Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⴰⵙⵎⵓⵏⵉ ⵏ ⵓⵙⵎⵓⵏ ⴰⵎⴰⵜⴰⵢ ⴰⵙⵏⵡⴰⵏ ⵏ ⵉⵎⵎⵓⵍⵉ ⴰⵎⵖⵔⴰⴱⵉ ⵏ ⵓⵔⴰⵢ ⵏ ⵜⵎⵣⵉ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⴰⵙⵎⵓⵏⵉ ⵏ ⵓⵙⵎⵓⵏ ⴰⵎⴰⵜⴰⵢ ⴰⵙⵏⵡⴰⵏ ⵏ ⵉⵎⵎⵓⵍⵉ ⴰⵎⵖⵔⴰⴱⵉ ⵏ ⵓⵔⴰⵢ ⵏ ⵜⵎⵣⵉ

08 ⵢⵓⵍⵢⵓⵣ 2019 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ, ⴰⵙⵙ ⵏ ⵓⵙⵉⵎⵡⴰⵙ ⵉⵣⵔⵉⵏ ⴳ ⵕⵕⴱⴰⵟ, ⵜⴰⵙⵎⵓⵏⵉ ⵏ ⵓⵙⵎⵓⵏ ⴰⵎⴰⵜⴰⵢ ⴰⵙⵏⵡⴰⵏ ⵏ ⵉⵎⵎⵓⵍⵉ ⴰⵎⵖⵔⴰⴱⵉ ⵏ ⵓⵔⴰⵢ ⵏ ⵜⵎⵣⵉ, ⴳ ⵓⵙⴰⵜⵉ ⵏ ⵜⵙⵎⵓⵏⵉⵏ ⵜⵉⵎⵙⴳⴳⵯⴰⵙⵉⵏ ⵏ ⵓⵙⵜⴳ ⴷ ⵓⴹⴼⴰⵕ ⵏ ⵉⵎⵓⵙⵙⵓⵏ ⵏ ⵉⵎⵓⵍⵍⵉ, ⵍⵍⵉ ⵢⵙⵙⵏ ⴰⵙⵎⵏⵉⴷ ⵏ ⵜⵏⴰⴹⵉⵏ ⵏ ⵜⵙⴽⴰⵍⵜ ⴷ ⵏ ⵓⵥⵕⴼ, ⴷ ⵜⵖⵓⵔⵉ ⵏ ⵜⵏⴰⴹⵜ ⵏ ⵉⵔⵉⵎ ⵏ ⵓⵎⵙⵙⵉⴹⵏ ⴳ ⵓⵣⵎⵣ ⵏ ⵓⵙⴳⴳⵯⴰⵙ 2018 ⴷ ⵓⵏⴳⵔⴰⵡ ⵏ ⵓⴳⵏⵙⵓ ⵏ ⵉⵎⵎⵓⵍⵉ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵉⵎⵎⵓⵍⵉ ⵏ ⵓⵔⴰⵢ ⵏ ⵜⵎⵣⵉ ⴷⴼⴼⵉⵔ ⵏ ⵓⵣⵣⵓⵍ ⵏ ⵉⵙⵎⴷⵢⴰⵏⵏ ⵏ ⵉⵙⵉⵔⴰⵏ ⵉⵏⵎⵏⴰⴹⵏ ⴷ ⵉⴷⵖⵔⴰⵏ ⴷ ⵉⵎⵙⴽⴰⵔⵏ ⵉⵎⵙⵡⵓⵔⵉⵡⵉⵏ ⴳ ⵉⴳⵔ ⵏ ⵓⵔⴰⵢ ⵏ ⵜⵎⵣⵉ, ⵜⵙⵎⵖⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⵓⴳⴳⴰⵣ ⵉⵜⵜⵓⵙⴽⴰⵔⵏ ⵙⴳ ⵉⴳⵛⵓⵎⵏ ⴷ ⵎⴷⴷⵏ ⵉⵎⵅⴰⵙⵏ ⵙ ⵓⵙⴱⵖⵓⵔ ⵏ ⵉⵎⵣⵢⴰⵏⵏ ⴷ ⵉⵎⴰⵙⵏ ⵉⵍⵍⴰⵏ ⴳ ⵡⴰⴷⴷⴰⴷ ⴰⵥⵍⴰⴹ, ⵙⵍⴰⵡⵏ ⴰⴽⴽⵯ ⵉⵎⵄⴹⵓⵔⵏ.

