Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴳ ⵇⵏⵉⵟⵕⴰ ⵜⴰⴼⵓⴳⵍⴰ ⵏ ⵓⵙⵙⵓⴼⵖ ⵏ ⵓⴳⵔⴰⵡ ⵡⵉⵙⵙ 19 ⵏ ⵉⵎⵉⵔ ⴰⵏⴰⴼⵍⵍⴰ ⵏ ⵓⵎⵏⵣⵖ ⴷ ⵓⴳⵔⴰⵡ ⵡⵉⵙⵙ 53 ⵏ ⵉⵎⵉⵔ ⵏ ⵍⵉⵟⴰ ⵎⴰⵊⵓⵕ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴳ ⵇⵏⵉⵟⵕⴰ ⵜⴰⴼⵓⴳⵍⴰ ⵏ ⵓⵙⵙⵓⴼⵖ ⵏ ⵓⴳⵔⴰⵡ ⵡⵉⵙⵙ 19 ⵏ ⵉⵎⵉⵔ ⴰⵏⴰⴼⵍⵍⴰ ⵏ ⵓⵎⵏⵣⵖ ⴷ ⵓⴳⵔⴰⵡ ⵡⵉⵙⵙ 53 ⵏ ⵉⵎⵉⵔ ⵏ ⵍⵉⵟⴰ ⵎⴰⵊⵓⵕ

26 ⵢⵓⵏⵢⵓ 2019 Version Imprimable
ⵍⵇⵏⵉⵟⵕⴰ - ⵙ ⵉⴹ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵏⵙⵙⵉⵅⴼ ⴰⵏⴰⴼⵍⵍⴰ ⴷ ⴰⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⴽⵕⴰⵙ ⴳ ⵜⵖⵉⵡⴰⵏⵜ ⵜⴰⴳⵍⴷⴰⵏⵜ ⵏ ⵜⵖⵓⵔⵉⵡⵉⵏ ⵉⵄⵚⴽⵕⵉⵢⵏ ⵜⴰⵏⴰⴼⵍⵍⴰⵜ ⴳ ⵇⵏⵉⵟⵕⴰ, ⵜⴰⴼⵓⴳⵍⴰ ⵏ ⵓⵙⵓⴼⵖ ⵏ ⵓⴳⵔⴰⵡ ⵡⵉⵙⵙ 19 ⵏ ⵉⵎⵉⵔ ⴰⵏⴰⴼⵍⵍⴰ ⵏ ⵓⵎⵏⵣⵖ ⴷ ⵡⵉⵙⵙ 53 ⵏ ⵉⵎⵉⵔ ⵏ ⵍⵉⵟⴰ ⵎⴰⵊⵓⵕ.

ⵍⵍⵉⵖ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵙ ⵓⵙⵖⵉⵎ ⵏ ⵜⵖⵉⵡⴰⵏⵜ ⵜⴰⴳⵍⴷⴰⵏⵜ ⵏ ⵜⵖⵓⵔⵉⵡⵉⵏ ⵜⵉⵄⵚⴽⵕⵉⵢⵏ, ⵣⵓⵍⵏ ⵜ ⵓⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴷ ⵓⵏⵎⵀⴰⵍ ⵏ ⵜⵖⵉⵡⴰⵏⵜ, ⴷⴰⵜ ⴰⴷ ⵉⵙⵙⵣⵔⵉ ⴱⴰⴱ ⵏ ⵜⴰⵜⵜⵓⵢⵜ ⵢⴰⵏ ⵓⴳⵔⴰⵡ ⵏ ⵜⵔⴰⴱⴱⵓⵜ ⵏ ⵡⴰⴷⴷⵓⵔ ⵉⴹⴼⴰⵕⵏ ⵉ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵏ ⵡⴰⴹⵓ, ⴷ ⵎⵏⵏⴰⵡ ⵏ ⵎⴷⴷⵏ ⵢⴰⴹⵏⵉⵏ.

ⴷⴼⴼⵉⵔ ⴰⴷ, ⵉⵙⵎⵏⵉⴷ ⵓⵊⵉⵏⵉⵕⴰⵍ ⴷⵓ ⴱⵔⵉⴳⴰⴷ ⴰⵏⵎⵀⴰⵍ ⵏ ⵜⵖⵉⵡⴰⵏⵜ ⵜⴰⴳⵍⴷⴰⵏⵜ ⵏ ⵜⵖⵓⵔⵉⵡⵉⵏ ⵜⵉⵄⵚⴽⵕⵉⵢⵏ ⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⵜⴰⵎⵖⵓⵏⵜ ⵜⴰⵎⵙⴳⴳⵯⴰⵙⵜ ⵏ ⵉⵎⵓⵙⵙⵓⵜⵏ ⵏ ⵜⵖⵉⵡⴰⵏⵜ, ⴷ ⵜⵢⴰⴼⵓⵜⵉⵏ ⵉⵜⵜⵢⵓⵎⴰⵥⵏ ⵙⴳ ⴹⴹⵓⴱⴰⵟ ⵉⵙⴰⵏⵓⵏⵏ.

