Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⴳ ⴱⵓⵇⵏⴰⴷⵍ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵎⵎⴰⵙ ⵉⴳⵔⴰⵖⵍⴰⵏ ⵃⴰⵙⴰⵏ ⵡⵉⵙⵙ ⵙⵉⵏ ⵏ ⵓⵙⵎⵓⵜⵜⴳ ⵅⴼ ⵓⵡⵏⴰⴹ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⴳ ⴱⵓⵇⵏⴰⴷⵍ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵎⵎⴰⵙ ⵉⴳⵔⴰⵖⵍⴰⵏ ⵃⴰⵙⴰⵏ ⵡⵉⵙⵙ ⵙⵉⵏ ⵏ ⵓⵙⵎⵓⵜⵜⴳ ⵅⴼ ⵓⵡⵏⴰⴹ

18 ⵢⵓⵏⵢⵓ 2019 Version Imprimable
ⴱⵓⵇⵏⴰⴷⵍ (ⵙⵍⴰ) - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⴰⵙⵙ ⵏ ⵓⵙⵉⵏⴰⵙ ⴳ ⴱⵓⵇⵏⴰⴷⵍ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵎⵎⴰⵙ ⵉⴳⵔⴰⵖⵍⴰⵏ ⵃⴰⵙⴰⵏ ⵡⵉⵙⵙ ⵙⵉⵏ ⵏ ⵓⵙⵎⵓⵜⵜⴳ ⵅⴼ ⵓⵡⵏⴰⴹ.

ⴷⴼⴼⵉⵔ ⵍⵍⵉⵖ ⵜⴼⴽⴰ ⵡⵕⵥⵥⵓⵎ ⵏ ⵓⵎⵎⴰⵙ ⵉⴳⵔⴰⵖⵍⴰⵏ ⵃⴰⵙⴰⵏ ⵡⵉⵙⵙ ⵙⵉⵏ ⵏ ⵓⵙⵎⵓⵜⵜⴳ ⵅⴼ ⵓⵡⵏⴰⴹ, ⵜⴹⴼⵕ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵉⵙⵙⴼⵔⵓⵏ ⵅⴼ ⵜⵖⴰⵡⵙⵉⵡⵉⵏ ⵏ ⵓⵎⵎⴰⵙ ⴰⴷ.

ⴷⴼⴼⵉⵔ ⵏ ⵖⵉⴽⴰⵏⵏ, ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⵓⵔⵣⴰⴼ ⵉ ⵡⵙⵏⵓⴱⴳ ⴷ ⵜⴷⴰⵍⴰ ⵏ ⵓⵙⵎⵓⵜⵜⴳ ⴷ ⵏ ⵜⴷⴰⵍⴰ ⵜⴰⴳⴷⵓⴷⴰⵏⵜ, ⴷⴰⵜ ⴰⴷ ⵜⵣⵔⵉ ⵙ ⵢⴰⵜ ⵜⵎⵖⵔⵉⵜ ⵜⴰⵣⴳⵣⴰⵡⵜ ⵉⵍⵍⴰⵏ ⴳ ⵉⵣⴷⴷⴰⵔ ⵏ ⵓⵎⵎⴰⵙ.

ⵜⵔⵣⴼ ⵙⵓⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵍⵍⵉ ⵢⵎⴰⵏⵏ ⴷ ⵎⴰⵙⵙⴰ ⵍⴰⵢⵍⴰ ⵙⵇⵍⵍⵉ ⵍⴰⵎⵉ, ⵜⴰⵎⵙⴷⴰⴳⵜ ⵏ ⵓⵙⵏⵜⵉ, ⵉⵙⵔⵓⵙⵏ ⵉⵡⵏⴰⴹⵏ ⵏ ⵜⵙⴳⴰ ⵜⴰⴱⵕⵕⴰⵏⵉⵜ ⵏ ⵡⴰⵎⵎⴰⵙ.