ⴳ ⵓⵣⵎⵎⵣⵓ ⴷⵖ, ⵉⵙⵓⵍ ⵉⵏⵏⴰ ⵡⵙⵉⵡⴹ, ⵜⵙⴷⴷⵉⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴷⴷⵓⵔ ⵏ ⵉⵙⵏⵜⵉⵏ ⵏ ⵓⵙⵙⵓⵙⵄⵓ ⴷ ⵜⵓⵚⴽⴰ ⴷ ⵓⵙⵎⵙⴰⵙ ⵏ ⵉⵎⴰⵙⵙⵏ ⵏ ⵓⵙⵏⵓⴱⴳ ⵏ ⵓⵥⵍⴹ ⵙⴳ ⵜⵡⵊⵊⴰ ⴷ ⵉⴷⴷⴰⴷⵏ ⵉⵏⴰⵎⵓⵔⵏ ⵉⵍⵍⴰⵏ ⴳ ⴰⵎⵎⴰⵙ ⵏ ⵓⵙⴽⴰⵔ ⴳ ⵎⵛⵜⴰ ⵏ ⵜⵙⴳⵉⵡⵉⵏ ⵏ ⵜⴳⵍⴷⵉⵜ, ⵜⵖⵔⴰ ⴰⴷ ⵉⵍⵉⵏ ⵓⴳⴳⴰⵔ ⵏ ⵜⵓⴳⴳⴰⵣ ⴷ ⵜⵡⵓⵔⵉ ⵍⵍⵉ ⵢⵍⵍⴰⵏ ⴰⴼ ⴰⴷ ⵉⵙⵙⴼⴰⵍⴽⵉ ⵡⵔⴰⵢ ⵅⴼ ⵉⵎⵣⵢⴰⵏⵏ ⵉⵙⴱⵖⵔⵏ ⵙⴳ ⵜⵢⴰⴼⵓⵜⵉⵏ ⵏ ⵓⵎⵎⴰⵙ ⵉⴹⴼⴰⵕⵏ ⵏ ⵓⵎⵎⵓⵍⵉ ⵖⵉⴽ ⵍⵍⵉ ⵏⵏⴰⵏ ⵍⴰⵃⴽⴰⵎ ⵉⵜⵜⵓⴹⴼⴰⵕⵏ.

ⴷⴼⴼⵉⵔ ⵏ ⵉⵎⴹⴰⴽⴰⵕⵏ ⵅⴼ ⵜⵖⴰⵡⵙⵉⵡⵉⵏ ⵜⵙⵜⵔⴰⵜⵉⵊⵉⵏ ⴷ ⵉⵎⵏⵉⴷⵏ ⵏ ⵉⵎⴰⵍ, ⵙⵙⵖⵥⵏⵏ ⵙ ⵜⵓⴳⵜ ⵅⴼ ⵜⵏⴰⴹⵉⵏ ⵏ ⵜⵙⴽⴰⵍ ⴷ ⵓⵎⵙⵉⴹⵏ ⵏ ⵓⵙⴳⴳⵯⴰⵙ ⵉⵣⵔⵉⵏ ⴳ 31 ⴷⵓⵊⴰⵏⴱⵉⵔ 2018, ⴷ ⵜⵍⴳⵎⵉⵏ ⵏ ⵓⵙⵓⴷⵙ, ⵓⵍⴰ ⵡⵏⴳⵎⴰⵎ ⵏ ⵓⴳⵏⵙⵓ ⵏ ⵉⵎⵎⵓⵍⵉ ⴷ ⵓⵖⴰⵡⴰⵙ ⵏ ⵜⵡⵓⵔⵉ 2019-2021.

Dernière modification : 08 ⵢⵓⵍⵢⵓⵣ 2019
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%A3%E2%B5%89%E2%B5%8F%E2%B4%B1-%E2%B5%9C%E2%B4%B0%E2%B5%99%E2%B5%8E%E2%B5%93%E2%B5%8F%E2%B5%89-%E2%B5%8F-%E2%B5%93%E2%B5%99%E2%B5%8E%E2%B5%93%E2%B5%8F-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B4%B0%E2%B5%99%E2%B5%8F%E2%B5%A1%E2%B4%B0%E2%B5%8F-%E2%B5%8F