ⴼ ⵖⵉⴽⴰⵏ, ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵜⵉⴽⴽⵉ ⵏ ⵉⵙⵍⴽⵉⵏ ⵏ ⵓⵙⵍⵎⴰⴷ ⴰⵄⵚⴽⵕⵉ ⴷ ⴰⵏⴰⴼⵍⵍⴰ ⴷ ⵜⴼⵙⵏⵉⵡⵉⵏ ⵏ ⵍⵎⴰⵚⵟⵕ ⵜⵉⵏⴰⴼⵍⵍⴰⵏⵉⵏ ⵉⵥⵍⵉⵏ ⵙ ⵓⵎⵏⵣⴰⵖ ⴰⵏⴰⵎⵓⵔ ⴷ ⵉⵙⵍⴽⵉⵏ ⵏ ⵉⵎⵉⵔ ⵏ ⵍⵉⵟⴰ ⵎⴰⵊⵓⵕ ⴳ ⵓⵏⵎⴰⵍ ⵏ ⵓⵙⵜⴰⵢ, ⵉ ⴹⴹⵓⴱⴰⵟ ⵏ ⵉⵎⵉⵔ ⴰⵏⴰⴼⵍⵍⴰ ⵏ ⵓⵎⵏⵣⴰⵖ ⴷ ⴹⴹⵓⴱⴰⵟ ⵏ ⵉⵎⵉⵔ ⵏ ⵍⵉⵟⴰ ⵎⴰⵊⵓⵔ.

ⵉⵍⵍⴰ ⴳ ⵓⴳⵔⴰⵡ ⵡⵉⵙⵙ 19 ⵏ ⵉⵎⵉⵔ ⴰⵏⴰⴼⵍⵍⴰ ⵏ ⵓⵎⵏⵣⴰⵖ ⴷ ⵓⴳⵔⴰⵡ ⵡⵉⵙⵙ 53 ⵏ ⵉⵎⵉⵔ ⵏ ⵍⵉⵟⴰ ⵎⴰⵊⵓⵕ 156 ⴰⵎⵙⵓⴼⵖ ⵉⵍⵍⴰⵏ ⴳⵉⵙⵏ 42 ⴹⴹⴰⴱⵉⵟ ⵢⵓⵛⴽⴰⵏ ⵙⴳ 21 ⵜⵎⴰⵣⵉⵔⵜ ⵜⴰⵎⴷⴷⴰⴽⴽⵍⵜ ⵏ ⵍⵎⵖⵔⵉⴱ, ⵎⴰ ⵢⴰⴷ ⵉⴳⴰⵏ ⵜⴰⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ, ⴷ ⴱⵉⵏⵉⵏ, ⴷ ⴱⵓⵕⴽⵉⵏⴰⴼⴰⵚⵓ, ⴷ ⵍⴽⴰⵎⵉⵕⵓⵏ, ⴷ ⵛⵛⵉⵏⵡⴰ, ⴷ ⵍⴽⵓⵏⴳⵓ ⴱⵕⴰⵥⴰⴼⵉⵍ, ⴷ ⴽⵓⵟ ⴷⵉⴼⵡⴰⵕ, ⴷ ⵎⵉⵚⵕⴰ, ⴷ ⵚⴱⵍⵢⵓⵏ, ⴷ ⴼⵕⴰⵏⵚⴰ, ⴷ ⵍⴳⴰⴱⵓⵏ, ⴷ ⵖⵉⵏⵢⴰ ⴽⵓⵏⴰⴽⵔⵉ, ⴷ ⵎⴰⴷⴰⵖⴰⵛⵇⴰⵕ, ⴷ ⵎⴰⵍⵉ, ⴷ ⵏⵏⵉⵊⵉⵔ, ⴷ ⵜⴳⴷⵓⴷⴰⵏⵜ ⵏ ⵉⴼⵔⵉⵇⵢⴰ ⵜⴰⵏⴰⵎⵎⴰⵙⵜ, ⴷ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵕⴰⵟⵉⵜ, ⴷ ⵙⵙⵉⵏⵉⴳⴰⵍ, ⴷ ⵟⴰⵏⵥⴰⵏⵢⴰ, ⴷ ⵟⵟⵓⴳⵓ, ⴷ ⵜⵓⵏⵙ.
 

Dernière modification : 26 ⵢⵓⵏⵢⵓ 2019
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B4%B3-%E2%B5%87%E2%B5%8F%E2%B5%89%E2%B5%9F%E2%B5%95%E2%B4%B0