ⴳ ⵓⵣⵎⵣⵣⵓ ⵢⴰⴷ ⵙⵓⵍ, ⵜⴹⴼⵕ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵢⴰⵜ ⵜⵏⴽⴷⴰ ⵅⴼ ⵓⵙⵓⴼⵖ ⵏ ⵜⵓⵔⵜⵉⵜ ⵉⵟⵟⴰⴼⵏ ⵜⵉⴷⵓⵍⴰ ⵙⴳ ⵎⴰⵙⵙ ⴱⴰⵙⴽⴰⵍ ⵍⵓⴱⵉⵣ, ⴰⵏⵎⵀⴰⵍ ⴰⵎⴰⵜⴰⵢ ⵏ "ⵉ ⴷⵉ ⴱⵉⵢⵣⴰⵊ", ⵓⵍⴰ ⵙⵏⴰⵜ ⵏ ⵜⵏⴽⴷⵉⵏ ⵢⴰⴹⵏⵉⵏ.

ⴷⴼⴼⵉⵔ ⵏ ⵜⴼⵓⴳⵍⴰ ⵢⴰⴷ, ⵜⴱⵉⴷⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⴼ ⴰⴷ ⵜⴰⵎⵥ ⵢⴰⵜ ⵜⵡⵍⴰⴼⵜ ⵏ ⵓⵙⵙⴽⵜⵉ ⴰⵎⵎⴰⵙ ⵏ ⵜⵓⵔⵜⵉⵜ, ⴷ ⵉⵏⵍⵎⴰⴷⵏ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵎⵔⵙⵍⵜ.

ⵍⵍⵉⵖ ⵢⴰⴷ ⵍⵍⵉ ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⵎⴰⵙ ⵉⴳⵔⴰⵖⵍⴰⵏ ⵃⴰⵙⴰⵏ ⵡⵉⵙⵙ ⵙⵉⵏ ⵏ ⵓⵙⵎⵓⵜⵜⴳ ⵅⴼ ⵓⵡⵏⴰⴹ, ⵣⵓⵍⵏ ⵜ ⵙⵍⴰⵡⴰⵏ ⴰⴽⴽⵯ ⵎⴰⵙⵙ ⵍⵃⵓⵙⵉⵏ ⵜⵜⵉⵊⴰⵏⵉ, ⴰⵏⵙⵙⵉⵅⴼ ⴰⵎⴰⵔⵉ ⵏ ⵜⵎⵔⵙⵍⵜ, ⴷ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵥⵓⵍⴰⵏ ⴷ ⵓⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵉⴳⴳⵍ ⴰⵎⴰⵙⵙⴰⵏ, ⴷ ⵎⴰⵙⵙ ⵅⴰⵍⵉⴼ ⵚⵚⴰⵎⴰⴷⵉ, ⵉⵎⵉⵔⵉ ⵏ ⵓⵡⴰⵏⴽ ⵉⵜⵜⵓⵙⵎⴳⵍⵏ ⵙ ⵓⵙⵍⵎⴷ ⵢⴰⵜⵜⵓⵢⵏ ⵓⵙⵉⴳⵏ ⴰⵎⴰⵙⵙⴰⵏ, ⴷ ⵎⴰⵙⵙⴰ ⵏⵣⵀⴰ ⵍⵡⴰⴼⵉ, ⵜⵉⵎⵉⵔⵉⵜ ⵏ ⵓⵡⴰⵏⴽ ⴷⴰⵔ ⵓⵎⴰⵡⴰⵙ ⵏ ⵜⴰⵥⴹⴰⵕⵜ ⴷ ⵓⵣⴰⵖⵓⵣ ⴷ ⵜⵉⴳⵎⵉ ⵜⴰⵙⵓⵍⴰⵏⵜ ⵉⵜⵜⵓⵙⵎⴳⵍⵏ ⵙ ⵜⵉⴳⵎⵉ ⵜⴰⵙⵓⵍⴰⵏⵜ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⵜⵜⵓⵢⵏ ⵢⴰⴹⵏⵉⵏ.

Dernière modification : 19 ⵢⵓⵏⵢⵓ 2019
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%9C%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%9C-%E2%B5%8F-%E2%B5%9C%E2%B5%8E%E2%B5%94%E2%B5%99%E2%B5%8D%E2%B5%9C-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7