷ ⵓⵏⵙⵙⵉⵅⴼ ⵏ ⵍⴱⵓⵔⵜⵓⵖⴰⵍ ⵎⴰⵔⵛⵉⵍⵓ ⵔⵉⴱⵉⵍⵓ ⴷⵉ ⵙⵓⵣⴰ, ⴷ ⵓⴳⵍⴷⵓⵏ ⵏ ⵇⴰⵟⴰⵕ ⵛⵛⵉⵅ ⵜⴰⵎⵉⵎ ⴱⵏ ⵃⴰⵎⴰⴷ ⴰⵍ ⵜⴰⵏⵉ, ⴷ ⵓⵏⵙⵙⵉⵅⴼ ⴰⴼⵉⵍⴰⵚⵟⵉⵏⵉ ⵎⴰⵃⵎⵓⴷ ⵄⴰⴱⴱⴰⵙ ⴰⴱⵓ ⵎⴰⵣⵉⵏ, ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵍⵡⵉⴼⴰⵇ ⴰⵏⴰⵎⵓⵔ ⵏ ⵍⵉⴱⵢⴰ ⴼⴰⵢⵣ ⵙⴰⵔⵔⴰⵊ, ⴷ ⵓⵏⵙⵙⵉⵅⴼ ⵏ ⵎⴰⵍⵟⴰ.

ⵃⴰⴹⵕⵏ ⵓⵍⴰ ⴳ ⵓⵎⴹⴰⵏ ⵏ ⵓⵏⵙⵙⵉⵅⴼ ⴰⵜⵓⵏⵓⵙⵉ ⵉⵎⵎⵓⵜⵏ, ⴰⵙⵙ ⵏ ⵓⴽⵡⴰⵙ ⵉⵣⵔⵉⵏ ⴳ ⵓⵡⵜⴰⵢ ⵏⵏⵙ 93 ⵓⵙⴳⴳⵯⴰⵙ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⴰⵙⴷⴰⵡⵉⵜ ⵜⵄⵕⴰⴱⵉⵜ ⴰⵃⵎⴰⴷ ⴰⴱⵓ ⵍⵖⴰⵢⵟ, ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⴰⵎⵓⵏⵜ ⵏ ⵍⵎⵖⵔⵉⴱ ⴰⵄⵕⴰⴱ ⵟⵟⴰⵢⴱ ⴱⵓⴽⵓⵛ, ⵓⵍⴰ ⵉⴳⵎⴰⵎⵏ ⵏ ⵜⵏⴱⴰⴹⵜ ⵜⴰⵜⵓⵏⵓⵙⵉⵜ, ⴷ ⵉⵏⵙⵙⵉⵅⴼⵏ ⵏ ⵉⴽⴰⴱⴰⵕⵏ ⵉⴷⵉⴱⵍⵓⵎⴰⵙⵢⵉⵏ ⴷ ⵉⵎⵙⵇⴰⴷⵏ ⴷ ⵎⵏⵏⴰⵡ ⵏ ⵎⵉⴷⴷⵏ ⵙⴳ ⵜⵓⵏⵙ ⴷ ⵉⴱⵕⵕⴰⵏⵢⵉⵏ ⵢⴰⴹⵏⵉⵏ.

Dernière modification : 29 ⵢⵓⵍⵢⵓⵣ 2019
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%8E%E2%B4%B7%E2%B5%A2%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%93%E2%B5%8E%E2%B4%B9%E2%B4%B0%E2%B5%8D-%E2%B5%8F-0